MS Dhoni News: ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ‘ਮਾਹੀ’ ਆਪਣੇ ਆਪ ‘ਚ ਇੱਕ ਬ੍ਰੈਂਡ ਹੈ। ਇਹੀ ਕਾਰਨ ਹੈ ਕਿ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈਣ ਤੋਂ ਬਾਅਦ ਵੀ ਉਨ੍ਹਾਂ ਦੀ ਆਮਦਨ ਵਧ ਰਹੀ ਹੈ। ਮੌਜੂਦਾ ਵਿੱਤੀ ਸਾਲ (2022-23) ਵਿੱਚ ਧੋਨੀ ਵਲੋਂ ਜਮ੍ਹਾ ਕੀਤੇ ਗਏ ਐਡਵਾਂਸ ਟੈਕਸ ਤੋਂ ਇਸ ਦੀ ਪੁਸ਼ਟੀ ਹੁੰਦੀ ਹੈ। ਪਿਛਲੇ ਵਿੱਤੀ ਸਾਲ ‘ਚ ਧੋਨੀ ਨੇ 13 ਕਰੋੜ ਰੁਪਏ ਦਾ ਐਡਵਾਂਸ ਟੈਕਸ ਜਮ੍ਹਾ ਕਰਵਾਇਆ ਸੀ, ਜਦਕਿ ਮੌਜੂਦਾ ਵਿੱਤੀ ਸਾਲ ‘ਚ ਇਹ ਰਕਮ 17 ਕਰੋੜ ਰੁਪਏ ਹੈ।
ਧੋਨੀ ਦੀ ਆਮਦਨ ‘ਚ ਹੋਇਆ 30 ਫੀਸਦੀ ਵਾਧਾ
ਪਿਛਲੀ ਵਾਰ ਦੇ ਮੁਕਾਬਲੇ 4 ਕਰੋੜ ਰੁਪਏ ਜ਼ਿਆਦਾ ਐਡਵਾਂਸ ਟੈਕਸ ਜਮ੍ਹਾ ਕਰਨ ਦੇ ਆਧਾਰ ‘ਤੇ ਮੌਜੂਦਾ ਵਿੱਤੀ ਸਾਲ ‘ਚ ਧੋਨੀ ਦੀ ਆਮਦਨ 30 ਫੀਸਦੀ ਵਧਣ ਦਾ ਅਨੁਮਾਨ ਹੈ। ਕ੍ਰਿਕਟ ਜਗਤ ਵਿੱਚ ਦਾਖਲ ਹੋਣ ਤੋਂ ਬਾਅਦ, ਧੋਨੀ ਸੂਬੇ ਦੇ ਸਭ ਤੋਂ ਵੱਡੇ ਟੈਕਸਦਾਤਾ ਬਣੇ ਹੋਏ ਹਨ। ਭਾਰਤੀ ਟੀਮ ਨੂੰ ਟੀ-20 ਅਤੇ ਵਨ ਡੇ ਦੀ ਵਿਸ਼ਵ ਚੈਂਪੀਅਨ ਬਣਾਉਣ ਵਾਲੇ ਧੋਨੀ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ਦੇ ਸਾਰੇ ਰੂਪਾਂ ਤੋਂ ਸੰਨਿਆਸ ਲੈ ਲਿਆ ਹੈ ਅਤੇ ਫਿਲਹਾਲ ਸਿਰਫ ਆਈਪੀਐੱਲ ਹੀ ਖੇਡਦੇ ਹਨ।
ਧੋਨੀ ਨੇ ਦਿੱਤੇ 17 ਕਰੋੜ ਰੁਪਏ
