ਸੋਸ਼ਲ ਮੀਡੀਆ ਅੱਜ ਦੇ ਯੁੱਗ ਦਾ ਸਭ ਤੋਂ ਵੱਡਾ ਤੇ ਤਾਕਤਵਰ ਪਲੈਟਫਾਰਮ ਹੈ। ਸ਼ਾਇਦ ਇਹ ਹੀ ਕਾਰਨ ਹੈ ਕਿ ਇਸ ‘ਤੇ ਤੁਹਾਨੂੰ ਹਰ ਤਰ੍ਹਾਂ ਦੀ ਵੀਡੀਓ ਦੇਖਣ ਨੂੰ ਮਿਲ ਜਾਂਵੇਗੀ। ਕੁਝ ਵੀਡੀਓਜ਼ ਤਾਂ ਅਜਿਹੀਆਂ ਹੁੰਦੀਆਂ ਹਨ ਜੋ ਲੋਕਾਂ ਦੇ ਮੰਨ ‘ਚ ਘਰ ਕਰ ਜਾਉਂਦੀਆਂ ਹਨ।
ਅਜਿਹੀ ਹੀ ਇਕ ਵੀਡੀਓ ਸੋਸ਼ਮ ਮੀਡੀਆ ‘ਤੇ ਇਸ ਸਮੇਂ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ ਜਿਸ ‘ਚ ਇਕ ਛੋਟਾ ਸਰਦਾਰ ਬੱਚਾ ਤੇ ਇਕ ਵਿਦੇਸ਼ੀ ਵਿਅਕਤੀ ਇੱਕਠੇ ਜਪੁਜੀ ਸਾਹਿਬ ਦਾ ਪਾਠ ਸੁਣਾ ਰਹੇ ਹਨ। ਬੱਚੇ ਦੇ ਨਾਲ-ਨਾਲ ਇਹ ਵਿਦੇਸ਼ੀ ਵਿਅਕਤੀ ਵੀ ਜਪੁਜੀ ਸਾਹਿਬ ਦਾ ਪਾਠ ਬੜ੍ਹੇ ਸਾਫ ਤੇ ਸਪੱਸ਼ਟ ਸ਼ਬਦਾਂ ‘ਚ ਕਰ ਰਿਹਾ ਹੈ ਜਿਸਨੂੰ ਦੇਖ ਤੇ ਦੋਹਾ ਦੀ ਆਵਾਜ਼ ਸੁਣ ਇਕ ਪਾਸੇ ਤੁਹਾਨੂੰ ਹੈਰਾਨੀ ਵੀ ਹੋਵੇਗੀ ਤੇ ਖੁਸ਼ੀ ਵੀ, ਦੋਹਾਂ ਦੀ ਜੁਗਲਬੰਦੀ ਤੁਹਾਡਾ ਮੰਨ ਮੌਹ ਲਵੇਗੀ।
ਇਹ ਵੀ ਪੜ੍ਹੋ- ਇਹ ਮੁਸਲਿਮ ਵੀਰ ਸੱਜਿਆ ਸਿੰਘ, ਹੈਪੀ ਖਾਨ ਤੋਂ ਕਰਮਜੀਤ ਸਿੰਘ ਖਾਲਸਾ ਬਣਨ ਦੀ ਇਹ ਹੈ ਪੂਰੀ ਕਹਾਣੀ (ਵੀਡੀਓ)
ਦੱਸ ਦੇਈਏ ਇਸ ਵੀਡੀਓ ‘ਚ ਜੋ ਵਿਦੇਸ਼ੀ ਵਿਅਕਤੀ ਜਪੁਜੀ ਸਾਹਿਬ ਦਾ ਜਾਪ ਇੰਨੀ ਬਖੂਬੀ ਨਾਲ ਕਰ ਰਿਹਾ ਹੈ ਉਸ ਦਾ ਨਾਂ ਗੈਰੀ ਹੈ ਤੇ ਇਹ ਸਾਬਕਾ ਰਾਇਨ ਮਰੀਨ ਕਮਾਂਡੋ ਹੈ। ਉਹ ਪਿੱਛਲੇ ਦੋ ਸਾਲਾਂ ਤੋਂ ਲਗਾਤਾਰ ਅੰਮਿਤ ਵੇਲੇ ਉੱਠ ਕੇ ਜਪੁਜੀ ਸਾਹਿਬ ਦਾ ਪਾਠ ਕਰ ਰਹੇ ਹਨ ਤੇ ਦਿੱਲ ਤੋਂ ਜਪੁਜੀ ਸਾਹਿਬ ਦਾ ਪਾਠ ਕਰਨ ਕਾਰਨ ਹੁਣ ਉਨ੍ਹਾਂ ਨੂੰ ਜਪੁਜੀ ਸਾਹਿਬ ਦਾ ਪਾਠ ਕੰਠ ਹੋ ਗਿਆ ਹੈ।
ਗੈਰੀ ਵੱਲੋਂ ਬੀਤੇ ਦਿਨੀਂ ਹੀ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤਾ ਗਿਆ ਸੀ। ਦੱਸ ਦੇਈਏ ਕਿ ਇਹ ਵੀਡੀਓ ਇਕ ਸਮਾਗਮ ਦਾ ਹੈ ਜਿਥੇ ਕਿ ਗੈਰੀ ਬੱਚਿਆਂ ਨੂੰ ਸਿਖਲਾਈ ਦੇਣ ਲਈ ਪਹੁੰਚੇ ਸਨ। ਉਹ , ਪਰਿਵਾਰਾਂ ਅਤੇ ਬੱਚਿਆਂ ਨੂੰ ਜੈਵਿਕ ਖੇਤੀ ਅਤੇ ਜ਼ਮੀਨ ਤੋਂ ਬਾਹਰ ਰਹਿਣ ਦੀ ਮਹੱਤਤਾ ਅਤੇ ਮਾਰਸ਼ਲ ਆਰਟਸ ਸਵੈ-ਰੱਖਿਆ ਵਰਗੀਆਂ ਹੋਰ ਗਤੀਵਿਧੀਆਂ ਵੀ ਸਿਖਾਉਂਦੇ ਹਨ।
