Nawazuddin Siddiqui: ਬਾਲੀਵੁੱਡ ਐਕਟਰ ਨਵਾਜ਼ੂਦੀਨ ਸਿੱਦੀਕੀ ਦੀ ਦੂਜੀ ਪਤਨੀ ਜ਼ੈਨਬ ਖਿਲਾਫ ਪੁਲਿਸ ਨੇ ਐਫਆਈਆਰ ਦਰਜ ਕੀਤੀ ਹੈ। ਵਰਸੋਵਾ ਪੁਲਿਸ ਨੇ ਜ਼ੈਨਬ ਨੂੰ ਵੀ ਇਸ ਮਾਮਲੇ ‘ਚ ਪੁੱਛਗਿੱਛ ਲਈ ਬੁਲਾਇਆ ਹੈ। ਜਾਣਕਾਰੀ ਮੁਤਾਬਕ ਨਵਾਜ਼ੂਦੀਨ ਦੀ ਮਾਂ ਨੇ ਜ਼ੈਨਬ ਖਿਲਾਫ ਮਾਮਲਾ ਦਰਜ ਕਰਵਾਇਆ ਹੈ।
ਜਾਣਕਾਰੀ ਮੁਤਾਬਕ ਨਵਾਜ਼ੂਦੀਨ ਦੀ ਮਾਂ ਮੇਰੁਨਿਸਾ ਸਿੱਦੀਕੀ ਨੇ ਐਕਟਰ ਦੀ ਪਤਨੀ ਜ਼ੈਨਬ ਖਿਲਾਫ ਐੱਫਆਈਆਰ ਕਰਵਾਈ ਹੈ। ਜਿਸ ਤੋਂ ਬਾਅਦ ਵਰਸੋਵਾ ਪੁਲਿਸ ਨੇ ਉਸ ਨੂੰ ਪੁੱਛਗਿੱਛ ਲਈ ਬੁਲਾਇਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਨਵਾਜ਼ੂਦੀਨ ਦੀ ਮਾਂ ਨਾਲ ਜ਼ੈਨਬ ਦਾ ਝਗੜਾ ਹੋਇਆ ਸੀ।
ਵਰਸੋਵਾ ਪੁਲਿਸ ਮੁਤਾਬਕ ਨਵਾਜ਼ੂਦੀਨ, ਨਵਾਜ਼ੂਦੀਨ ਦੀ ਮਾਂ ਅਤੇ ਜ਼ੈਨਬ ਉਰਫ ਆਲੀਆ ਵਿਚਾਲੇ ਜਾਇਦਾਦ ਦਾ ਵਿਵਾਦ ਚੱਲ ