ਪੰਜਾਬ ਦੇ ਲੁਧਿਆਣਾ ਜ਼ਿਲ੍ਹੇ ‘ਚ 6 ਸਾਲਾ ਬੱਚੇ ਦੀ ਪਲਾਸਟਿਕ ਦੀ ਡੋਰ ਨਾਲ ਗਲਾ ਕੱਟਣ ਨਾਲ ਮੌਤ ਹੋ ਗਈ।ਬੱਚਾ ਆਪਣੇ ਪਰਿਵਾਰ ਨਾਲ ਸਕੂਟਰ ‘ਤੇ ਦੁਗਰੀ ਜਾ ਰਿਹਾ ਸੀ।ਹਾਦਸਾ ਗਿੱਲ ਕੈਨਾਲ ਬ੍ਰਿਜ ਦੇ ਕੋਲ ਹੋਇਆ।ਬੱਚਾ ਸਕੂਟਰ ਦੇ ਅੱਗੇ ਖੜਾ ਸੀ।ਪਿੱਛੇ ਉਸਦੀ ਮਾ ਅਤੇ ਛੋਟਾ ਭਰਾ ਬੈਠੇ ਸਨ।
ਮ੍ਰਿਤਕ ਦੀ ਪਛਾਣ ਦਕਸ਼ ਗਿਰੀ ਨਿਵਾਸੀ ਈਸ਼ਰ ਨਗਰ ਦੇ ਵਜੋਂ ਹੋਈ ਹੈ।ਥਾਣਾ ਸਦਰ ਦੀ ਪੁਲਿਸ ਨੇ ਬੱਚੇ ਦੇ ਮਾਤਾ-ਪਿਤਾ ਦੀ ਸ਼ਿਕਾਇਤ ‘ਤੇ ਅਣਪਛਾਤੇ ਦੋਸ਼ੀਆਂ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ।
ਇਹ ਵੀ ਪੜ੍ਹੋ : ਸਿੱਧੂ ਮੂਸੇਵਾਲਾ ਕਤਲ ਦਾ ਚਸ਼ਮਦੀਦ ਪਹਿਲੀ ਵਾਰੀ ਆਇਆ ਕੈਮਰੇ ਸਾਹਮਣੇ, ਸਿੱਧੂ ਨਾਲ ਗੱਡੀ ‘ਚ ਮੌਜੂਦ ਦੋਸਤਾਂ ਬਾਰੇ ਕੀਤੇ ਵੱਡੇ ਖੁਲਾਸੇ, ਵੀਡੀਓ
ਦੂਜੇ ਪਾਸੇ ਬੱਚੇ ਦੀ ਮੌਤ ਨਾਲ ਮਾਤਾ ਪਿਤਾ ਦਾ ਬੁਰਾ ਹਾਲ ਹੈ।ਮ੍ਰਿਤਕ ਦੇ ਪਿਤਾ ਧਰੁਵ ਗਿਰੀ ਦਾ ਕਹਿਣਾ ਹੈ ਸੋਮਵਾਰ ਨੂੰ ਉਹ ਆਪਣੇ ਪਰਿਵਾਰ ਨਾਲ ਸਕੂਟਰ ‘ਤੇ ਦੁਗਰੀ ਜਾ ਰਹੇ ਸੀ।ਦਕਸ਼ ਅੱਗੇ ਖੜਾ ਸੀ ਅਤੇ ਪਤਨੀ ਛੋਟੇ ਲੜਕੇ ਨਾਲ ਪਿਛਲੀ ਸੀਟ ‘ਤੇ ਬੈਠੀ ਸੀ।ਜਦੋਂ ਉਹ ਗਿਲ ਕੈਨਾਲ ਬ੍ਰਿਜ ‘ਤੇ ਪਹੁੰਚੇ ਤਾਂ ਇੱਕ ਪਲਾਸਟਿਕ ਦੀ ਡੋਰ ਦਕਸ਼ ਦੇ ਗਲੇ ‘ਚ ਫਸ ਗਈ ‘ਤੇ ਉਸਦਾ ਗਲਾ ਕਟਿਆ ਗਿਆ।
ਥਾਣਾ ਸਦਰ ਦੇ ਐਸਐਚਓ ਇੰਸਪੈਕਟਰ ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਦਕਸ਼ ਨੂੰ ਜਖਮੀ ਹਾਲਤ ‘ਚ ਹਸਪਤਾਲ ਲਿਜਾਇਆ ਗਿਆ, ਪਰ ਉਸਦੀ ਜਾਨ ਨਹੀਂ ਬੱਚ ਸਕੀ।ਅਣਪਛਾਤਿਆਂ ਖਿਲਾਫ ਆਈਪੀਸੀ ਦੀ ਧਾਰਾ 304ਏ ਤਹਿਤ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।ਦੇਸ਼ ‘ਚ ਚਾਈਨੀਜ਼ ਡੋਰ ਬੈਨ ਹੈ, ਇਸਦੇ ਬਾਵਜੂਦ ਲੋਕ ਲੁਕ ਕੇ ਡੋਰ ਵੇਚਦੇ ਤੇ ਵਰਤੋਂ ਕਰਦੇ ਹਨ।
ਇਹ ਵੀ ਪੜ੍ਹੋ : ਪਾਕਿ ‘ਚ ਬਿਜਲੀ ਦੀ ਕਟੌਤੀ ਕਾਰਨ ਹਾਹਾਕਾਰ, ਹਜ਼ਾਰਾਂ ਰੁਪਏ ਦੇ ਬਿੱਲ ਆਉਣ ਕਾਰਨ ਲੋਕ ਪ੍ਰੇਸ਼ਾਨ
