ਨੀਦਰਲੈਂਡ ਦੇ ਰੋਟਰਡਮ ’ਚ ਇਕ ਪਿੰਡ ’ਚ ਇਕ ਟਰੱਕ ਦੇ ਡੈਮ ਤੋਂ ਫਿਸਲ ਕੇ ਕਮਿਊਨਿਟੀ ਬਾਰਬੀਕਿਊ ਨਾਲ ਟਕਰਾਉਣ ਕਾਰਨ ਹੋਏ ਹਾਦਸੇ ’ਚ ਮਰਨ ਵਾਲਿਆਂ ਦੀ ਗਿਣਤੀ ਐਤਵਾਰ ਨੂੰ ਵਧ ਕੇ 6 ਹੋ ਗਈ। ਪੁਲਸ ਨੇ ਇਹ ਜਾਣਕਾਰੀ ਦਿੱਤੀ। ਪੁਲਸ ਮੁਤਾਬਕ ਇਸ ਹਾਦਸੇ ’ਚ ਜ਼ਖ਼ਮੀ ਹੋਏ 7 ਲੋਕ ਹਸਪਤਾਲ ’ਚ ਦਾਖ਼ਲ ਹਨ, ਜਿਨ੍ਹਾਂ ’ਚੋਂ ਇਕ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ। ਪੁਲਸ ਅਨੁਸਾਰ ਮ੍ਰਿਤਕਾਂ ’ਚ ਤਿੰਨ ਮਰਦ ਅਤੇ ਤਿੰਨ ਔਰਤਾਂ ਸ਼ਾਮਲ ਹਨ, ਜਿਨ੍ਹਾਂ ਦੀ ਉਮਰ 28 ਤੋਂ 75 ਸਾਲ ਦੇ ਵਿਚਕਾਰ ਦੱਸੀ ਜਾ ਰਹੀ ਹੈ। ਪੁਲਸ ਦੇ ਬੁਲਾਰੇ ਮਿਰਜਾਮ ਬੋਅਰਜ਼ ਨੇ ਦੱਸਿਆ ਕਿ 46 ਸਾਲਾ ਟਰੱਕ ਡਰਾਈਵਰ ਮੂਲ ਰੂਪ ’ਚ ਸਪੇਨ ਦਾ ਰਹਿਣ ਵਾਲਾ ਹੈ।
ਇਹ ਵੀ ਪੜ੍ਹੋ- ਪਹਿਲੇ ਪ੍ਰਕਾਸ਼ ਪੁਰਬ ਮੌਕੇ CM ਮਾਨ ਪਤਨੀ ਨਾਲ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਹੋਏ ਨਤਮਸਤਕ (ਵੀਡੀਓ)
ਪੁਲਸ ਮੁਤਾਬਕ ਇਹ ਹਾਦਸਾ ਸ਼ਨੀਵਾਰ ਸ਼ਾਮ ਨੂੰ ਨੀਉਵ-ਬੀਜਰਲੈਂਡ ਪਿੰਡ ’ਚ ਵਾਪਰਿਆ। ਨੀਦਰਲੈਂਡ ਦੇ ਨਿੱਜਤਾ ਦੇ ਕਾਨੂੰਨ ਤਹਿਤ ਟਰੱਕ ਡਰਾਈਵਰ ਦੀ ਪਛਾਣ ਦਾ ਖ਼ੁਲਾਸਾ ਨਹੀਂ ਕੀਤਾ ਗਿਆ ਹੈ। ਬੋਅਰਜ਼ ਨੇ ਕਿਹਾ ਕਿ ਹਾਦਸੇ ਦੇ ਸਮੇਂ ਡਰਾਈਵਰ ਨੇ ਸ਼ਰਾਬ ਨਹੀਂ ਪੀਤੀ ਸੀ। ਤੇਜ਼ ਰਫ਼ਤਾਰ ਟਰੱਕ ਬੰਨ੍ਹ ਤੋਂ ਫਿਸਲ ਕੇ ਪਿੰਡ ’ਚ ਲੋਕਾਂ ਦੀ ਭੀੜ ’ਚ ਜਾ ਵੜਿਆ।
