Diljit Dosanjh and Nimrat Khaira Song ‘Takue Chalaon Ni Main Janda’: ਦਿਲਜੀਤ ਦੋਸਾਂਝ ਇਨ੍ਹਾਂ ਦਿਨੀਂ ਕਾਫੀ ਸੁਰਖੀਆਂ ‘ਚ ਹਨ। ਕੁਚੈਲਾ ‘ਚ ਪ੍ਰਫਾਰਮ ਕਰਨ ਤੋਂ ਲੈ ਕੇ Instagram ਵਲੋਂ ਫੋਲੋ ਕੀਤੇ ਜਾਣ ਤੱਕ ਦਿਲਜੀਤ ਨੇ ਕਈ ਕਾਰਨਾਂ ਨਾਲ ਲਾਈਮਲਾਈਟ ਹਾਸਲ ਕੀਤੀ। ਤੇ ਹੁਣ ਦਿਲਜੀਤ ਸੁਰਖੀਆਂ ‘ਚ ਆਇਆ ਹੈ ਆਪਣੀ ਆਉਣ ਵਾਲੀ ਫਿਲਮ ਜੋੜੀ ਦੇ ਇੱਕ ਹੋਰ ਗਾਣੇ ਕਰਕੇ।
ਦੱਸ ਦਈਏ ਕਿ ਦਿਲਜੀਤ ਨੇ ਨਿਮਰਤ ਕੌਰ ਨਾਲ ਆਪਣੀ ਆਉਣ ਵਾਲੀ ਫਿਲਮ ਦਾ ਟਾਈਟਲ ਟ੍ਰੈਕ ‘ਟਕੂਏ ਚਲਾਉਣਾ ਨੀ ਮੈਂ ਜਾਣਦਾ’ ਨਾਲ ਫੈਨਸ ਨੂੰ ਐਕਸਾਈਟ ਕਰਦੇ ਨਜ਼ਰ ਆਏ ਹਨ। ਦੱਸ ਦਈਏ ਕਿ ਦੋਵਾਂ ਦੀ ਇਸ ਫਿਲਮ ਦੇ ਇਸ ਤੋਂ ਪਹਿਲਾਂ ਵੀ ਕੁਝ ਗਾਣੇ ਰਿਲੀਜ਼ ਹੋ ਚੁੱਕੇ ਹਨ। ਜਿਨ੍ਹਾਂ ਨੂੰ ਲੋਕਾਂ ਵਲੋਂ ਭਰਵਾਂ ਹੁੰਗਾਰਾ ਮਿਲਿਆ।
ਰਿਲੀਜ਼ ਹੋਇਆ ਨਵਾਂ ਗਾਣਾ ‘ਟਕੂਏ ਚਲਾਉਣਾ ਨੀ ਮੈਂ ਜਾਣਦਾ’ ਵੀ ਜਿਗਰਾ ਤੇ ਲਾਇਜਾ ਗਬਰੂਆ ਵਰਗਾ ਇੱਕ ਡੁਏਟ ਟ੍ਰੈਕ ਹੈ। ਨਵੇਂ ਗੀਤ ਵਿੱਚ ਦਿਲਜੀਤ ਤੇ ਨਿਮਰਤ ਦੀ ਰੋਮਾਂਟਿਕ ਕੈਮਿਸਟਰੀ ਦਿਖਾਈ ਗਈ ਹੈ। ਪੂਰੇ ਗੀਤ ਦਾ ਆਨੰਦ ਲੈਣ ਤੋਂ ਬਾਅਦ, ‘ਟਕੂਏ ਚਲਾਉਣਾ ਨੀ ਮੈਂ ਜਾਣਦਾ’ ਦੇ ਅੰਤ ਵਿੱਚ, ਫੈਨਸ ਦਿਲਜੀਤ ਲਈ ਨਿਰਮਤ ਦੇ ਪਿਆਰ ਦੇ ਗਵਾਹ ਹੋਣਗੇ। ਇਹ ਦ੍ਰਿਸ਼ ਸੱਚਮੁੱਚ ਦਿਲਾਂ ਨੂੰ ਛੂਹ ਲੈਂਦਾ ਹੈ। ਇਹ ਇੱਕ ਮਜ਼ੇਦਾਰ ਨੰਬਰ ਹੈ ਅਤੇ ਇਸ ਵਿੱਚ ਦਿਲਚਸਪ ਬੀਟਸ ਹਨ।
ਟਕੂਏ ਚਲਾਉਣਾ ਨੀ ਮੈਂ ਜਾਣਦਾ ਦੇ ਕ੍ਰੈਡਿਟ ਦੀ ਗੱਲ ਕਰੀਏ ਤਾਂ ਇਸ ਦੇ ਬੋਲ ਹੈਪੀ ਰਾਏਕੋਟੀ ਨੇ ਲਿਖੇ ਹਨ ਜਦਕਿ ਮਿਊਜ਼ਿਕ ਟਰੂ ਸਕੂਲ ਨੇ ਦਿੱਤਾ ਹੈ। ਦੋਵਾਂ ਨੇ ਸੱਚਮੁੱਚ ਇੱਕ ਸ਼ਾਨਦਾਰ ਹਿੱਟ ਦਿੱਤਾ ਹੈ ਜਿਸ ਨੂੰ ਦਿਲਜੀਤ ਦੋਸਾਂਝ ਅਤੇ ਨਿਮਰਤ ਖਹਿਰਾ ਨੇ ਗਾਇਆ ਹੈ।
ਫੈਨਸ ਜੋੜੀ ਦੇ ਜਲਦ ਰਿਲੀਜ਼ ਹੋਣ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਟ੍ਰੇਲਰ ਹੋਵੇ ਜਾਂ ਗੀਤ, ਸਭ ਕੁਝ ਸਾਨੂੰ ਸਿਨੇਮਾਘਰਾਂ ‘ਚ ਜਲਦ ਹੀ ਫਿਲਮ ਦੇਖਣ ਲਈ ਮਜਬੂਰ ਕਰ ਰਿਹਾ ਹੈ।
ਜੋੜੀ ਅੰਬਰਦੀਪ ਸਿੰਘ ਨੇ ਲਿਖੀ ਤੇ ਨਿਰਦੇਸ਼ਿਤ ਕੀਤੀ ਗਈ ਹੈ ਅਤੇ ਦਲਜੀਤ ਥਿੰਦ ਅਤੇ ਕਾਰਜ ਗਿੱਲ ਵਲੋਂ ਨਿਰਮਿਤ ਹੈ। ਇਹ ਫਿਲਮ ਥਿੰਦ ਮੋਸ਼ਨ ਫਿਲਮਜ਼ ਅਤੇ ਰਿਦਮ ਬੁਆਏਜ਼ ਐਂਟਰਟੇਨਮੈਂਟ ਦੇ ਬੈਨਰ ਹੇਠ 5 ਮਈ, 2023 ਨੂੰ ਰਿਲੀਜ਼ ਹੋਵੇਗੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
