ਨੋਇਡਾ ਦੇ ਸੈਕਟਰ-126 ਸਥਿਤ ਜੇਪੀ ਸੁਸਾਇਟੀ ‘ਚ ਗਾਰਡ ਨਾਲ ਬਦਸਲੂਕੀ ਕਰਨ ਵਾਲੀ ਔਰਤ ਨੂੰ ਅਦਾਲਤ ਨੇ 14 ਦਿਨਾਂ ਦੀ ਨਿਆਂਇਕ ਹਿਰਾਸਤ ‘ਚ ਭੇਜ ਦਿੱਤਾ ਹੈ। ਭਵਿਆ ਰਾਏ ਨਾਮ ਦੀ ਇਸ ਔਰਤ ਨੂੰ ਐਤਵਾਰ ਸਵੇਰੇ ਗ੍ਰਿਫਤਾਰ ਕੀਤਾ ਗਿਆ। ਮਹਿਲਾ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਸੀ, ਜਿਸ ਵਿੱਚ ਉਹ ਗਾਰਡ ਨੂੰ ਗਾਲ੍ਹਾਂ ਕੱਢਦੀ ਹੋਈ ਨਜ਼ਰ ਆ ਰਹੀ ਸੀ ਅਤੇ ਉਸਨੂੰ ਕਾਲਰ ਨਾਲ ਘਸੀਟਦੀ ਹੋਈ ਨਜ਼ਰ ਆ ਰਹੀ ਸੀ।
ਦਰਅਸਲ, ਸੋਸਾਇਟੀ ਦੇ ਸਿਕਓਰਿਟੀ ਗਾਰਡ ਨੇ ਗੇਟ ਖੋਲ੍ਹਣ ‘ਚ ਦੇਰੀ ਕੀਤੀ ਸੀ।ਇਸ ‘ਤੇ ਔਰਤ ਨੇ ਗਾਰਡ ਨੂੰ ਮੰਦੀ ਸ਼ਬਦਾਵਲੀ ਬੋਲਣੀ ਸ਼ੁਰੂ ਕਰ ਦਿੱਤੀ।ਉਸਨ ਡੇਢ ਮਿੰਟ ‘ਚ ਉਸ ਨੂੰ ਕਈ ਵਾਰੀ ਬਦਸਲੂਕੀ ਕੀਤੀ ਤੇ ਕਾਲਰ ਤੋਂ ਫੜਿਆ।ਗਾਰਡ ਦੇ ਸਾਥੀ ਨੇ ਉਸ ਨੂੰ ਛੱਡਣ ਦੀ ਮਿੰਨਤ ਕਰਦੇ ਰਹੇ, ਪਰ ਉਸ ਨੇ ਬਦਸਲੂਕੀ ਕਰਨੀ ਬੰਦ ਨਹੀਂ ਕੀਤੀ।ਪੁਲਿਸ ਨੇ ਔਰਤ ਦੇ ਵਿਰੁੱਧ ਕੇਸ ਦਰਜ ਕਰ ਲਿਆ ਹੈ।ਉਹ ਪੇਸ਼ੇ ਤੋਂ ਵਕੀਲ ਹੈ।
ਇਹ ਵੀ ਪੜ੍ਹੋ : ਨਮ ਅੱਖਾਂ ਨਾਲ ਸਹਿਜ ਦਾ ਕੀਤਾ ਗਿਆ ਅੰਤਿਮ ਸਸਕਾਰ, ਸ਼ਮਸ਼ਾਨ-ਘਾਟ ‘ਚ ਮੌਜੂਦ ਹਰ ਅੱਖ ਹੋਈ ਨਮ
ਇਹ ਘਟਨਾ ਸ਼ਨੀਵਾਰ ਦੀ ਹੈ।ਵੀਡੀਓ ‘ਚ ਸਾਫ ਦੇਖਿਆ ਜਾ ਸਕਦਾ ਹੈ ਕਿ ਔਰਤ ਨੇ ਸਾਰੇ ਗਾਰਡਾਂ ਨਾਲ ਵੀ ਭੱਦੀ ਸ਼ਬਦਾਵਲੀ ਦਾ ਪ੍ਰਯੋਗ ਕਰ ਰਹੀ ਹੈ, ਇਸ ਦੌਰਾਨ ਗਾਰਡ ਉਸ ਤੋਂ ਬੱਚ ਕੇ ਦੂਰ ਵੀ ਜਾ ਰਹੇ ਹਨ, ਪਰ ਉਸਦੇ ਬਾਵਜੂਦ ਔਰਤ ਉਨਾਂ੍ਹ ਦੇ ਕੋਲ ਜਾ ਕੇ ਗਾਲੀ-ਗਲੋਚ ਕਰ ਰਹੀ ਹੈ ਤੇ ਇੱਕ ਗਾਰਡ ਨੂੰ ਫੜ ਕੇ ਧੱਕਾ ਮੁੱਕੀ ਵੀ ਕਰ ਰਹੀ ਹੈ।ਦੱਸਿਆ ਜਾ ਰਿਹਾ ਹੈ ਕਿ ਉਹ ਸ਼ਰਾਬ ਦੇ ਨਸ਼ੇ ‘ਚ ਸੀ।
ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਔਰਤ ਨੂੰ ਜਦੋਂ ਪੁਲਿਸ ਨੇ ਹਿਰਾਸਤ ‘ਚ ਲਿਆ ਤਾਂ ਉਹ ਆਪਣੀ ਹੀ ਗੱਡੀ ‘ਚ ਗਈ।ਇਸ ਘਟਨਾ ਤੋਂ ਦੁਖੀ ਹੋ ਕੇ ਗਾਰਡ ਨੇ ਨੌਕਰੀ ਛੱਡਣ ਦੀ ਗੱਲ ਵੀ ਕਹੀ, ਉਸਨੇ ਕਿਹਾ, ਬਹੁਤ ਹੋ ਗਿਆ ਬਦਸਲੂਕੀ ਸਹਿੰਦੇ ਸਹਿੰਦੇ।ਅਸੀਂ ਵੀ ਪਰਿਵਾਰ ਵਾਲੇ ਹਾਂ।ਹੁਣ ਮੈਂ ਨੌਕਰੀ ਨਹੀਂ ਕਰਨੀ।ਅਸੀਂ ਸੋਸਾਇਟੀ ‘ਚ ਆਪਣੀ ਪੂਰੀ ਜਿੰਮੇਵਾਰੀ ਨਾਲ ਕੰਮ ਕਰਦੇ ਹਾਂ।ਸਾਰੀਆਂ ਔਰਤਾਂ ਨੂੰ ਆਪਣੀ ਭੈਣ, ਮਾਂ ਸਮਝਦੇ ਹਾਂ, ਪਰ ਪੜੀ ਲਿਖੀ ਹੋਣ ਦੇ ਬਾਵਜੂਦ ਔਰਤ ‘ਚ ਕੋਈ ਤਮੀਜ਼ ਨਹੀਂ ਹੈ।ਔਰਤ ਨੇ ਪਹਿਲਾਂ ਬਦਤਮੀਜੀ ਕੀਤੀ ਹੈ।
ਇਹ ਵੀ ਪੜ੍ਹੋ : CCTV ਕੈਮਰੇ ਨਾਲ ਕੀਤੀ ਗਈ ਮੂਸੇਵਾਲਾ ਦੀ ਰੇਕੀ! ਪੁਲਿਸ ਨੇ ਮੋਬਾਈਲ ਜ਼ਬਤ ਕਰਕੇ ਜਾਂਚ ਕੀਤੀ ਸ਼ੁਰੂ
