Balkaur Sidhu : ਪੰਜਾਬੀ ਸਿੰਗਰ ਸਿੱਧੂ ਮੂਸੇਵਾਲਾ ਦੇ ਕਲਤ ਨੂੰ ਕਾਫੀ ਸਮਾਂ ਬੀਤ ਜਾਣ ਮਗਰੋਂ ਵੀ ਉਸ ਦੇ ਮਾਪਿਆਂ ਨੂੰ ਇਨਸਾਫ਼ ਦੀ ਉਡੀਕ ਹੈ। ਇਸ ਦੇ ਨਾਲ ਹੀ ਇਨ੍ਹਾਂ ਸਭ ਦਰਮਿਆਨ ਬੀਤੇ ਮਹੀਨੇ ਸਿੱਧੂ ਦੇ ਪਿਤਾ ਬਲਕੌਰ ਸਿੱਧੂ ਨੇ ਸੋਸ਼ਲ ਮੀਡੀਆ ‘ਤੇ ਲਾਈਵ ਹੋ ਕੇ ਪੰਜਾਬ ਸਰਕਾਰ ਨੂੰ ਅਲਟੀਮੇਟਮ ਦਿੰਦਿਆਂ ਐਲਾਨ ਕੀਤਾ ਸੀ ਕਿ ਜੇਕਰ ਉਨ੍ਹਾਂ ਨੂੰ ਇੱਕ ਮਹੀਨੇ ਦੇ ਅੰਦਰ ਇਨਸਾਫ਼ ਨਾ ਮਿਲਿਆ ਤਾਂ ਉਹ 26 ਨਵੰਬਰ ਨੂੰ ਦੇਸ਼ ਛੱਡ ਦੇਣਗੇ। ਇਸ ਦੌਰਾਨ ਉਹ ਯੂਕੇ ਗਏ ਜਿੱਥੇ ਉਨ੍ਹਾਂ ਸਿੱਧੂ ਦੇ ਇਨਸਾਫ਼ ਲਈ ਹੋ ਰਹੇ ਸਮਾਗਮਾਂ ‘ਚ ਹਿੱਸਾ ਲਿਆ।
ਬੀਤੇ ਦਿਨੀਂ ਸਿੱਧੂ ਦੇ ਮਾਪੇ ਯੂਕੇ ਤੋਂ ਵਾਪਸ ਮੂਸਾ ਪਿੰਡ ਆ ਗਏ ਹਨ। ਵਾਪਸੀ ਮਗਰੋਂ ਉਨ੍ਹਾਂ ਨੇ ਐਸਐਸਪੀ ਨੇ ਮੁਲਾਕਾਤ ਕੀਤੀ। ਜਿਸ ਬਾਰੇ ਗੱਲ ਕਰਦਿਆਂ ਬਲਕੌਰ ਸਿੱਧੂ ਨੇ ਐਤਵਾਰ ਨੂੰ ਜਾਣਕਾਰੀ ਦਿੱਤੀ। ਉਨ੍ਹਾਂ ਐਤਵਾਰ ਨੂੰ ਲੋਕਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਸਿੱਧੂ ਦੇ ਕਤਲ ‘ਚ ਕਈ ਥਾਵਾਂ ਤੋਂ ਲੋਕ ਸ਼ਾਮਲ ਸੀ ਜਿਨ੍ਹਾਂ ਨੂੰ ਟ੍ਰੇਸ ਕਰਨ ‘ਚ ਸਮਾਂ ਲੱਗਦਾ ਹੈ। ਉਨ੍ਹਾਂ ਕਿਹਾ ਕਿ ਉਮੀਦ ਬੱਝੀ ਹੈ ਜਿਸ ਕਰਕੇ ਸੰਘਰਸ਼ ਨੂੰ ਤੇਜ਼ ਕਰਨ ਦੇ ਫੈਸਲੇ ਨੂੰ ਕੁੱਝ ਅੱਗੇ ਵਧਾਇਆ ਹੈ।
