ਆਨਲਾਈਨ ਕਾਈ ਅਜਿਹੀਆਂ ਵੀਡੀਓਜ਼ ਦੇਖਣ ਨੂੰ ਮਿਲਦੀਆਂ ਹਨ ਜੋ ਕਿ ਵਿਆਹਾਂ ਦੌਰਾਨ ਹੋਣ ਵਾਲੇ ਸ਼ਗਣਾਂ ਤੋਂ ਅਲਗ ਹੀ ਹੁੰਦੀਆਂ ਹਨ। ਜਿਵੇਂ ਕਿ ਲਾੜੇ ਵੱਲੋਂ ਆਪਣੇ ਮੱਥੇ ‘ਤੇ ਸਿੰਦੂਰ ਪਹਿਨਨਾ, ਔਰਤ ਪੁਜਾਰੀ ਵੱਲੋਂ ਵਿਆਹ ਦੀ ਰਸਮ ਅਦਾ ਕਰਨੀ ਜਾਂ ਇੱਕ ਲਾੜੀ ਵੱਲੋਂ ਘੋੜੇ ‘ਤੇ ਸਵਾਰ ਹੋ ਕੇ ਲਾੜੇ ਦੇ ਘਰ ਆਪਣੀ ਬਰਾਤ ਲੈ ਕੇ ਜਾਣਾ ਸ਼ਾਮਿਲ ਹੈ। ਪਰ ਹੁਣ ਵਿਆਹ ਦੇ ਇਕਰਾਰਨਾਮੇ ਦੀ ਇੱਕ ਅਜਿਹੀ ਵੀਡੀਓ ਸਾਹਮਣੇ ਆਈ ਹੈ ਜਿਸ ਨੇ ਸ਼ੋਸ਼ਲ ਮੀਡੀਆ ‘ਤੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚ ਲਿਆ ਹੈ।
ਦਰਾਅਸਲ ਵਿਆਹੀ ਜੋੜੇ ਵੱਲੋਂ ਪੀਜ਼ਾ ਅਤੇ ਸਾੜੀ ਦੀਆਂ ਸ਼ਰਤਾਂ ਨਾਲ ਵਿਆਹ ਦੇ ਇਕਰਾਰਨਾਮੇ ‘ਤੇ ਹਸਤਾਖਰ ਕੀਤੇ ਗਏ ਹਨ ਜੋ ਕਿ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ ਤੇ ਲੋਕਾਂ ਵੱਲੋਂ ਵੀ ਇਸ ਨੂੰ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ।
ਵੀਡੀਓ ਨੂੰ ਵੈੱਡਲਾਕ ਫੋਟੋਗ੍ਰਾਫੀ ਅਸਮ (@wedlock_photography_assam) ਨਾਮ ਦੇ ਇੱਕ ਇੰਸਟਾਗ੍ਰਾਮ ਪੇਜ ‘ਤੇ ਸ਼ੇਅਰ ਕੀਤਾ ਗਿਆ ਤੇ ਵੀਡੀਓ ਦੇ ਕੈਪਸ਼ਨ ‘ਚ ਲਿਖਿਆ ਗਿਆ ”ਵਿਆਹ ਦਾ ਇਕਰਾਰਨਾਮਾ। ਵੀਡੀਓ ਵਿੱਚ ਲਾੜੀ ਸ਼ਾਂਤੀ ਅਤੇ ਲਾੜਾ ਮਿੰਟੂ ਨੂੰ ਵਿਆਹ ਦਾ ਇਕਰਾਰਨਾਮਾ ਕਰਦੇ ਹੋਏ ਦਿਖਾਇਆ ਗਿਆ ਹੈ।
ਲੜਕੀ ਵੱਲੋਂ ਵਿਆਹ ਦੇ ਇਕਰਾਰਨਾਮੇ ਵਿੱਚ ਵਿਆਹ ਤੋਂ ਬਾਅਦ ਕਰਨ ਅਤੇ ਨਾ ਕਰਨ ਦੀ ਇੱਕ ਲੰਬੀ ਸੂਚੀ ਰੱਖੀ ਗਈ ਹੈ, ਜਿਸ ਵਿੱਚ ਇੱਕ ਮਹੀਨੇ ਵਿੱਚ ਇੱਕ ਪੀਜ਼ਾ ਖਾਵਾਂਗੇ, ਹਰ 15 ਦਿਨਾਂ ਬਾਅਦ ਖਰੀਦਦਾਰੀ, ਪਾਰਟੀ ‘ਚ ਖੂਬਸੂਰਤ ਫੋਟੋਆਂ ਖਿਚਣੀਆਂ ਪੈਣਗੀਆਂ, ਰਵਿਵਾਰ ਨੂੰ ਤੁਹਾਨੂੰ ਨਾਸ਼ਤਾ ਬਣਾਉਣਾ ਹੋਵੇਗਾ, ਦੇਰ ਰਾਤ ਤੱਕ ਪਾਰਟੀ ਦੀ ਨਹੀਂ ਹੋਵੇਗੀ ਮਨਜੂਰੀ, ਰੋਜਾਨਾ GYM ਜਾਣਾ ਹੋਵੇਗਾ ਤੇ ਹਮੇਸ਼ਾ ਘਰ ਦੇ ਬਣੇ ਖਾਣੇ ਨੂੰ ਪਹਿਲ ਦੇਣ ਵਰਗੀਆਂ ਗੱਲਾਂ ਸ਼ਾਮਲ ਹਨ। ਜਿਸ ‘ਤੇ ਸਰਬਸਹਿਮਤੀ ਨਾਲ ਵਿਆਹੇ ਜੋੜੇ ਵੱਲੋਂ ਹਸਤਾਖਰ ਕੀਤੇ ਜਾ ਰਹੇ ਹਨ।
