Royal Enfield Classic 350 : ਰਾਇਲ ਐਨਫੀਲਡ ਕਲਾਸਿਕ 350 ਕੰਪਨੀ ਦੇ ਸਭ ਤੋਂ ਮਸ਼ਹੂਰ ਮੋਟਰਸਾਈਕਲਾਂ ਚੋਂ ਇੱਕ ਹੈ। 350 ਸੀਸੀ ਬਾਈਕ ਸੈਗਮੈਂਟ ‘ਚ ਇਸ ਮੋਟਰਸਾਈਕਲ ਦੀ ਆਪਣੀ ਵੱਖਰੀ ਪਛਾਣ ਹੈ ਪਰ ਮੌਜੂਦਾ ਸਮੇਂ ‘ਚ ਕਈ ਅਜਿਹੇ ਮੋਟਰਸਾਈਕਲ ਹਨ, ਜੋ ਰਾਇਲ ਐਨਫੀਲਡ ਕਲਾਸਿਕ 350 ਦੇ ਮੁਕਾਬਲੇ ਖੜ੍ਹੇ ਹੋ ਗਏ ਹਨ।
ਰਾਇਲ ਐਨਫੀਲਡ ਕਲਾਸਿਕ 350 ‘ਚ 349cc, ਸਿੰਗਲ-ਸਿਲੰਡਰ, ਏਅਰ-ਕੂਲਡ ਇੰਜਣ ਹੈ, ਜੋ 6,100rpm ‘ਤੇ 20.2HP ਦੀ ਪਾਵਰ ਅਤੇ 4,000rpm ‘ਤੇ 27Nm ਆਉਟਪੁੱਟ ਜਨਰੇਟ ਕਰਦਾ ਹੈ। ਇਹ 5 ਸਪੀਡ ਟ੍ਰਾਂਸਮਿਸ਼ਨ ਦਿੰਦਾ ਹੈ। ਇਸ ਦੀ ਪਾਵਰ Honda H’ness CB350, Benelli Imperial 400 ਅਤੇ Jawa 42 ਤੋਂ ਘੱਟ ਹੈ।
Honda H’ness CB350 348.36cc, ਸਿੰਗਲ ਸਿਲੰਡਰ, ਏਅਰ ਕੂਲਡ ਇੰਜਣ ਰਾਹੀਂ ਸੰਚਾਲਿਤ ਹੈ। Royal Enfield Classic 350 ਅਤੇ ਇਸਦੇ ਇੰਜਣ ਵਿੱਚ CC ਵਿੱਚ ਬਹੁਤਾ ਅੰਤਰ ਨਹੀਂ ਹੈ। ਇਹ 5500rpm ‘ਤੇ 21.1hp ਦੀ ਪਾਵਰ ਅਤੇ 3000rpm ‘ਤੇ 30Nm ਦਾ ਟਾਰਕ ਪੈਦਾ ਕਰਦਾ ਹੈ। ਇਸ ‘ਚ 5-ਸਪੀਡ ਟ੍ਰਾਂਸਮਿਸ਼ਨ ਦਿੱਤਾ ਗਿਆ ਹੈ।
Benelli Imperial 400 374cc, ਸਿੰਗਲ ਸਿਲੰਡਰ, ਏਅਰ ਕੂਲਡ ਇੰਜਣ ਰਾਹੀਂ ਸੰਚਾਲਿਤ ਹੈ। ਇਸ ਵਿੱਚ ਰਾਇਲ ਐਨਫੀਲਡ ਕਲਾਸਿਕ 350 ਤੋਂ ਵੱਡਾ ਇੰਜਣ ਹੈ। ਇਹ 6000rpm ‘ਤੇ 21hp ਦੀ ਪਾਵਰ ਅਤੇ 3500rpm ‘ਤੇ 29Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਇਸ ‘ਚ 5-ਸਪੀਡ ਟ੍ਰਾਂਸਮਿਸ਼ਨ ਵੀ ਦਿੱਤਾ ਗਿਆ ਹੈ।
Jawa 42 293cc, ਸਿੰਗਲ ਸਿਲੰਡਰ, ਏਅਰ ਕੂਲਡ ਇੰਜਣ ਹੈ। ਰਾਇਲ ਐਨਫੀਲਡ ਕਲਾਸਿਕ 350 ਦੇ ਮੁਕਾਬਲੇ ਇਸ ਦਾ ਇੰਜਣ ਛੋਟਾ ਹੈ ਪਰ ਜ਼ਿਆਦਾ ਪਾਵਰ ਦਿੰਦਾ ਹੈ। ਇਹ 27.3hp ਦੀ ਪਾਵਰ ਅਤੇ 27Nm ਦਾ ਟਾਰਕ ਆਊਟਪੁੱਟ ਪੈਦਾ ਕਰਦਾ ਹੈ। ਹਾਲਾਂਕਿ, ਇਸ ਵਿੱਚ 6-ਸਪੀਡ ਟ੍ਰਾਂਸਮਿਸ਼ਨ ਮਿਲਦਾ ਹੈ।
