ਬਾਲੀਵੁੱਡ ਅਭਿਨੇਤਾ ਜਿਨ੍ਹਾਂ ਨੂੰ ਗਰੀਬਾਂ ਦਾ ਮਸੀਹਾ ਵੀ ਕਿਹਾ ਜਾਂਦਾ ਹੈ।ਸੋਨੂੰ ਸੂਦ ਸਮੇਂ ਸਮੇਂ ਤੇ ਗਰੀਬਾਂ ਦੀ ਵਿਦਿਆਰਥੀਆਂ ਦੀ ਮੱਦਦ ਕਰਦੇ ਨਜ਼ਰ ਆਉਂਦੇ ਹਨ।ਹਾਲ ਹੀ ‘ਚ ਸੋਨੂੰ ਸੂਦ ਨੇ ਆਪਣੇ ਟਵਿਟਰ ਅਕਾਉਂਟ ‘ਤੇ ਇੱਕ ਸਟੇਸ਼ਨ ਦੀ ਵੀਡੀਓ ਸਾਂਝੀ ਕੀਤੀ ਜਿੱਥੇ ਉਹ ਇੱਕ ਕੁੱਤੇ ਨਾਲ ਪਿਆਰ ਕਰਦੇ ਦਿਖਾਈ ਦੇ ਰਹੇ ਹਨ।
ਵੀਡੀਓ ‘ਚ ਸੋਨੂੰ ਸੂਦ ਕਹਿ ਰਹੇ ਹਨ ਕਿ ਸਟੇਸ਼ਨ ‘ਤੇ ਸਾਡੀ ਇੱਕ ਦੋਸਤ ਨਾਲ ਮੁਲਾਕਾਤ ਹੋਈ ਹੈ।ਵੀਡੀਓ ‘ਚ ਉਹ ਕੁੱਤੇ ਨੂੰ ਪਲੋਸ ਰਹੇ ਹਨ ਤੇ ਕਹਿ ਰਹੇ ਹਨ ਕਿ ਭਾਈ ਸਾਬ ਦੀ ਕਿਤੇ ਵੀ ਜਾਣ ਦੀ ਇੱਛਾ ਨਹੀਂ ਹੈ , ਆ ਕੇ ਬੈਠ ਗਏ ਹਨ।ਸੋਨੂੰ ਕਹਿੰਦੇ ਹਨ 10 ਮਿੰਟਾਂ ‘ਚ ਮੇਰੀ ਟ੍ਰੇਨ ਚੱਲ ਪਵੇਗੀ ਪਰ ਮੇਰੀ ਬੜੀ ਇੱਛਾ ਹੈ ਕਿ ਮੈਂ ਇਸ ਦੋਸਤ ਨੂੰ ਆਪਣੇ ਨਾਲ ਲੈ ਜਾਵਾਂ, ਪਤਾ ਨਹੀਂ ਇਸ ਨੂੰ ਲਿਜਾ ਸਕਦੇ ਹਾਂ ਜਾਂ ਨਹੀਂ ਲਿਜਾ ਸਕਦੇ, ਉਨ੍ਹਾਂ ਕੁੱਤੇ ਨੂੰ ਕਿਹਾ ਖੁਸ਼ ਰਹੇ ਮੇਰੇ ਬੱਚੇ, ”God Bless you bache” ਤੇ ਉਹ ਕੁੱਤੇ ਨੂੰ ਆਪਣਿਆਂ ਬੱਚਿਆਂ ਤਰ੍ਹਾਂ ਪਲੋਸਦੇ ਨਜ਼ਰ ਆ ਰਹੇ ਹਨ।
ਦੱਸਣਯੋਗ ਹੈ ਕਿ ਸੋਨੂੰ ਸੂਦ ਨੂੰ ਗਰੀਬਾ ਦਾ ਮਸੀਹਾ ਇਸੇ ਲਈ ਕਿਹਾ ਜਾਂਦਾ ਹੈ ਕਿਤੇ ਵੀ ਕਿਸੇ ਗਰੀਬ, ਲਾਚਾਰ ਵਿਅਕਤੀ ਨੂੰ ਕੋਈ ਸਹਾਇਤਾ ਚਾਹੀਦੀ ਹੁੰਦੀ ਹੈ ਤਾਂ ਸੋਨੂੰ ਸੂਦ ਕਿਸੇ ਵੀ ਤਰੀਕੇ ਉਨ੍ਹਾਂ ਤੱਕ ਪਹੁੰਚ ਜਾਂਦੇ ਹਨ ਤੇ ਉਨ੍ਹਾਂ ਦੀ ਮਦਦ ਕਰਦੇ ਹਨ।ਕੋਰੋਨਾ ਕਾਲ ‘ਚ ਵੀ ਸੋਨੂੰ ਸੂਦ ਨੇ ਬਹੁਤ ਗਰੀਬ ਦੀ ਮਦਦ ਕੀਤੀ।ਕਈਆਂ ਨੂੰ ਉਨ੍ਹਾਂ ਦੇ ਘਰਾਂ ਤੱਕ ਪਹੁੰਚਾਉਣ ‘ਚ ਉਨ੍ਹਾਂ ਦੀ ਮਦਦ ਕੀਤੀ।ਸੋਨੂੰ ਸੂਦ ਦੀ ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ ‘ਤੇ ਬਹੁਤ ਪਸੰਦ ਕੀਤਾ ਜਾ ਰਿਹਾ ਹੈ।
