ਰਾਜਸਥਾਨ ਦੇ ਜੋਧਪੁਰ ‘ਚ ਲੁਟੇਰਿਆਂ ਦੇ ਹੌਸਲੇ ਬੁਲੰਦ ਹਨ। ਇਸ ਦਾ ਅੰਦਾਜ਼ਾ ਤੁਸੀਂ ਵੀਡੀਓ ਦੇਖ ਕੇ ਲਗਾ ਸਕਦੇ ਹੋ। ਏਅਰਪੋਰਟ ਥਾਣਾ ਖੇਤਰ ਦੇ ਸ਼ਿਕਾਰਗੜ੍ਹ ਮਿੰਨੀ ਮਾਰਕੀਟ ਵਿੱਚ ਏਟੀਐਮ ਲੁੱਟਣ ਦੀ ਘਟਨਾ ਵਾਪਰੀ ਹੈ। ਲੁਟੇਰੇ ਰਾਤ ਨੂੰ ਇੱਕ ਬੋਲੈਰੋ ਵਿੱਚ ਆਏ ਅਤੇ ਕੁਝ ਹੀ ਮਿੰਟਾਂ ਵਿੱਚ ਪੰਜਾਬ ਨੈਸ਼ਨਲ ਬੈਂਕ ਦੇ ਏਟੀਐਮ ਨੂੰ ਉਖਾੜ ਦਿੱਤਾ। ਘਟਨਾ ਬੀਤੀ ਰਾਤ ਕਰੀਬ 2 ਵਜੇ ਦੀ ਦੱਸੀ ਜਾ ਰਹੀ ਹੈ।
ਲੁਟੇਰਿਆਂ ਦੀ ਇਹ ਹਰਕਤ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਈ। ਏਟੀਐਮ ਲੁੱਟਣ ਦੀ ਸੂਚਨਾ ਮਿਲਣ ਨਾਲ ਪੁਲਿਸ ਮਹਿਕਮੇ ਵਿੱਚ ਹੜਕੰਪ ਮੱਚ ਗਿਆ ਹੈ। ਪੁਲਿਸ ਸਮੇਤ ਬੈਂਕ ਅਧਿਕਾਰੀ ਵੀ ਮੌਕੇ ‘ਤੇ ਪਹੁੰਚ ਗਏ। ਪੁਲਿਸ ਟੀਮ ਨੇ ਸੀਸੀਟੀਵੀ ਕੈਮਰਿਆਂ ਦੀ ਤਲਾਸ਼ੀ ਲਈ। ਫੁਟੇਜ ‘ਚ ਲੁਟੇਰੇ ਏਟੀਐਮ ਲੁੱਟਣ ਦੀ ਵਾਰਦਾਤ ਨੂੰ ਅੰਜਾਮ ਦਿੰਦੇ ਨਜ਼ਰ ਆ ਰਹੇ ਹਨ। ਬੈਂਕ ਅਧਿਕਾਰੀਆਂ ਤੋਂ ਏਟੀਐਮ ਦੀ ਸੁਰੱਖਿਆ ਨੂੰ ਲੈ ਕੇ ਪੁੱਛਗਿੱਛ ਕੀਤੀ ਗਈ। ਪੁੱਛਗਿੱਛ ‘ਚ ਬੈਂਕ ਮੈਨੇਜਮੈਂਟ ਦੀ ਲਾਪਰਵਾਹੀ ਸਾਹਮਣੇ ਆਈ ਹੈ।
जोधपुर में नकाबपोश बदमाशों ने पीएनबी के लाखो रुपए से बाहर एटीएम मशीन लूट की वारदात को दिया अंजाम लाइव वीडियो आया सामने @iampulkitmittal @ABPNews @prempratap04 @PoliceRajasthan @pnbindia @ashokgehlot51 @DrSatishPoonia @gssjodhpur pic.twitter.com/Wd3707yfIz
— करनपुरी (@abp_karan) November 29, 2022
ਦੱਸ ਦਈਏ ਕਿ ਏਟੀਐਮ ਰਿਹਾਇਸ਼ੀ ਖੇਤਰ ਵਿੱਚ ਹੋਣ ਦੇ ਬਾਵਜੂਦ ਇੱਥੇ ਕੋਈ ਗਾਰਡ ਤਾਇਨਾਤ ਨਹੀਂ ਸੀ ਅਤੇ ਸੁਰੱਖਿਆ ਅਲਾਰਮ ਵੀ ਨਹੀਂ ਲਗਾਇਆ ਗਿਆ ਸੀ। ਡੀਸੀਪੀ ਅੰਮ੍ਰਿਤਾ ਦੁਹਾਨ ਅਨੁਸਾਰ ਅੱਧੀ ਦਰਜਨ ਤੋਂ ਵੱਧ ਨਕਾਬਪੋਸ਼ ਲੁਟੇਰਿਆਂ ਨੇ ਏਟੀਐਮ ਲੁੱਟਣ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਹੈ। ਬੋਲੈਰੋ ਵਿੱਚ ਸਵਾਰ ਲੁਟੇਰਿਆਂ ਨੇ ਏਟੀਐਮ ਦੇ ਕੋਲ ਗੱਡੀ ਖੜ੍ਹੀ ਕਰ ਦਿੱਤੀ। ਫਿਰ ਕਾਰ ਤੋਂ ਹੇਠਾਂ ਉਤਰ ਕੇ ਸਭ ਤੋਂ ਪਹਿਲਾਂ ਏਟੀਐਮ ਵਿੱਚ ਲੱਗੇ ਸੀਸੀਟੀਵੀ ਕੈਮਰੇ ਇੱਕ ਤੋਂ ਬਾਅਦ ਇੱਕ ਤੋੜੇ।
ਸੀਸੀਟੀਵੀ ਕੈਮਰੇ ਤੋੜਨ ਤੋਂ ਬਾਅਦ ਬਦਮਾਸ਼ ਕਾਰ ‘ਚੋਂ ਚੇਨ ਕੱਢ ਕੇ ਏ.ਟੀ.ਐੱਮ. ਕੋਲ ਗਏ। ਫਿਰ ਬਦਮਾਸ਼ ਬੋਲੈਰੋ ਦੀ ਹੁੱਕ ਨਾਲ ਚੇਨ ਲਗਾ ਕੇ ਕਾਰ ਨੂੰ ਝਟਕੇ ਨਾਲ ਅੱਗੇ ਲੈ ਗਏ। ਇਸ ਦੌਰਾਨ ਏ.ਟੀ.ਐਮ ਉਖੜ ਕੇ ਕਮਰੇ ਤੋਂ ਬਾਹਰ ਆ ਗਿਆ। ਇਸ ਤੋਂ ਬਾਅਦ ਬਦਮਾਸ਼ਾਂ ਨੇ ਏ.ਟੀ.ਐੱਮ. ਨੂੰ ਨਾਲ ਕਾਰ ‘ਚ ਮੌਕੇ ਤੋਂ ਫਰਾਰ ਹੋ ਗਏ। ਬਦਮਾਸ਼ਾਂ ਨੇ ਕੁਝ ਹੀ ਮਿੰਟਾਂ ‘ਚ ATM ਲੁੱਟਣ ਦੀ ਘਟਨਾ ਨੂੰ ਅੰਜਾਮ ਦਿੱਤਾ। ਪੁਲਿਸ ਸੀਸੀਟੀਵੀ ਫੁਟੇਜ ਦੇ ਆਧਾਰ ’ਤੇ ਲੁਟੇਰਿਆਂ ਦੀ ਭਾਲ ਕਰ ਰਹੀ ਹੈ।
