ਮੌਤ ਅਟੱਲ ਹੈ ਤੇ ਇਹ ਆਉਣੀ ਹੀ ਹੈ ਪਰ ਜੇਕਰ ਅਸੀਂ ਇਹ ਕਹੀਏ ਕਿ ਮੌਤ ਬਾਅਦ ਵੀ ਵਿਅਕਤੀ ਜ਼ਿੰਦਾ ਹੋ ਸਕਣਗੇ। ਤੁਸੀਂ ਇਸ ‘ਤੇ ਯਕੀਨ ਨਹੀਂ ਕਰੋਗੇ ਹਾਂ ਇਹ ਸੱਚ ਹੈ ਅੱਜ ਵਿਗਿਆਨੀਆਂ ਨੇ ਇਹ ਦਾਅਵਾ ਕੀਤਾ ਹੈ ਕਿ ਮੌਤ ਤੋਂ ਬਾਅਦ ਵੀ ਵਿਅਕਤੀ ਜ਼ਿੰਦਾ ਹੋ ਸਕਦਾ ਹੈ। ਇਸ ਮੁਤਾਬਕ ਰਿਸਰਚ ਵੀ ਚੱਲ ਰਹੀ ਹੈ ਇਹ ਰਿਸਰਚ ਅਮਰੀਕਾ ਦੇ ਕੁਝ ਵਿਗਿਆਨੀਆਂ ਵੱਲੋਂ ਕੀਤੀ ਜਾ ਰਹੀ ਹੈ। ਜਿਨ੍ਹਾਂ ਨੇ 199 ਲੋਕਾਂ ਦੀਆਂ ਡੈੱਡ ਬਾਡੀਆਂ ਨੂੰ ਜ਼ਿੰਦਾ ਰੱਖਿਆ ਗਿਆ ਹੈ ਤੇ ਇਸ ਲਈ ਉਨ੍ਹਾਂ ਕੋਲੋਂ ਢੇਡ ਤੋਂ 2 ਕਰੋੜ ਰੁਪਏ ਦੀ ਰਾਸ਼ੀ ਲਈ ਗਈ ਹੈ। ਵਿਗਿਆਨੀਆਂ ਦਾ ਦਾਅਵਾ ਹੈ ਕਿ cryopreservation ਨਾਲ ਭਵਿੱਖ ‘ਚ ਮਰੇ ਹੋਏ ਵਿਅਕਤੀਆਂ ਨੂੰ ਮੁੜ ਜ਼ਿੰਦਾ ਕੀਤਾ ਜਾ ਸਕਦਾ ਹੈ।
cryopreservation ਕੀ ਹੈ ?
ਇਹ ਇੱਕ ਅਜਿਹੀ ਤਕਨੀਕ ਹੈ ਜਿਸ ਦੁਆਰਾ ਜੀਵਿਤ ਸੈੱਲਾਂ ਅਤੇ ਸੈੱਲਾਂ ਨੂੰ ਲੰਬੇ ਸਮੇਂ ਤੱਕ ਸੁਰੱਖਿਅਤ ਰੱਖਿਆ ਜਾ ਸਕਦਾ ਹੈ। ਇਸ ਤਕਨੀਕ ਵਿੱਚ ਤਾਪਮਾਨ ਜਿਆਦਾਤਰ -80 °C ਜਾਂ -196 °C ਦੇ ਵਿਚਕਾਰ ਰੱਖਿਆ ਜਾਂਦਾ ਹੈ ਅਤੇ ਇਸ ਲਈ ਸੁੱਕੀ ਬਰਫ਼ ਜਾਂ ਤਰਲ ਨਾਈਟ੍ਰੋਜਨ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਘੱਟ ਤਾਪਮਾਨ ਵਿੱਚ ਹਰ ਤਰ੍ਹਾਂ ਦੀਆਂ ਰਸਾਇਣਕ ਅਤੇ ਜੈਵਿਕ ਗਤੀਵਿਧੀਆਂ ਰੁਕ ਜਾਂਦੀਆਂ ਹਨ ਅਤੇ ਸੈੱਲਾਂ ਨੂੰ ਸੁਰੱਖਿਅਤ ਰੱਖਿਆ ਜਾ ਸਕਦਾ ਹੈ। ਬਹੁਤ ਜ਼ਿਆਦਾ ਘੱਟ ਤਾਪਮਾਨ ‘ਚ ਸੈੱਲ ਬਰਫ਼ ‘ਚ ਬਦਲ ਜਾਂਦੇ ਹਨ, ਇਸ ਲਈ ਇਸ ਤਕਨੀਕ ਵਿੱਚ ਕ੍ਰਾਇਓ-ਰੱਖਿਅਕ ਲੂਣ ਦੀ ਇੱਕ ਪਰਤ ਦੀ ਵਰਤੋਂ ਸੈੱਲਾਂ ਨੂੰ ਸੁਰੱਖਿਅਤ ਕਰਨ ਲਈ ਕੀਤੀ ਜਾਂਦੀ ਹੈ। ਵਪਾਰਕ ਪੈਮਾਨੇ ‘ਤੇ, ਇਸਦੀ ਵਰਤੋਂ ਔਰਤਾਂ ਦੇ ਭਰੂਣ, ਅੰਡੇ ਅਤੇ ਮਰਦਾਂ ਦੇ ਸ਼ੁਕਰਾਣੂਆਂ ਨੂੰ ਸੁਰੱਖਿਅਤ ਰੱਖਣ ਲਈ ਕੀਤੀ ਜਾਂਦੀ ਹੈ, ਅਤੇ ਹੋਰ ਖੋਜਾਂ ਲਈ, ਇਹ ਉੱਲੀ, ਬੈਕਟੀਰੀਆ ਆਦਿ ਲਈ ਵੀ ਵਰਤੀ ਜਾਂਦੀ ਹੈ। ਇਹ ਤਕਨੀਕ ਕਾਫ਼ੀ ਗੁੰਝਲਦਾਰ ਹੈ ਇਹ ਰਿਸਰਚ ਭਵਿੱਖ ‘ਚ ਸਹੀ ਸਾਬਤ ਹੁੰਦੀ ਹੈ ਕਿ ਨਹੀਂ ਇਹ ਤਾਂ ਸਮਾਂ ਆਉਣ ‘ਤੇ ਹੀ ਪਤਾ ਲੱਗੇਗਾ।