ਇੱਕ ਕਪਤਾਨ ਦੇ ਤੌਰ ‘ਤੇ ਉਨ੍ਹਾਂ ਨੇ ਆਪਣੀ ਟੀਮ ਨੂੰ ਚਾਰ ਵਾਰ ਆਈਪੀਐਲ ਖਿਤਾਬ ਅਤੇ ਦੋ ਵਾਰ ਚੈਂਪੀਅਨਜ਼ ਟਰਾਫੀ ਦੀ ਅਗਵਾਈ ਕੀਤੀ ਹੈ। ਇਸ ਤੋਂ ਇਲਾਵਾ ਉਸ ਕੋਲ ਆਮਦਨ ਦੇ ਕਈ ਸਰੋਤ ਹਨ। ਸੇਵੇਨ ਦੇ ਨਾਂ ਨਾਲ ਉਸ ਦਾ ਆਪਣਾ ਸਪੋਰਟਸ ਵੀਅਰ ਬ੍ਰਾਂਡ ਹੈ। ਧੋਨੀ ਦੇਸ਼-ਵਿਦੇਸ਼ ‘ਚ ਵੱਖ-ਵੱਖ ਉਤਪਾਦਾਂ ਅਤੇ ਸੰਸਥਾਵਾਂ ਦਾ ਪ੍ਰਚਾਰ ਵੀ ਕਰਦਾ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਦੀ ਕ੍ਰਿਕਟ ਅਕੈਡਮੀ ਵੀ ਚਲਦੀ ਹੈ।
ਕ੍ਰਿਕਟ ਤੋਂ ਖਾਲੀ ਸਮਾਂ ਮਿਲਣ ਤੋਂ ਬਾਅਦ ਧੋਨੀ ਜੈਵਿਕ ਖੇਤੀ ਅਤੇ ਦੁੱਧ ਉਤਪਾਦਨ ਵਿੱਚ ਵੀ ਹੱਥ ਅਜ਼ਮਾ ਰਹੇ ਹਨ। ਹਾਲ ਹੀ ਵਿੱਚ ਉਨ੍ਹਾਂ ਨੇ ਬੈਂਗਲੁਰੂ ਵਿੱਚ ਐਮਐਸ ਧੋਨੀ ਗਲੋਬਲ ਸਕੂਲ ਸ਼ੁਰੂ ਕੀਤਾ ਹੈ। ਇਸ ਤੋਂ ਇਲਾਵਾ ਧੋਨੀ ਪਿਛਲੇ ਦਿਨੀਂ ਫਿਲਮ ਨਿਰਮਾਣ ਦੇ ਖੇਤਰ ‘ਚ ਵੀ ਕਦਮ ਰੱਖ ਚੁੱਕੇ ਹਨ। ਇਸ ਬੈਨਰ ਹੇਠ ਪਹਿਲੀ ਫਿਲਮ ਤਾਮਿਲ ਭਾਸ਼ਾ ਵਿੱਚ ਬਣਨੀ ਹੈ।
ਧੋਨੀ ਇਨ੍ਹਾਂ ‘ਚ ਵੀ ਕਰਦੇ ਹਨ ਨਿਵੇਸ਼
ਡਰੋਨੀ (ਗਰੁੜ ਏਰੋਸਪੇਸ ਦੇ ਸਹਿਯੋਗ ਨਾਲ ਡਰੋਨ ਤਿਆਰ ਕਰੇਗਾ), ਬਾਈਕ ਰੇਸਿੰਗ ਟੀਮ, ਫੁੱਟਬਾਲ ਫਰੈਂਚਾਈਜ਼ੀ, ਖਾਤਾ-ਬੁੱਕ ਮੋਬਾਈਲ ਐਪ ਅਤੇ ਸੌਫਟਵੇਅਰ, ਈ-ਕਾਮਰਸ ਪਲੇਟਫਾਰਮ, ਫੂਡ ਐਂਡ ਬੇਵਰੇਜ ਕੰਪਨੀ, ਸਪੋਰਟਸ ਫਿੱਟ, ਸਪੋਰਟਸ ਮਾਰਕੀਟਿੰਗ ਅਤੇ ਮੈਨੇਜਮੈਂਟ।
