ਪ੍ਰਧਾਨ ਮੰਤਰੀ ਮੋਦੀ ਜਲਦ ਪੰਜਾਬ ਆਉਣਗੇ।ਉਹ ਫਿਰੋਜ਼ਪੁਰ ‘ਚ ਪੀਜੀਆਈ ਦੇ ਸੈਟੇਲਾਈਟ ਸੈਂਟਰ ਦਾ ਉਦਘਾਟਨ ਕਰਨਗੇ।ਇਹ ਜਾਣਕਾਰੀ ਭਾਜਪਾ ਦੇ ਪ੍ਰਦੇਸ਼ ਪ੍ਰਧਾਨ ਅਤੇ ਵਿਧਾਇਕ ਅਸ਼ਵਨੀ ਸ਼ਰਮਾ ਨੇ ਦਿੱਤੀ।ਉਨ੍ਹਾਂ ਦਾ ਕਹਿਣਾ ਹੈ ਕਿ ਬਹੁਤ ਜਲਦ ਪ੍ਰਧਾਨ ਮੰਤਰੀ ਪੰਜਾਬ ‘ਚ ਆ ਕੇ ਪੀਜੀਆਈ ਦਾ ਉਦਘਾਟਨ ਕਰਨਗੇ।ਪਿਛਲੀ ਵਾਰ ਪੀਐੱਮ ਮੋਦੀ ਪੰਜਾਬ ਆਏ ਸਨ ਪਰ ਬਠਿੰਡਾ ਤੋਂ ਹੀ ਵਾਪਸ ਚਲੇ ਗਏ।
ਅਸਲ ‘ਚ ਫਿਰੋਜ਼ਪੁਰ ਗ੍ਰਾਮੀਣ ਤੋਂ ‘ਆਪ’ ਵਿਧਾਇਕ ਰਜ਼ਨੀਸ਼ ਦਹੀਆ ਨੇ ਪੀਜੀਆਈ ਸੈਂਟਰ ਦਾ ਮੁੱਦਾ ਉਠਾਇਆ ਸੀ।ਜਿਸ ਤੋਂ ਬਾਅਦ ਅਸ਼ਵਨੀ ਸ਼ਰਮਾ ਨੇ ਇਹ ਜਵਾਬ ਦਿੱਤਾ।ਅਸ਼ਵਨੀ ਸ਼ਰਮਾ ਦਾ ਕਹਿਣਾ ਹੈ ਪਿਛਲੀ ਵਾਰ ਸਿਕਓਰਿਟੀ ‘ਚ ਹੋਈ ਚੂਕ ਕਾਰਨ ਪੀਐੱਮ ਮੋਦੀ ਅੱਧੇ ਰਸਤਿਓ ਹੀ ਵਾਪਸ ਮੁੜ ਗਏ ਸਨ।ਵਿਧਾਇਕ ਰਜ਼ਨੀਸ਼ ਦਹੀਆ ਨੇ ਕਿਹਾ ਕਿ ਉਨ੍ਹਾਂ ਦੇ ਖੇਤਰ ‘ਚ ਪੀਜੀਆਈ ਬਣਨ ਦੀ ਗੱਲ ਹੋਈ ਸੀ।
ਇਸ ਨੂੰ ਕਰੀਬ 10 ਸਾਲ ਬੀਤ ਚੁੱਕੇ ਹਨ।ਅਜੇ ਤੱਕ ਉਸਦਾ ਕੰਮ ਸ਼ੁਰੂ ਨਹੀਂ ਹੋਇਆ।ਉਨ੍ਹਾਂ ਨੇ ਭਾਜਪਾ ਵਿਧਾਇਕ ਅਸ਼ਵਨੀ ਸ਼ਰਮਾ ਨੂੰ ਕਿਹਾ ਕਿ ਉਹ ਕੇਂਦਰ ਨਾਲ ਤਾਲਮੇਲ ਕਰ ਕੇ ਕੰਮ ਸ਼ੁਰੂ ਕਰਵਾਉਣ।ਦਹੀਆ ਨੇ ਕਿਹਾ ਕਿ ਪਿਛਲ਼ੀ ਵਾਰ ਪੀਐੱਮ ਮੋਦੀ ਨੀਂਹ ਪੱਥਰ ਰੱਖਣ ਆਏ ਸਨ ਪਰ ਇਹ ਕੰਮ ਨਹੀਂ ਹੋ ਸਕਿਆ।
