Shraddha Murder Case: ਸ਼ਰਧਾ ਕਤਲ ਕਾਂਡ ‘ਚ ਦੋਸ਼ੀ ਆਫਤਾਬ ਦੇ ਕਬੂਲਨਾਮੇ ਤੋਂ ਬਾਅਦ ਪੁਲਿਸ ਹੁਣ ਸਬੂਤਾਂ ਦੀ ਤਲਾਸ਼ ਕਰ ਰਹੀ ਹੈ। ਲਾਸ਼ ਦੇ ਟੁਕੜੇ ਆਫਤਾਬ ਨੇ ਕਿੱਥੇ ਛੁਪੇ? ਇਹ ਜਾਣਨ ਲਈ ਪੁਲਿਸ ਉਸ ਦੇ ਨਾਲ ਜੰਗਲਾਂ ‘ਚ ਜਾ ਰਹੀ ਹੈ। ਪੁਲਿਸ ਮੁਤਾਬਕ ਆਫਤਾਬ ਨੇ ਕਤਲ ਦੀ ਗੱਲ ਕਬੂਲ ਕਰ ਲਈ ਹੈ। ਹਾਲਾਂਕਿ ਆਫਤਾਬ ਤੋਂ ਮੀਡੀਆ ਵੱਲੋਂ ਸਵਾਲ ਪੁੱਛੇ ਗਏ ਪਰ ਉਹ ਚੁੱਪ ਰਿਹਾ।
ਇਸ ਦੌਰਾਨ ਪੁਲਿਸ ਨੇ ਆਫਤਾਬ ਅਤੇ ਸ਼ਰਧਾ ਦੇ ਸਾਂਝੇ ਦੋਸਤ ਤੋਂ ਵੀ ਪੁੱਛਗਿੱਛ ਕੀਤੀ। ਪੁਲਸ ਮੁਤਾਬਕ ਆਫਤਾਬ ਸਿਰਫ ਅੰਗਰੇਜ਼ੀ ‘ਚ ਗੱਲ ਕਰ ਕੇ ‘ਹਾਂ ਮੈਂ ਉਸ ਨੂੰ ਮਾਰਿਆ’ ਕਹਿ ਕੇ ਸ਼ਰਧਾ ਨੂੰ ਮਾਰਨ ਦਾ ਦਾਅਵਾ ਕਰ ਰਿਹਾ ਹੈ। ਪਰ ਹੁਣ ਤੱਕ ਦੀ ਪੁੱਛਗਿੱਛ ਤੇ ਜਾਂਚ ‘ਚ ਬਹੁਤ ਹੀ ਹੈਰਾਨ ਕਰਨ ਵਾਲਾ ਖੁਲਾਸਾ ਹੋਇਆ ਹੈ।
18 ਮਈ ਨੂੰ ਕਤਲ, ਤਿੰਨ ਮਹੀਨੇ ਤੱਕ ਲੁੱਕਾਈ ਲਾਸ਼
ਪੁਲਿਸ ਮੁਤਾਬਕ ਆਫਤਾਬ ਨੇ 18 ਮਈ ਨੂੰ ਹੀ ਸ਼ਰਧਾ ਦਾ ਗਲਾ ਘੁੱਟ ਕੇ ਕਤਲ ਕਰ ਦਿੱਤਾ ਸੀ। ਅਗਲੇ ਤਿੰਨ ਮਹੀਨਿਆਂ ਤੱਕ ਉਹ ਲਾਸ਼ ਦੇ ਟੁਕੜਿਆਂ ਨੂੰ ਹੌਲੀ-ਹੌਲੀ ਠਿਕਾਣੇ ਲਗਾਉਂਦਾ ਰਿਹਾ। ਦੋਸ਼ ਹੈ ਕਿ ਸ਼ਰਧਾ ਦੇ ਕਤਲ ਦੇ ਦੋ ਮਹੀਨੇ ਬਾਅਦ ਉਹ ਇੰਨੀ ਲਾਪਰਵਾਹ ਹੋ ਗਿਆ ਕਿ ਇੱਕ ਡੇਟਿੰਗ ਐਪ ‘ਤੇ ਐਕਟਿਵ ਹੋ ਗਿਆ। ਇੱਥੇ ਉਸ ਦੀ ਇੱਕ ਲੜਕੀ ਨਾਲ ਦੋਸਤੀ ਹੋਈ।
ਕਤਲ ਤੋਂ ਬਾਅਦ ਆਫਤਾਬ ਨੇ ਬਣਾਈ ਨਵੀਂ ਪ੍ਰੇਮਿਕਾ
ਜੂਨ ਅਤੇ ਜੁਲਾਈ ਦੇ ਮਹੀਨਿਆਂ ‘ਚ ਜਦੋਂ ਸ਼ਰਧਾ ਦੀ ਲਾਸ਼ ਦੇ ਕੁਝ ਟੁਕੜੇ ਅਜੇ ਘਰ ‘ਚ ਪਏ ਸੀ ਤਾਂ ਉਸ ਨੇ ਆਪਣੀ ਨਵੀਂ ਪ੍ਰੇਮਿਕਾ ਨੂੰ ਆਪਣੇ ਘਰ ਬੁਲਾ ਲਿਆ। ਸ਼ਰਧਾ ਦੀ ਲਾਸ਼ ਦੇ ਬਚੇ ਹੋਏ ਟੁਕੜੇ ਘਰ ਵਿਚ ਸੀ। ਉਸ ਨੂੰ ਨਾ ਤਾਂ ਆਪਣੇ ਅਪਰਾਧ ਦਾ ਪਛਤਾਵਾ ਸੀ ਅਤੇ ਨਾ ਹੀ ਕਾਨੂੰਨ ਦਾ ਡਰ।
ਛਾਤੀ ‘ਤੇ ਬੈਠਿਆ ਤੇ ਘੁੱਟਿਆ ਗਲਾ
ਕਤਲ ਵਾਲੇ ਦਿਨ ਕੀ ਹੋਇਆ? ਇਸ ਵਿੱਚ ਵੀ ਪੁਲਿਸ ਨੂੰ ਰੌਂਗਟੇ ਖੜ੍ਹੇ ਕਰ ਦੇਣ ਵਾਲੀ ਜਾਣਕਾਰੀ ਮਿਲੀ। 18 ਮਈ ਨੂੰ ਸ਼ਰਧਾ ਤੇ ਆਫਤਾਬ ਵਿਚਕਾਰ ਵਿਆਹ ਨੂੰ ਲੈ ਕੇ ਲੜਾਈ ਹੋਈ ਸੀ। ਕਥਿਤ ਤੌਰ ‘ਤੇ ਝਗੜੇ ਦੌਰਾਨ ਉਸ ਨੇ ਸ਼ਰਧਾ ਦੀ ਛਾਤੀ ‘ਤੇ ਬੈਠ ਕੇ ਉਸ ਦਾ ਗਲਾ ਘੁੱਟਿਆ, ਉਸ ਦਾ ਕਤਲ ਕਰਨ ਤੋਂ ਬਾਅਦ ਉਸ ਨੇ ਪਹਿਲਾਂ ਸ਼ਰਧਾ ਦੀ ਲਾਸ਼ ਨੂੰ ਬਾਥਰੂਮ ‘ਚ ਰੱਖਿਆ ਤੇ ਫਿਰ ਉਸ ਦੀ ਲਾਸ਼ ਨੂੰ ਠਿਕਾਣੇ ਲਗਾਉਣ ਲਈ ਇੰਟਰਨੈੱਟ ਦੀ ਮਦਦ ਲਈ।
ਅਗਲੇ ਦਿਨ ਉਹ ਇਲੈਕਟ੍ਰਿਕ ਆਰਾ ਲੈ ਕੇ ਆਇਆ ਅਤੇ ਲਾਸ਼ ਦੇ ਕਈ ਟੁਕੜੇ ਕੀਤੇ। ਸ਼ਰਧਾ ਦੇ ਤੇ ਆਪਣੇ ਖੂਨ ਨਾਲ ਲੱਥਪੱਥ ਕੱਪੜੇ ਕੂੜਾ ਵੈਨ ਵਿੱਚ ਪਾ ਦਿੱਤੇ। ਆਫਤਾਬ ਨੇ ਸ਼ਰਧਾ ਦੇ ਕਈ ਅੰਗਾਂ ਨੂੰ ਲੁਕਾ ਕੇ ਅਲਮਾਰੀ, ਰਸੋਈ ਅਤੇ ਫਰਿੱਜ ‘ਚ ਰੱਖਿਆ। ਇਸ ਤੋਂ ਬਾਅਦ ਉਸ ਨੇ ਸਬੂਤਾਂ ਨੂੰ ਮਿਟਾਉਣ ਲਈ ਇੰਟਰਨੈੱਟ ‘ਤੇ ਸਰਚ ਕੀਤਾ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
