Flipkart Sale: ਤਿਉਹਾਰੀ ਸੀਜ਼ਨ ਦੌਰਾਨ ਈ-ਕਾਮਰਸ ਵੈੱਬਸਾਈਟਾਂ ‘ਤੇ ਸੇਲ ਚੱਲ ਰਹੀ ਹੈ। ਇਨ੍ਹਾਂ ਸੇਲ ‘ਚ ਸਮਾਰਟਫੋਨ ਅਤੇ ਕਈ ਇਲੈਕਟ੍ਰਾਨਿਕ ਪ੍ਰੋਡਕਟਸ ‘ਤੇ ਭਾਰੀ ਛੋਟ ਦਿੱਤੀ ਜਾ ਰਹੀ ਹੈ। ਫਲਿੱਪਕਾਰਟ ‘ਤੇ ਬਿਗ ਬਿਲੀਅਨ ਡੇਜ਼ ਸੇਲ ਸ਼ੁਰੂ ਕੀਤੀ ਗਈ ਸੀ, ਜੋ ਹੁਣ ਖਤਮ ਹੋ ਗਈ ਹੈ। ਇਸ ਸੇਲ ‘ਚ ਸਾਮਾਨ ਬਹੁਤ ਘੱਟ ਕੀਮਤ ‘ਤੇ ਵੇਚਿਆ ਗਿਆ ਪਰ ਵਿਕਰੀ ਦੌਰਾਨ ਕਈ ਅਜਿਹੇ ਮਾਮਲੇ ਵੀ ਸਾਹਮਣੇ ਆਏ ਹਨ, ਜਿੱਥੇ ਲੋਕਾਂ ਨੇ ਖਰੀਦੇ ਸਾਮਾਨ ਦੇ ਉਲਟ ਗਲਤ ਸਾਮਾਨ ਪਾਇਆ ਹੈ। ਹਾਲ ਹੀ ਵਿੱਚ ਇੱਕ ਵਿਅਕਤੀ ਨੇ ਇੱਕ ਆਈਫੋਨ ਆਰਡਰ ਕੀਤਾ ਅਤੇ ਬਾਕਸ ਵਿੱਚ ਸਾਬਣ ਮਿਲਿਆ। ਇਸ ਦੇ ਨਾਲ ਹੀ ਕੁਝ ਲੋਕ ਅਜਿਹੇ ਵੀ ਸਨ, ਜਿਨ੍ਹਾਂ ਨੂੰ ਉਮੀਦ ਤੋਂ ਦੁੱਗਣਾ ਵਾਧਾ ਮਿਲਿਆ। ਹਾਲ ਹੀ ਵਿੱਚ ਇੱਕ ਵਿਅਕਤੀ ਨੇ ਆਈਫੋਨ 13 ਦਾ ਆਰਡਰ ਕੀਤਾ ਸੀ ਪਰ ਉਸ ਨੂੰ ਆਈਫੋਨ 14 ਡਿਲੀਵਰ ਕਰ ਦਿੱਤਾ ਗਿਆ ਸੀ। ਆਓ ਜਾਣਦੇ ਹਾਂ ਮਾਮਲਾ…
One of my follower ordered iPhone 13 from Flipkart but he recieved iPhone 14 instead of 13 😂 pic.twitter.com/FDxi0H0szJ
— Ashwin Hegde (@DigitalSphereT) October 4, 2022
ਟਵਿੱਟਰ ‘ਤੇ ਇਕ ਵਿਅਕਤੀ ਨੇ ਦੋ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ ਅਤੇ ਦੱਸਿਆ ਹੈ ਕਿ ਕਿਵੇਂ ਉਸ ਦੇ ਫਾਲੋਅਰਜ਼ ਨੂੰ 50 ਹਜ਼ਾਰ ‘ਚ ਆਈਫੋਨ 13 ਦੀ ਬਜਾਏ ਆਈਫੋਨ 14 ਮਿਲ ਗਿਆ। ਅਸ਼ਵਿਨ ਹੇਗੜੇ ਨਾਂ ਦੇ ਟਵਿੱਟਰ ਯੂਜ਼ਰ ਨੇ ਦੋ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇੱਕ ਵਿੱਚ ਫਲਿੱਪਕਾਰਟ ਤੋਂ ਆਰਡਰ ਕੀਤੇ ਆਈਫੋਨ 13 ਬਾਰੇ ਜਾਣਕਾਰੀ ਸੀ, ਜਦੋਂ ਕਿ ਦੂਜੀ ਤਸਵੀਰ ਵਿੱਚ ਆਈਫੋਨ 14 ਦਾ ਬਾਕਸ ਸੀ। ਉਨ੍ਹਾਂ ਨੇ ਕੈਪਸ਼ਨ ‘ਚ ਲਿਖਿਆ, ‘ਮੇਰੇ ਇੱਕ ਫਾਲੋਅਰ ਨੇ ਫਲਿੱਪਕਾਰਟ ਤੋਂ ਆਈਫੋਨ 13 ਆਰਡਰ ਕੀਤਾ ਪਰ 13 ਦੀ ਬਜਾਏ ਆਈਫੋਨ 14 ਮਿਲਿਆ।’
ਇਹ ਟਵੀਟ ਕਾਫੀ ਵਾਇਰਲ ਹੋ ਰਿਹਾ ਹੈ। ਸਿਰਫ ਦੋ ਦਿਨਾਂ ਵਿੱਚ, ਟਵੀਟ ਨੂੰ 8,000 ਤੋਂ ਵੱਧ ਲਾਈਕਸ ਅਤੇ 400 ਤੋਂ ਵੱਧ ਰੀਟਵੀਟਸ ਮਿਲ ਚੁੱਕੇ ਹਨ। ਕੁਝ ਲੋਕ ਫਲਿੱਪਕਾਰਟ ਦਾ ਮਜ਼ਾਕ ਉਡਾ ਰਹੇ ਹਨ ਅਤੇ ਕੁਝ ਲੋਕਾਂ ਦਾ ਕਹਿਣਾ ਹੈ ਕਿ ਜਿਸ ਵਿਅਕਤੀ ਨੂੰ ਆਈਫੋਨ 14 ਮਿਲਿਆ ਹੈ, ਉਸ ਨੂੰ ਉਹੀ ਆਰਡਰ ਲੈਣਾ ਚਾਹੀਦਾ ਹੈ ਜੋ ਉਸ ਨੇ ਖਰੀਦਿਆ ਹੈ। ਇਸ ਤੋ ਇਲਾਵਾਂ ਵੀ ਲੋਕਾਂ ਵੱਲੋਂ ਵੱਖ-ਵੱਖ ਪ੍ਰਤੀਕਿਰਿਆ ਦਿੱਤੀ ਗਈ ਹੈ।
