Viral Video of College: ਅੱਜ ਕੱਲ੍ਹ ਸੋਸ਼ਲ ਮੀਡੀਆ ‘ਤੇ ਕੁਝ ਵੀ ਤੇਜ਼ੀ ਨਾਲ ਵਾਇਰਸ ਹੋ ਜਾਂਦਾ ਹੈ। ਇਸ ਦੇ ਨਾਲ ਹੀ ਇੱਕ ਹੋ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਜਿਸ ‘ਤੇ ਲੋਕ ਤਿਖੀ ਪ੍ਰਤੀਕਿਰਿਆ ਜ਼ਾਹਰ ਕਰ ਰਹੇ ਹਨ। ਦੱਸ ਦਈਏ ਕਿ ਟਵਿੱਟਰ ‘ਤੇ ਸ਼ੇਅਰ ਕੀਤੀ ਗਈ 45 ਸੈਕਿੰਡ ਦੀ ਕਲਿੱਪ ਨੂੰ ਤੇਜ਼ੀ ਨਾਲ ਵਿਊਜ਼ ਮਿਲ ਰਹੇ ਹਨ। ਦਰਅਸਲ ਇਹ ਵੀਡੀਓ ਇੱਕ ਕਾਲਜ ਦੇ ਕਲਾਸ ਦੀ ਹੈ।
ਵੀਡੀਓ ਵਿੱਚ ਇੱਕ ਕਾਲਜ ਦਾ ਪ੍ਰੋਫੈਸਰ ਵਿਦਿਆਰਥੀ ਨੂੰ ਕਲਾਸ ਦੌਰਾਨ ਕਥਿਤ ਤੌਰ ‘ਤੇ ‘ਮੁਸਲਿਮ ਅੱਤਵਾਦੀ’ ਕਹਿੰਦਾ ਹੈ। ਵੀਡੀਓ ਵਿੱਚ ਦਿਖਾਇਆ ਗਿਆ ਹੈ ਕਿ ਨੀਲੀ ਕਮੀਜ਼ ਪਹਿਨੀ ਇੱਕ ਵਿਦਿਆਰਥੀ ਕਲਾਸਰੂਮ ਵਿੱਚ ਆਪਣੇ ਅਧਿਆਪਕ ਨਾਲ ਗੱਲ ਕਰ ਰਿਹਾ ਹੈ ਜਿਸ ਵਿੱਚ ਕਈ ਹੋਰ ਵਿਦਿਆਰਥੀ ਹਨ।
ਵੀਡੀਓ ਵਿੱਚ, ਕਲਾਸਰੂਮ ਵਿੱਚ ਵਿਦਿਆਰਥੀ ਨੇ ਪੁੱਛਿਆ, “ਤੁਸੀਂ ਅਜਿਹੇ ਬਿਆਨ ਕਿਵੇਂ ਪਾਸ ਕਰ ਸਕਦੇ ਹੋ?”, ਇਸ ਤੋਂ ਬਾਅਦ ਇੱਕ ਬਹਿਸ ਹੋਈ। ਪ੍ਰੋਫੈਸਰ ਨੇ ਹਾਲਾਂਕਿ ਸਪੱਸ਼ਟ ਕੀਤਾ ਕਿ ਇਹ ਮਜ਼ਾਕੀਆ ਢੰਗ ਨਾਲ ਕਿਹਾ ਗਿਆ ਸੀ। ਇਸ ਦਲੀਲ ਨੂੰ ਅੱਗੇ ਵਧਾਉਂਦੇ ਹੋਏ ਵਿਦਿਆਰਥੀ ਨੇ ਕਿਹਾ, “26/11 ਮਜ਼ਾਕੀਆ ਨਹੀਂ ਹੈ, ਮੁਸਲਮਾਨ ਹੋਣਾ ਤੇ ਇਸ ਦੇਸ਼ ਵਿੱਚ ਅਜਿਹੀਆਂ ਚੀਜ਼ਾਂ ਦਾ ਸਾਹਮਣਾ ਕਰਨਾ ਕੋਈ ਮਜ਼ਾਕੀਆ ਗੱਲ ਨਹੀਂ ਹੈ।”
ਪ੍ਰੋਫੈਸਰ ਨੇ ਫਿਰ ਵਿਦਿਆਰਥੀ ਤੋਂ ਮੁਆਫੀ ਮੰਗੀ ਤੇ ਉਸ ਨੂੰ ਕਿਹਾ ਕਿ ਉਹ ਉਸ ਦੇ ਪੁੱਤਰ ਦੇ ਬਰਾਬਰ ਹੈ। ਵਿਦਿਆਰਥੀ ਨੇ ਜਵਾਬ ਦਿੱਤਾ, “ਕੀ ਤੁਸੀਂ ਆਪਣੇ ਬੇਟੇ ਨਾਲ ਅਜਿਹਾ ਸਲੂਕ ਕਰੋਗੇ? ਕੀ ਤੁਸੀਂ ਉਸ ਨੂੰ ਕਲਾਸ ਵਿਚ ਹਰ ਕਿਸੇ ਦੇ ਸਾਹਮਣੇ ਅੱਤਵਾਦੀ ਕਹੋਗੇ? ਮਾਫ਼ ਕਰਨਾ ਕਾਫੀ ਨਹੀਂ ਹੈ, ਸਰ। ਇਹ ਨਹੀਂ ਬਦਲਦਾ ਕਿ ਤੁਸੀਂ ਇੱਥੇ ਆਪਣੇ ਆਪ ਨੂੰ ਕਿਵੇਂ ਪੇਸ਼ ਕਰਦੇ ਹੋ।”
ਸੂਤਰਾਂ ਨੇ ਦੱਸਿਆ ਕਿ ਪ੍ਰੋਫੈਸਰ ਨੇ ਬਾਅਦ ਵਿੱਚ ਵਿਦਿਆਰਥੀ ਨਾਲ ਗੱਲਬਾਤ ਕੀਤੀ ਅਤੇ ਨਿੱਜੀ ਮੁਆਫੀ ਵੀ ਮੰਗੀ। ਇਹ ਮਾਮਲਾ ਵਿਦਿਆਰਥੀ ਅਤੇ ਪ੍ਰੋਫੈਸਰ ਵਿਚਾਲੇ ਸੁਲਝਾਉਣ ਦੀ ਗੱਲ ਵੀ ਕਹੀ ਗਈ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
