ਕਨਿਕਾ ਮਾਨ ਇੱਕ ਮਸ਼ਹੂਰ ਟੀਵੀ ਅਭਿਨੇਤਰੀ ਹੈ ਜੋ ਜ਼ੀ-ਟੀਵੀ ਦੇ ਸ਼ੋਅ ਗੁੱਡਨ ਤੁਮ ਸੇ ਨਾ ਹੋ ਪੇਏਗਾ ਵਿੱਚ ਗੁਡਨ ਦਾ ਕਿਰਦਾਰ ਨਿਭਾਉਣ ਲਈ ਜਾਣੀ ਜਾਂਦੀ ਹੈ। ਇਨ੍ਹੀਂ ਦਿਨੀਂ ਅਦਾਕਾਰਾ ਦੱਖਣੀ ਅਫਰੀਕਾ ‘ਚ ‘ਖਤਰੋਂ ਕੇ ਖਿਲਾੜੀ 12’ (ਕੇਕੇਕੇ 12) ‘ਚ ਰੁੱਝੀ ਹੋਈ ਹੈ। ਤੁਹਾਨੂੰ ਦੱਸ ਦੇਈਏ, ਰੋਹਿਤ ਸ਼ੈੱਟੀ ਦਾ ਇਹ ਸ਼ੋਅ ਜਲਦ ਹੀ ਟੀਵੀ ‘ਤੇ ਆਉਣ ਵਾਲਾ ਹੈ।
ਹਾਲ ਹੀ ‘ਚ ਕਨਿਕਾ ਨੇ ਸੈੱਟ ਤੋਂ ਸੋਸ਼ਲ ਮੀਡੀਆ ‘ਤੇ ਬਿਕਨੀ ‘ਚ ਆਪਣੀ ਇਕ ਤਸਵੀਰ ਸ਼ੇਅਰ ਕੀਤੀ ਹੈ। ਜਿਸ ਬਾਰੇ ਗੱਲ ਕਰਦਿਆਂ ਉਸਨੇ ਈ ਟਾਈਮਜ਼ ਨੂੰ ਦੱਸਿਆ ਕਿ ਉਸਨੇ ਇਹ ਫੋਟੋ ਅਪਲੋਡ ਤੋਂ ਪਹਿਲਾਂ ਆਪਣੇ ਪਿਤਾ ਨੂੰ ਸੋਸ਼ਲ ਮੀਡੀਆ ‘ਤੇ ਬਲਾਕ ਕਰ ਦਿੱਤਾ ਸੀ।
ਦਰਅਸਲ, ਕਨਿਕਾ ਨੇ ਖਤਰੋਂ ਕੇ ਖਿਲਾੜੀ ਬਾਰੇ ਈ-ਟਾਈਮਜ਼ ਨਾਲ ਗੱਲ ਕੀਤੀ ਹੈ। ਜਿੱਥੇ ਉਸ ਨੇ ਦੱਸਿਆ ਕਿ ਜਦੋਂ ਉਸ ਨੇ ਬਿਕਨੀ ‘ਚ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀ ਤਾਂ ਉਸ ਨੇ ਆਪਣੇ ਪਿਤਾ ਨੂੰ ਬਲਾਕ ਕਰ ਦਿੱਤਾ ਸੀ। ਹਾਲਾਂਕਿ, ਉਸਦੀ ਭੈਣ ਉਸਦੀ ਇਹ ਫੋਟੋ ਦੇਖ ਸਕੇ ਇਸ ਲਈ ਉਸਨੇ ਉਸਨੂੰ ਬਲਾਕ ਨਹੀਂ ਕੀਤਾ।
ਕਨਿਕਾ ਨੇ ਦੱਸਿਆ ਕਿ ਫਿਰ ਪਿਤਾ ਨੇ ਮੈਨੂੰ ਪੁੱਛਿਆ ਕਿ ਮੈਂ ਤੇਰੀ ਪੋਸਟ ਕਿਉਂ ਨਹੀਂ ਦੇਖ ਪਾ ਰਿਹਾ। ਜਿਸ ਤੋਂ ਬਾਅਦ ਮੇਰੀ ਭੈਣ ਨੇ ਉਨ੍ਹਾਂ ਨੂੰ ਸਮਝਾਇਆ ਕਿ ਮੈਂ ਜ਼ਿਆਦਾ ਪੋਸਟ ਸ਼ੇਅਰ ਨਹੀਂ ਕਰਦੀ। ਫਿਰ ਪਿਤਾ ਨੇ ਕਿਹਾ ਕਿ ਮੈਂ ਤਾਂ ਪੁਰਾਣੀ ਪੋਸਟ ਵੀ ਨਹੀਂ ਦੇਖ ਪਾ ਰਿਹਾ। ਕਨਿਕਾ ਮੁਤਾਬਕ ਉਸ ਦੇ ਪਿਤਾ ਨੂੰ ਸੋਸ਼ਲ ਮੀਡੀਆ ਬਾਰੇ ਜ਼ਿਆਦਾ ਜਾਣਕਾਰੀ ਨਹੀਂ ਹੈ, ਇਸ ਲਈ ਉਸ ਨੇ ਫੋਟੋ ਹਾਇਡ ਕਰ ਕੇ ਉਨ੍ਹਾਂ ਨੂੰ ਦੁਬਾਰਾ ਅਨਬਲੌਕ ਕਰ ਦਿੱਤਾ ਹੈ।
ਇਸ ਗੱਲਬਾਤ ‘ਚ ਕਨਿਕਾ ਨੇ ਅੱਗੇ ਕਿਹਾ ਕਿ ਜਲਦ ਹੀ ਇਹ ਸ਼ੋਅ ਟੀਵੀ ‘ਤੇ ਟੈਲੀਕਾਸਟ ਹੋਣ ਵਾਲਾ ਹੈ, ਜਿਸ ਤੋਂ ਬਾਅਦ ਮੈਨੂੰ ਗਾਇਬ ਹੋਣਾ ਪਵੇਗਾ, ਕਿਉਂਕਿ ਮੈਨੂੰ ਨਹੀਂ ਪਤਾ ਕਿ ਮੈਂ ਉਨ੍ਹਾਂ ਦਾ ਸਾਹਮਣਾ ਕਿਵੇਂ ਕਰਾਂਗੀ।
