Vijay Hazare Trophy 2022: ਭਾਰਤੀ ਘਰੇਲੂ ਕ੍ਰਿਕਟ ਵਿੱਚ ਵਿਜੇ ਹਜ਼ਾਰੇ ਟਰਾਫੀ ਦੇ ਕੁਆਰਟਰ ਫਾਈਨਲ ਦੇ ਕੁਆਰਟਰ ਫਾਈਨਲ ਮੈਚ ਖੇਡੇ ਜਾ ਰਹੇ ਹਨ। ਇਸ ਟੂਰਨਾਮੈਂਟ ਵਿੱਚ ਟੀਮ ਇੰਡੀਆ ਦੇ ਇੱਕ ਖਿਡਾਰੀ ਨੇ ਇੱਕ ਵੱਡੀ ਉਪਲਬਧੀ ਹਾਸਲ ਕੀਤੀ ਹੈ। ਇਸ ਖਿਡਾਰੀ ਨੇ ਇੱਕ ਓਵਰ ‘ਚ 7 ਛੱਕੇ ਲਗਾ ਕੇ ਵਿਸ਼ਵ ਰਿਕਾਰਡ ਬਣਾਇਆ ਹੈ। ਇਹ ਬੱਲੇਬਾਜ਼ ਅਜਿਹਾ ਕਾਰਨਾਮਾ ਕਰਨ ਵਾਲਾ ਦੁਨੀਆ ਦਾ ਪਹਿਲਾ ਖਿਡਾਰੀ ਵੀ ਬਣ ਗਿਆ ਹੈ।
ਖਿਡਾਰੀ ਨੇ 1 ਓਵਰ ‘ਚ ਲਗਾਏ 7 ਛੱਕੇ-
ਮਹਾਰਾਸ਼ਟਰ ਦੇ ਕਪਤਾਨ ਰੁਤੁਰਾਜ ਗਾਇਕਵਾੜ ਨੇ ਵਿਜੇ ਹਜ਼ਾਰੇ ਟਰਾਫੀ ਦੇ ਕੁਆਰਟਰ ਫਾਈਨਲ ਵਿੱਚ ਉੱਤਰ ਪ੍ਰਦੇਸ਼ ਦੀ ਟੀਮ ਖ਼ਿਲਾਫ਼ ਇਤਿਹਾਸ ਰਚ ਦਿੱਤਾ ਹੈ। ਰਿਤੁਰਾਜ ਗਾਇਕਵਾੜ ਲਿਸਟ ਏ ਕ੍ਰਿਕਟ ‘ਚ ਇਕ ਓਵਰ ‘ਚ 7 ਛੱਕੇ ਲਗਾਉਣ ਵਾਲੇ ਦੁਨੀਆ ਦੇ ਪਹਿਲੇ ਬੱਲੇਬਾਜ਼ ਬਣ ਗਏ ਹਨ।
ਉਸ ਨੇ ਇਹ ਕਾਰਨਾਮਾ ਖੱਬੇ ਹੱਥ ਦੇ ਸਪਿਨਰ ਸ਼ਿਵਾ ਸਿੰਘ ਦੇ ਖਿਲਾਫ ਪਾਰੀ ਦੇ 49ਵੇਂ ਓਵਰ ਵਿੱਚ ਕੀਤਾ। ਸ਼ਿਵਾ ਸਿੰਘ ਨੇ ਇਸ ਓਵਰ ‘ਚ 1 ਗੇਂਦ ਨੋ ਬਾਲ ਸੁੱਟੀ ਸੀ, ਜਿਸ ਕਾਰਨ ਰਿਤੂਰਾਜ ਨੂੰ ਕੁੱਲ 7 ਗੇਂਦਾਂ ਖੇਡਣੀਆਂ ਪਈਆਂ। ਉਹ ਇਨ੍ਹਾਂ ਸਾਰੀਆਂ ਗੇਂਦਾਂ ਨੂੰ ਬਾਊਂਡਰੀ ਲਾਈਨ ਦੇ ਪਾਰ ਲੈ ਗਿਆ।
6⃣,6⃣,6⃣,6⃣,6⃣nb,6⃣,6⃣
Ruturaj Gaikwad smashes 4⃣3⃣ runs in one over! 🔥🔥
Follow the match ▶️ https://t.co/cIJsS7QVxK…#MAHvUP | #VijayHazareTrophy | #QF2 | @mastercardindia pic.twitter.com/j0CvsWZeES
— BCCI Domestic (@BCCIdomestic) November 28, 2022
ਦੋਹਰਾ ਸੈਂਕੜਾ ਲਗਾਇਆ-
ਇਸ ਮੈਚ ‘ਚ ਰਿਤੂਰਾਜ ਗਾਇਕਵਾੜ ਨੇ 159 ਗੇਂਦਾਂ ‘ਤੇ ਨਾਬਾਦ 220 ਦੌੜਾਂ ਬਣਾਈਆਂ। ਇਸ ਪਾਰੀ ‘ਚ ਉਸ ਦੇ ਬੱਲੇ ਤੋਂ 10 ਚੌਕੇ ਅਤੇ 16 ਛੱਕੇ ਲੱਗੇ। ਰੁਤੁਰਾਜ ਗਾਇਕਵਾੜ ਦੀ ਪਾਰੀ ਦੇ ਦਮ ‘ਤੇ ਮਹਾਰਾਸ਼ਟਰ ਦੀ ਟੀਮ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 5 ਵਿਕਟਾਂ ‘ਤੇ 330 ਦੌੜਾਂ ਹੀ ਬਣਾ ਸਕੀ। ਦੱਸ ਦੇਈਏ ਕਿ ਰਿਤੁਰਾਜ ਗਾਇਕਵਾੜ ਨੇ ਟੀਮ ਇੰਡੀਆ ਲਈ ਹੁਣ ਤੱਕ 1 ਵਨਡੇ ਅਤੇ 9 ਟੀ-20 ਮੈਚ ਖੇਡੇ ਹਨ।
ਪਿਛਲੀਆਂ 6 ਪਾਰੀਆਂ ‘ਚ ਛੇਵਾਂ ਸੈਂਕੜਾ-
ਰੁਤੁਰਾਜ ਗਾਇਕਵਾੜ ਨੇ ਵਿਜੇ ਹਜ਼ਾਰੇ ਟਰਾਫੀ ਦੀਆਂ ਪਿਛਲੀਆਂ 8 ਪਾਰੀਆਂ ਵਿੱਚ 6 ਸੈਂਕੜੇ ਲਗਾਏ ਹਨ। ਇਸ ਦੇ ਨਾਲ ਹੀ 25 ਸਾਲਾ ਰਿਤੂਰਾਜ ਦੇ ਲਿਸਟ-ਏ ਕਰੀਅਰ ਦਾ ਇਹ 13ਵਾਂ ਸੈਂਕੜਾ ਹੈ। ਇਸ ਮੈਚ ਤੋਂ ਪਹਿਲਾਂ ਰਿਤੂਰਾਜ ਨੇ ਲਿਸਟ-ਏ ਦੇ 69 ਮੈਚਾਂ ‘ਚ 55 ਦੀ ਔਸਤ ਨਾਲ 3538 ਦੌੜਾਂ ਬਣਾਈਆਂ ਹਨ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
