FIFA World Cup 2022: ਫੀਫਾ ਵਿਸ਼ਵ ਕੱਪ 2022 ਬਹੁਤ ਜਲਦੀ ਸ਼ੁਰੂ ਹੋਣ ਜਾ ਰਿਹਾ ਹੈ। ਕਤਰ ਵਿੱਚ ਹੋਣ ਵਾਲੇ ਇਸ ਟੂਰਨਾਮੈਂਟ ਦੀਆਂ ਤਿਆਰੀਆਂ ਲਗਭਗ ਮੁਕੰਮਲ ਹੋ ਚੁੱਕੀਆਂ ਹਨ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਇਹ ਪਹਿਲੀ ਵਾਰ ਹੈ ਕਿ ਕਿਸੇ ਅਰਬ ਦੇਸ਼ ਵਿੱਚ ਇਹ ਟੂਰਨਾਮੈਂਟ ਕਰਵਾਇਆ ਜਾ ਰਿਹਾ ਹੈ। ਇਹ ਮੈਚ 20 ਨਵੰਬਰ ਤੋਂ ਸ਼ੁਰੂ ਹੋਵੇਗਾ। ਅੱਜ ਦੇ ਦਿਨ 2010 ਵਿੱਚ, ਕਤਰ ਨੂੰ ਫੀਫਾ ਵਿਸ਼ਵ ਕੱਪ ਦੀ ਮੇਜ਼ਬਾਨੀ ਲਈ ਚੁਣਿਆ ਗਿਆ ਸੀ। ਇਸ ਈਵੈਂਟ ਵਿੱਚ 32 ਟੀਮਾਂ ਖੇਡਣ ਜਾ ਰਹੀਆਂ ਹਨ। ਇਸ ਵਾਰ ਫੀਫਾ ਵਿਸ਼ਵ ਕੱਪ ‘ਚ ਕਈ ਅਜਿਹੀਆਂ ਗੱਲਾਂ ਹੋਣਗੀਆਂ, ਜੋ ਇਸ ਟੂਰਨਾਮੈਂਟ ‘ਚ ਕਦੇ ਨਹੀਂ ਹੋਈਆਂ।
ਸੈਮੀ-ਆਟੋਮੇਟਿਡ ਆਫਸਾਈਡ ਤਕਨੀਕ ਦੀ ਵਰਤੋਂ ਕੀਤੀ ਜਾਵੇਗੀ :
ਨਵੇਂ ਨਿਯਮਾਂ ਦੇ ਮੁਤਾਬਕ, ਜੇਕਰ ਖਿਡਾਰੀ ਦੇ ਸਰੀਰ ਦਾ ਕੋਈ ਹਿੱਸਾ ਵਿਰੋਧੀ ਟੀਮ ਦੀ ਹਾਫ-ਵੇਅ ਲਾਈਨ ਜਾਂ ਗੋਲ ਲਾਈਨ ਵੱਲ ਹੈ ਤਾਂ ਉਸ ਨੂੰ ਆਫਸਾਈਡ ਸਥਿਤੀ ਵਿੱਚ ਮੰਨਿਆ ਜਾਂਦਾ ਹੈ। ਦੱਸ ਦੇਈਏ ਕਿ ਗੇਂਦ ‘ਚ ਸੈਂਸਰ ਅਤੇ ਲਿਮ-ਟ੍ਰੈਕਿੰਗ ਕੈਮਰਾ ਸਿਸਟਮ ਦੀ ਵਰਤੋਂ ਕੀਤੀ ਜਾਵੇਗੀ। ਡੈਟਾ ਦੀ ਵਰਤੋਂ ਸਟੇਡੀਅਮ ਦੀਆਂ ਸਕ੍ਰੀਨਾਂ ‘ਤੇ 3D ਚਿੱਤਰਾਂ ਨੂੰ ਪੇਸ਼ ਕਰਨ ਲਈ ਕੀਤੀ ਜਾਵੇਗੀ ਤਾਂ ਜੋ ਘਰ ਵਿੱਚ ਦਰਸ਼ਕਾਂ ਨੂੰ ਰੈਫਰੀ ਦੇ ਫੈਸਲੇ ਨੂੰ ਸਮਝਣ ਵਿੱਚ ਮਦਦ ਕੀਤੀ ਜਾ ਸਕੇ।
