ਸਿੱਧੂ ਮੂਸੇਵਾਲੇ ਦਾ 3 ਦਿਨ ਪਹਿਲਾਂ ਆਇਆ ਗੀਤ ਐਸਵਾਈ ਐਲ ,ਸਰਕਾਰ ਵਲੋਂ ਸ਼ਿਕਾਇਤ ਕਰਨ ਤੋਂ ਯੂਟਿਊਬ ਨੇ ਹਟਾ ਦਿੱਤਾ ਗਿਆ । ਇਹ ਜਿਕਰਯੋਗ ਹੈ ਕਿ ਇਹ ਗੀਤ ਨੂੰ 3 ਦਿਨਾਂ ਚ ਹੀ 25 ਲੱਖ ਤੋਂ ਵੱਧ ਲੋਕਾਂ ਨੇ ਵੇਖ ਲਿਆ ਸੀ ਤੇ ਹਰ ਪਾਸੇ ਇਸ ਦੀ ਚਰਚਾ ਹੋ ਰਹੀ ਸੀ ।
ਇਹ ਦਸ ਦੀਏਏ ਕਿ ਇਹ ਗੀਤ ਚ ਸਤਲੁਜ ਯਮਨਾ ਲਿੰਕ ਦਾ ਜਿਕਰ ਕੀਤਾ ਗਿਆ ਹੈ । ਗਾਣੇ ਨੂੰ ਯੂਟਿਊਬ ਵਲੋਂ ਹਟਾਉਣ ਨਾਲ ਵੱਖ ਵੱਖ ਲੋਕਾਂ ਦੀਆਂ ਪ੍ਰਤੀਕਿਰੀਆਂਵਾਂ ਆ ਰਹੀਆਂ ਹਨ ।
ਹਾਲਾਂਕਿ ਅੱਜ ਮੂਸੇਵਾਲੇ ਦੇ ਬੋਲ ਉਸ ਦੀ ਮੌਤ ਬਾਅਦ ਵੀ ਲੋਕਾਂ ਦੇ ਦਿੱਲਾਂ ਤੇ ਧੜਕ ਰਹੇ ਹਨ ,ਜਿਸ ਦੀ ਉਦਾਹਰਨ ਅੱਜ ਵੇਖਣ ਨੂੰ ਮਿਲੀ । ਸਿੱਧੂ ਮੂਸੇਵਾਲਾ ਅਕਸਰ ਹੀ ਆਖਦਾ ਰਹਿੰਦਾ ਸੀ ਕਿ ਕੰਮ ਉਹ ਕਰੋ,ਜੋ ਤਹਾਨੂੰ ਮੌਤ ਤੋਂ ਬਾਅਦ ਵੀ ਯਾਦ ਕੀਤਾ ਜਾਵੇ ਤੇ ਇਹ ਬੋਲਾਂ ਤੇ ਲੋਕਾਂ ਅੱਜ ਮੋਹਰ ਲਾ ਦਿੱਤੀ ,ਜਿਸ ਤਰਾਂ ਸਿੱਧੂ ਮੂਸੇਵਾਲੇ ਦਾ ਗਾਣਾ ਮਿੰਟ-ਸਕਿੰਟਾਂ ਚ ਹੀ ਛਾਇਆ ਹੈ ,ਉਹ ਵਾਕਿਆ ਹੀ ਆਪਣੀ ਆਪ ਚ ਕਮਾਲ ਹੈ ।
ਸਾਨੂੰ ਸਾਡਾ ਪਿਛੋਕੜ ਤੇ ਸਾਡਾ ਲਾਣਾ ਦੇ ਦਿਓ
ਚੰਡੀਗੜ੍ਹ, ਹਿਮਾਚਲ ਤੇ ਹਰਿਆਣਾ ਦੇ ਦਿਓ
ਜਿੰਨਾ ਚਿਰ ਸਾਨੂੰ sovereignty ਦਾ ਰਾਹ ਨਹੀਂ ਦਿੰਦੇ
ੳਨਾ ਚਿਰ ਪਾਣੀ ਛੱਡੋ, ਤੁਪਕਾ ਨਹੀਂ ਦਿੰਦੇ
ਕੌਣ ਸੀ ਅੱਤ ਤੇ ਅੱਤਵਾਦੀ ਗਵਾਹੀ ਦੇ ਦਿਓ
ਹੁਣ ਤਾਂ ਬੰਦੀ ਸਿੰਘਾਂ ਨੂੰ ਰਿਹਾਈ ਦੇ ਦਿਓ
ਜਿੰਨਾ ਚਿਰ ਸਾਡੇ ਹੱਥੋਂ ਹੱਥਕੜੀਆਂ ਲਾਹ ਨਹੀਂ ਦਿੰਦੇ
ਓਨਾ ਚਿਰ ਪਾਣੀ ਛੱਡੋ, ਤੁਪਕਾ ਨਹੀਂ ਦਿੰਦੇ
ਵੱਡਾ ਸੋਚ ਤੂੰ ਵੱਡਾ ਨੀਅਤ ਛੋਟੀ ਵਾਲਿਆ
ਕਿਉਂ ਪੱਗਾਂ ਨਾਲ ਖਹਿੰਦਾ ਫਿਰਦਾ ਟੋਪੀ ਵਾਲਿਆ
