Gold-Silver Price Today: 19 ਅਕਤੂਬਰ ਵੀਰਵਾਰ ਨੂੰ ਅੰਤਰਰਾਸ਼ਟਰੀ ਬਾਜ਼ਾਰ ‘ਚ ਆਈ ਜ਼ੋਰਦਾਰ ਗਿਰਾਵਟ ਦਾ ਅਸਰ ਭਾਰਤੀ ਵਾਇਦਾ ਬਾਜ਼ਾਰ ‘ਤੇ ਵੀ ਪਿਆ। ਗਲੋਬਲ ਬਾਜ਼ਾਰਾਂ ‘ਚ ਵੀਰਵਾਰ 20 ਅਕਤੂਬਰ ਸੋਨੇ ਦੀ ਸਪਾਟ ਕੀਮਤ ਡੇਢ ਫੀਸਦੀ ਤੋਂ ਜ਼ਿਆਦਾ ਟੁੱਟ ਗਈ ਹੈ, ਉੱਥੇ ਹੀ ਚਾਂਦੀ ਦੀ ਕੀਮਤ ‘ਚ ਵੀ 2.50 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।
ਭਾਰਤੀ ਵਾਇਦਾ ਬਾਜ਼ਾਰ ‘ਚ ਵੀਰਵਾਰ ਨੂੰ ਸ਼ੁਰੂਆਤੀ ਕਾਰੋਬਾਰ ‘ਚ ਮਲਟੀ ਕਮੋਡਿਟੀ ਐਕਸਚੇਂਜ (MCX) ‘ਤੇ ਸੋਨੇ ਦੀ ਕੀਮਤ 0.23 ਫੀਸਦੀ ਡਿੱਗ ਗਈ ਹੈ। ਇਸ ਦੇ ਨਾਲ ਹੀ ਚਾਂਦੀ ਦੀ ਕੀਮਤ ‘ਚ 0.69 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਦੀਵਾਲੀ ਅਤੇ ਧਨਤੇਰਸ ਨੇੜੇ ਹੋਣ ਦੇ ਬਾਵਜੂਦ ਪਿਛਲੇ ਕੁਝ ਦਿਨਾਂ ਤੋਂ ਸਪਾਟ ਅਤੇ ਫਿਊਚਰਜ਼ ‘ਚ ਸੋਨੇ ਦੀ ਕੀਮਤ ਲਗਾਤਾਰ ਡਿੱਗ ਰਹੀ ਹੈ।
ਵੀਰਵਾਰ ਨੂੰ ਵਾਇਦਾ ਬਾਜ਼ਾਰ ‘ਚ ਸਵੇਰੇ 9:10 ਵਜੇ 24 ਕੈਰੇਟ ਸ਼ੁੱਧ ਸੋਨੇ ਦੀ ਕੀਮਤ 103 ਰੁਪਏ ਡਿੱਗ ਕੇ 50,096 ਰੁਪਏ ਪ੍ਰਤੀ 10 ਗ੍ਰਾਮ ‘ਤੇ ਆ ਗਈ। ਸੋਨੇ ਦੀ ਕੀਮਤ 50,100 ਰੁਪਏ ‘ਤੇ ਖੁੱਲ੍ਹੀ। ਇੱਕ ਵਾਰ ਇਹ 50,065 ਰੁਪਏ ਤੱਕ ਚਲਾ ਗਿਆ। ਬਾਅਦ ‘ਚ ਇਸ ‘ਚ ਕੁਝ ਮਜ਼ਬੂਤੀ ਆਈ ਅਤੇ ਕੀਮਤ 50,096 ਰੁਪਏ ਪ੍ਰਤੀ 10 ਗ੍ਰਾਮ ‘ਤੇ ਪਹੁੰਚ ਗਈ।
ਅੱਜ ਮਲਟੀ ਕਮੋਡਿਟੀ ਐਕਸਚੇਂਜ ‘ਤੇ ਚਾਂਦੀ ਦੀ ਕੀਮਤ ਵੀ 389 ਰੁਪਏ ਡਿੱਗ ਕੇ 55,625 ਰੁਪਏ ‘ਤੇ ਆ ਗਈ ਹੈ। ਚਾਂਦੀ ਦੀ ਕੀਮਤ ਅੱਜ 55,614 ਰੁਪਏ ‘ਤੇ ਖੁੱਲ੍ਹੀ। ਇੱਕ ਵਾਰ ਇਹ 55,695 ਰੁਪਏ ਤੱਕ ਚਲਾ ਗਿਆ। ਬਾਅਦ ‘ਚ ਇਸ ‘ਚ ਥੋੜ੍ਹੀ ਗਿਰਾਵਟ ਆਈ ਅਤੇ ਚਾਂਦੀ 55,625 ਰੁਪਏ ‘ਤੇ ਕਾਰੋਬਾਰ ਕਰਨ ਲੱਗੀ। ਬੁੱਧਵਾਰ ਨੂੰ MCX ‘ਤੇ ਸੋਨੇ ਦੀ ਕੀਮਤ 202 ਰੁਪਏ ਡਿੱਗ ਕੇ 50212 ‘ਤੇ ਬੰਦ ਹੋਈ। ਇਸੇ ਤਰ੍ਹਾਂ ਚਾਂਦੀ ਦੀ ਕੀਮਤ ਵੀ 304 ਰੁਪਏ ਡਿੱਗ ਕੇ 56,050 ਰੁਪਏ ‘ਤੇ ਆ ਗਈ।
ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਤੇਜ਼ੀ ਨਾਲ ਗਿਰਾਵਟ ਜਾਰੀ
ਕੌਮਾਂਤਰੀ ਬਾਜ਼ਾਰ ‘ਚ 20 ਅਕਤੂਬਰ ਨੂੰ ਸੋਨੇ ਦੀ ਕੀਮਤ ‘ਚ ਭਾਰੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਸੋਨੇ ਦੀ ਹਾਜ਼ਿਰ ਕੀਮਤ ਅੱਜ 1.60 ਫੀਸਦੀ ਡਿੱਗ ਕੇ 1,626.05 ਡਾਲਰ ਪ੍ਰਤੀ ਔਂਸ ‘ਤੇ ਆ ਗਈ। ਕੌਮਾਂਤਰੀ ਬਾਜ਼ਾਰ ‘ਚ ਵੀ ਚਾਂਦੀ ਦੀ ਕੀਮਤ ‘ਚ ਗਿਰਾਵਟ ਦਰਜ ਕੀਤੀ ਗਈ ਹੈ। ਵੀਰਵਾਰ ਨੂੰ ਚਾਂਦੀ ਦੀ ਸਪਾਟ ਕੀਮਤ 2.52 ਫੀਸਦੀ ਵਧ ਕੇ 18.3 ਡਾਲਰ ਪ੍ਰਤੀ ਔਂਸ ਹੋ ਗਈ।