ਪੰਜ ਖਿਡਾਰੀਆਂ ਨੂੰ ਬਦਲ ਦਾ ਮੌਕਾ ਮਿਲੇਗਾ :
ਫੀਫਾ ਵਿਸ਼ਵ ਕੱਪ 2022 ਵਿੱਚ ਟੀਮ ਨੂੰ ਤਿੰਨ ਦੀ ਬਜਾਏ ਪੰਜ ਖਿਡਾਰੀਆਂ (ਬਦਲੇਵੇਂ) ਦੀ ਇਜਾਜ਼ਤ ਦਿੱਤੀ ਜਾਵੇਗੀ। ਇਸ ਫੈਸਲੇ ਦਾ ਐਲਾਨ ਅੰਤਰਰਾਸ਼ਟਰੀ ਫੁੱਟਬਾਲ ਸੰਘ ਬੋਰਡ ਨੇ ਜੂਨ ‘ਚ ਕੀਤਾ ਸੀ। ਇਹ ਨਿਯਮ ਕੋਰੋਨਾ ਮਹਾਮਾਰੀ ਦੇ ਮੱਦੇਨਜ਼ਰ ਬਣਾਇਆ ਗਿਆ ਹੈ। ਜੇਕਰ ਟੂਰਨਾਮੈਂਟ ਦੌਰਾਨ ਕੋਈ ਮੈਚ ਵਾਧੂ ਸਮੇਂ ‘ਚ ਜਾਂਦਾ ਹੈ ਤਾਂ ਟੀਮ ਨੂੰ ਬਦਲਵੇਂ ਖਿਡਾਰੀ ਦਾ ਮੌਕਾ ਮਿਲੇਗਾ। ਦੱਸ ਦੇਈਏ ਕਿ ਕਈ ਲੀਗ ਮੈਚਾਂ ਵਿੱਚ ਇਸ ਨਵੇਂ ਨਿਯਮ ਦੀ ਵਰਤੋਂ ਕੀਤੀ ਗਈ ਹੈ।
ਮਹਿਲਾ ਰੈਫਰੀ ਮੈਚ ਦੀ ਸੰਚਾਲਨ ਕਰੇਗੀ :
ਫੀਫਾ ਵਿਸ਼ਵ ਕੱਪ ਦੇ ਇਤਿਹਾਸ ਵਿੱਚ ਪਹਿਲੀ ਵਾਰ ਇੱਕ ਮਹਿਲਾ ਰੈਫਰੀ ਮੈਚ ਦੀ ਜ਼ਿੰਮੇਵਾਰੀ ਨਿਭਾਏਗੀ। ਇਸ ਟੂਰਨਾਮੈਂਟ ਲਈ 36 ਰੈਫਰੀ ਚੁਣੇ ਗਏ ਹਨ। ਇਨ੍ਹਾਂ ਵਿੱਚੋਂ ਤਿੰਨ ਔਰਤਾਂ ਹਨ- ਯਾਮਾਸ਼ੀਤਾ ਯੋਸ਼ੀਮੀ, ਸਲੀਮਾ ਮੁਕਾਨਸਾੰਗਾ ਅਤੇ ਸਟੇਫਨੀ ਫਰਾਪਾਰਟ। ਨੁਜਾ ਬੈਕ, ਕੈਰੇਨ ਡਿਆਜ਼ ਮੇਡੀਨਾ ਅਤੇ ਕੈਥਰੀਨ ਨੇਸਬਿਟ ਵੀ 69 ਸਹਾਇਕ ਰੈਫਰੀ ਵਿੱਚ ਸ਼ਾਮਲ ਹਨ। ਫਰਾਂਸ ਦੀ ਸਟੇਫਨੀ ਫਰੈਪਾਰਟ, ਜਾਪਾਨ ਦੀ ਯੋਸ਼ੀਮੀ ਯਾਮਾਸ਼ੀਤਾ ਅਤੇ ਰਵਾਂਡਾ ਦੀ ਸਲੀਮਾ ਮੁਕਾਨਸਾੰਗਾ ਨੇ ਪਹਿਲਾਂ ਯੂਈਐਫਏ ਸੁਪਰ ਕੱਪ ਅਤੇ ਅਫਰੀਕਾ ਕੱਪ ਆਫ ਨੇਸ਼ਨਜ਼ ਸਮੇਤ ਪੁਰਸ਼ਾਂ ਦੇ ਟੂਰਨਾਮੈਂਟਾਂ ਵਿੱਚ ਅੰਪਾਇਰਿੰਗ ਕੀਤੀ ਹੈ।