ਬਲਕੌਰ ਸਿੱਧੂ ਨੇ ਇਸ ਦੇ ਨਾਲ ਹੀ ਸਰਕਾਰ ‘ਤੇ ਨਿਸ਼ਾਨਾ ਸਾਧਦਿਆਂ ਕਿਹਾ ਕਿ ਇਹ ਨਹੀਂ ਕਿ ਸਿੱਧੂ ਸਿਰਫ ਮੇਰਾ ਬੱਚਾ ਸੀ, ਉਹ ਪੂਰੇ ਸੰਸਾਰ ਦਾ ਬੇਟਾ ਬਣ ਚੁੱਕਿਆ ਸੀ। ਜਿਵੇਂ ਜਿਵੇਂ ਉਸ ਦੀ ਉਮਰ ਵਧੀ ਉਸ ਦਾ ਧਿਆਨ ਸਥਾਨਕ ਸਮਸਿਆਵਾਂ ਵੱਲ ਵਧਿਆ। ਉਨ੍ਹਾਂ ਕਿਹਾ ਕਿ ਜਿਨ੍ਹਾਂ ਹਾਲਾਤਾਂ ‘ਚ ਸਿੱਧੂ ਦੀ ਮੌਤ ਹੋਈ ਉਹ ਵੀ ਬੁਝਾਰਤ ਬਣ ਚੁੱਕਿਆ ਹੈ ਕਿ ਆਖ਼ਰ ਉਸ ਦਾ ਕਸੂਰ ਕੀ ਸੀ। ਬਲਕੌਰ ਸਿੱਧੂ ਨੇ ਕਿਹਾ ਕਿ ਇਸ ਕਤਲ ਦਾ ਬ੍ਰਿਟਿਸ਼ ਸਰਕਾਰ ‘ਚ ਵੀ ਖਾਸਾ ਰੋਸ਼ ਹੈ ਕਿਉਂਕਿ ਉਸ ਕੋਲ ਯੂਕੇ ਦੀ ਨਾਗਰਿਕਤਾ ਸੀ।
ਸਰਕਾਰ ‘ਤੇ ਬਲਕੌਰ ਸਿੱਧੂ ਦਾ ਤੰਨਜ
ਆਪਣੇ ਸੰਬੋਧਨ ‘ਚ ਸਿੱਧੂ ਦੇ ਪਿਤਾ ਨੇ ਕਿਹਾ ਕਿ ਸਰਕਾਰ ਜਦੋਂ ਹਾਸੋਹੀਣ ਫੈਸਲੇ ਕਰਦੀ ਹੈ ਤਾਂ ਦੁਖ ਹੁੰਦਾ ਹੈ। ਉਨ੍ਹਾਂ ਕਿਹਾ ਕਿ ਅਸਲੇ ਦੇ ਲਾਈਸੈਂਸ ਤਾਂ ਪਹਿਲਾਂ ਹੀ ਲੈਣੇ ਔਖੇ ਹਨ। ਇਸ ਮਗਰੋਂ ਜਦੋਂ ਲਾਈਸੈਂਸ ਰੀਨਿਊ ਕਰਨ ਦੀ ਬਾਰੀ ਆਉਂਦੀ ਹੈ ਤਾਂ ਦਿਲ ਤਾਂ ਕਰਦਾ ਹੈ ਕਿ ਹਥਿਆਰ ਸੁੱਟ ਕੇ ਹੀ ਭੱਜ ਜਾਓ। ਲਾਈਸੈਂਸ ਲੈਣ ਤੋਂ ਇਸ ਨੂੰ ਰੀਨਿਊ ਕਰਵਾਉਣ ਦਾ ਤਰੀਕਾ ਇੰਨਾ ਔਖਾ ਹੈ ਕਿ ਬੰਦੇ ਨੂੰ ਲੱਗਦੈ ਕਿ ਮੈਂ 84ਵਾਲੇ ਗੇੜ ‘ਚ ਪੈ ਗਿਆ।
ਉਨ੍ਹਾਂ ਕਿਹਾ ਕਿ ਬਦਮਾਸ਼ਾਂ ਕੋਲ ਤਾਂ ਰਸ਼ੀਅਨ ਹਥਿਆਰ ਹਨ, ਏਕ 47 ਹੈ ਯੂਐਸ ਅਸਲਾ ਹੈ। ਅਤੇ ਜੇ ਅਸੀਂ ਆਪਣੀ ਸੁਰਖਿਆ ਲਈ ਹਥਿਆਰ ਦਾ ਲਾਇਸੈਂਸ ਲੈ ਲਿਆ ਤਾਂ ਇਸ ‘ਚ ਕੀ ਜ਼ੁਰਮ ਵਾਲੀ ਗੱਲ ਹੋ ਗਈ। ਉਨ੍ਹਾਂ ਕਿਹਾ ਕਿ ਅਧਿਐਨ ਕਰ ਕੇ ਵੇਖ ਲਓ ਕੋਈ ਵੀ ਕਤਲ ਲਾਇਸੈਂਸ ਹਥਿਆਰ ਨਾਲ ਨਹੀਂ ਕੀਤਾ ਜਾਂਦਾ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