ਮੂਸੇਵਾਲਾ ਬਿਨਾਂ ਮੰਗਿਓਂ ਸਲਾਹ ਨਹੀਂ ਦਿੰਦੇ
ਓਨਾ ਚਿਰ ਪਾਣੀ ਛੱਡੋ, ਤੁਪਕਾ ਨਹੀਂ ਦਿੰਦੇ
ਨਾਲੇ ਇੱਧਰ ਨਾਲੇ ਉੱਧਰ ਦੁਨੀਆ ਬੜੀ ਹਿਸਾਬੀ
ਨਿਸ਼ਾਨ ਝੁੱਲੇ ਤੋਂ ਫਿਰ ਰੋਂਦਾ ਕਿਉਂ ਸੀ ‘ਅੜ੍ਹਬ ਪੰਜਾਬੀ’
ਜਿੰਨਾ ਚਿਰ ਅਸੀਂ ਦੋਗਲਿਆਂ ਦੇ ਬਾਂਹ ਨਹੀਂ ਦਿੰਦੇ
ਓਨਾ ਚਿਰ ਪਾਣੀ ਛੱਡੋ, ਤੁਪਕਾ ਨਹੀਂ ਦਿੰਦੇ
ਪਾਣੀ ਦਾ ਕੀ ਐ, ਪਾਣੀ ਤਾਂ ਪੁਲਾਂ ਥੱਲਿਓਂ ਵਗਣਾ
ਸਾਨੂੰ ਨਾਲ ਰਲਾ ਲਓ ਲੱਖ ਭਾਵੇਂ ਥੱਲੇ ਨਹੀਂ ਲੱਗਣਾ
ਦਬਕੇ ਨਾਲ ਮੰਗਦੇ ਓ ਅਸੀਂ ਤਾਂ ਨਹੀਂ ਦਿੰਦੇ
ਓਨਾ ਚਿਰ ਪਾਣੀ ਛੱਡੋ, ਤੁਪਕਾ ਨਹੀਂ ਦਿੰਦੇ
ਕਲਮ ਨਹੀਂ ਰੁਕਣੀ ਨਿੱਤ ਨਵਾਂ ਹੁਣ ਗਾਣਾ ਆਊ
ਜੇ ਨਾ ਟਲੇ ਤਾਂ ਮੁੜ ਬਲਵਿੰਦਰ ਜਟਾਣਾ ਆਊ
ਫਿਰ ਪੁੱਤ ਬਗਾਨੇ ਨਹਿਰਾਂ ‘ਚ ਡੇਕਾਂ ਲਾ ਹੀ ਦਿੰਦੇ
ਓਨਾ ਚਿਰ ਪਾਣੀ ਛੱਡੋ, ਤੁਪਕਾ ਨਹੀਂ ਦਿੰਦੇ
ਸਿੱਧੂੂ ਮੂਸੇਵਾਲੇ ਦੇ ਗੀਤ ਦੀ ਸ਼ੁਰੂਆਤ ‘ਚ ਹੀ ਇਕ ਅਵਾਜ਼ ਹਿੰਦੀ ਭਾਸ਼ੀ ਚ ਸੁਣਾਈ ਦਿੰਦੀ ਹੈ ਕਿ ਜੋ ਕਿ ,
” ਪੰਜਾਬ ਦੇ ਅੰਦਰ ਸਾਡੀ ਸਰਕਾਰ ਆ ਗਈ ਹੈ ‘ਤੇ 2024 ਚ ਹਰਿਆਣਾ ‘ਚ ਸਾਡੀ ਸਰਕਾਰ ਆ ਰਹੀ ਹੈ ‘ਤੇ
2025 ‘ਚ ਉਸ ਨਹਿਰ ਦਾ ਪਾਣੀ ਹਰਿਆਣਾ ਦੇ ਹਰ ਖੇਤ ਤੱਕ ਪਹੁੰਚੇਗਾ ,ਇਹ ਸਾਡਾ ਵਾਅਦਾ ਨਹੀਂ ਗਾਰੰਟੀ ਹੈ ”
ਇਹ ਬੋਲ ਹਰਿਆਣਾ ਤੋਂ ਸੁਸ਼ੀਲ ਗੁਪਤਾ ਆਮ ਆਦਮੀ ਪਾਰਟੀ ਦੇ ਰਾਜ ਸਭਾ ਲਈ ਮੈਂਬਰ ਦੇ ਹਨ ।
ਮੀਡੀਆ ਰਿਪੋਰਟ ਅਨੁਸਾਰ ਇਹ ਬਿਆਨ ਅਪ੍ਰੈਲ ਚ ਦਿੱਤਾ ਗਿਆ ਸੀ ਕਿ ਜੇ ਹਰਿਆਣੇ ਵਿੱਚ ਉਨਾ ਦੀ ਪਾਰਟੀ ਦੀ ਸਰਕਾਰ ਆਈ ਤਾਂ ਯਮੁਨਾ ਅਤੇ ਸਤਲੂਜ ਨੂੰ ਜੋੜਨ ਵਾਲੀ ਨਹਿਰ ਦੀ ਉਸਾਰੀ ਪੂਰੀ ਕਰਵਾਈ ਜਾਵੇਗੀ ਅਤੇ ਉਸ ਨਹਿਰ ਦਾ ਪਾਣੀ ਹਰਿਆਣਾ ਦੇ ਹਰ ਖੇਤ ਤੱਕ ਪਹੁੰਚੇਗਾ ।
