bollywood : ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਦੀ ਫਿਲਮ ਬ੍ਰਹਮਾਸਤਰ ਬਾਕਸ ਆਫਿਸ ‘ਤੇ ਧਮਾਲ ਮਚਾ ਰਹੀ ਹੈ। ਫਿਲਮ ਦਾ ਹਰ ਸ਼ੋਅ ਹਾਊਸਫੁੱਲ ਜਾ ਰਿਹਾ ਹੈ। ਬ੍ਰਹਮਾਸਤਰ ਬਾਲੀਵੁੱਡ ਦੇ ਸੋਕੇ ਨੂੰ ਖਤਮ ਕਰਨ ਵਿੱਚ ਸਫਲ ਸਾਬਤ ਹੋਈ ਹੈ। ਇਸ ਫਿਲਮ ਨੇ ਆਪਣੇ ਦੇਸ਼ ਵਿੱਚ ਹੀ ਨਹੀਂ ਬਲਕਿ ਪੂਰੀ ਦੁਨੀਆ ਵਿੱਚ ਹਿੱਟ ਦਾ ਝੰਡਾ ਬੁਲੰਦ ਕੀਤਾ ਹੈ।ਬ੍ਰਹਮਾਸਤਰ ਤਿੰਨ ਦਿਨਾਂ ਵਿੱਚ 100 ਕਰੋੜ ਦੇ ਕਲੱਬ ਵਿੱਚ ਸ਼ਾਮਲ ਹੋ ਗਈ ਹੈ।
ਫਿਲਮ ਦਾ ਤੀਜੇ ਦਿਨ ਦਾ ਕਲੈਕਸ਼ਨ ਸਾਹਮਣੇ ਆ ਗਿਆ ਹੈ। ਜਿਸ ਨੂੰ ਦੇਖਦੇ ਹੋਏ ਕਿਹਾ ਜਾ ਸਕਦਾ ਹੈ ਕਿ ਕੁਝ ਹੀ ਦਿਨਾਂ ‘ਚ ਇਹ ਫਿਲਮ 200 ਕਰੋੜ ਦਾ ਅੰਕੜਾ ਵੀ ਪਾਰ ਕਰ ਲਵੇਗੀ।
ਰਣਬੀਰ ਕਪੂਰ ਨੇ ਆਪਣੀਆਂ ਸਾਰੀਆਂ ਫਿਲਮਾਂ ਦੇ ਰਿਕਾਰਡ ਤੋੜ ਦਿੱਤੇ ਹਨ। ਹਾਲਾਂਕਿ ਇਹ ਫ਼ਿਲਮ ਅਜਿਹੇ ਦਿਨ ਰਿਲੀਜ਼ ਹੋਈ ਸੀ, ਜਦੋਂ ਨਾ ਕੋਈ ਦਿਨ ਤਿਓਹਾਰ ਸੀ ਤੇ ਨਾ ਹੀ ਕੋਈ ਛੁੱਟੀ। ਫ਼ਿਰ ਵੀ ਫ਼ਿਲਮ ਦੀ ਕਮਾਈ ਦਾ ਅੰਕੜਾ ਜ਼ਬਰਦਸਤ ਹੈ।
ਰਣਬੀਰ ਨੇ ਆਪਣੀ ਫਿਲਮ ਸੰਜੂ ਦਾ ਰਿਕਾਰਡ ਵੀ ਤੋੜ ਦਿੱਤਾ ਹੈ। ਇਹ ਵੀਕੈਂਡ ਰਣਬੀਰ ਲਈ ਸਭ ਤੋਂ ਵੱਡੀ ਓਪਨਿੰਗ ਰਿਹਾ ਹੈ।
‘ਬ੍ਰਹਮਾਸਤਰ’ ਨੇ ਪਹਿਲੇ ਹੀ ਦਿਨ 37 ਕਰੋੜ ਦੀ ਕਮਾਈ ਕੀਤੀ ਸੀ। ਫਿਲਮ ਨੇ ਦੂਜੇ ਦਿਨ 42 ਕਰੋੜ ਅਤੇ ਤੀਜੇ ਦਿਨ 46 ਕਰੋੜ ਦਾ ਕਾਰੋਬਾਰ ਕੀਤਾ ਹੈ। ਜੀ ਹਾਂ, ਐਤਵਾਰ ਨੂੰ ਬ੍ਰਹਮਾਸਤਰ ਨੇ ਬਹੁਤ ਕਮਾਈ ਕੀਤੀ ਹੈ।
ਜਿਸ ਤੋਂ ਬਾਅਦ ਫਿਲਮ ਦੀ ਕੁੱਲ ਕਮਾਈ 125 ਕਰੋੜ ਦੇ ਕਰੀਬ ਹੋ ਗਈ ਹੈ। ਤਿੰਨ ਦਿਨਾਂ ‘ਚ 125 ਕਰੋੜ ਦੀ ਕਮਾਈ ਕਰਨ ਤੋਂ ਬਾਅਦ ਇਸ ਫਿਲਮ ਨੇ ਲੋਕਾਂ ਦੀਆਂ ਉਮੀਦਾਂ ਵਧਾ ਦਿੱਤੀਆਂ ਹਨ।
