ਪਾਕਿਸਤਾਨੀ ਤਸਕਰਾਂ ਵੱਲੋਂ ਬੈਟਰੀ ਦੇ ਬਕਸੇ ਵਿੱਚ ਪਾ ਕੇ ਭੇਜੇ ਹੈਰੋਇਨ ਦੇ ਚਾਰ ਪੈਕੇਟ ਅੱਜ ਬੀਐੱਸਐੱਫ ਦੇ ਜਵਾਨਾਂ ਵੱਲੋਂ ਬਰਾਮਦ ਕੀਤੇ ਗਏ। ਬੀਐੱਸਐੱਫ ਦੇ ਸੈਕਟਰ ਗੁਰਦਾਸਪੁਰ ਅਧੀਨ 89ਵੀਂ ਬਟਾਲੀਅਨ ਦੀ ਬੀਓਪੀ ਕਮਾਲਪੁਰ ਜੱਟਾਂ ਦੇ ਜਵਾਨਾਂ ਵੱਲੋਂ ਬੀਪੀ 28/15 ਨੇੜਿਉਂ ਬੀਐੱਸਐੱਫ ਅਤੇ ਐੱਸਟੀਐੱਫ ਦੀ ਸਾਂਝੀ ਮੁਹਿੰਮ ਤਹਿਤ ਬੈਟਰੀ ਦੇ ਬਕਸੇ ਵਿੱਚ ਪਾ ਕੇ ਭੇਜੀ ਚਾਰ ਪੈਕੇਟ ਹੈਰੋਇਨ ਬਰਾਮਦ ਕੀਤੀ ਗਈ। ਬੀਐੱਸਐੱਫ ਦੇ ਡੀਆਈਜੀ ਪ੍ਰਭਾਕਰ ਜੋਸ਼ੀ ਸੈਕਟਰ ਗੁਰਦਾਸਪੁਰ, ਬਟਾਲੀਅਨ ਕਮਾਂਡਰ ਪ੍ਰਦੀਪ ਕੁਮਾਰ ਸਮੇਤ ਐੱਸਟੀਐੱਫ ਦੇ ਅਧਿਕਾਰੀਆਂ ਵੱਲੋਂ ਇਸ ਖੇਤਰ ਵਿਚ ਤਲਾਸ਼ੀ ਲਈ ਜਾ ਰਹੀ ਹੈ। ਇਸ ਕਮਾਲਪੁਰ ਜੱਟਾਂ ਵਿਖੇ ਪਿਛਲੇ ਸਮੇਂ ਬੀਐੱਸਐੱਫ ਦੀ 12ਵੀਂ ਬਟਾਲੀਅਨ ਦੇ ਜਵਾਨਾਂ ਵੱਲੋਂ ਬੈਟਰੀ ਦੇ ਬਕਸੇ ਵਿੱਚ ਤਸਕਰਾਂ ਵੱਲੋਂ ਭੇਜੀ ਹੈਰੋਇਨ ਬਰਾਮਦ ਕੀਤੀ ਗਈ ਸੀ।
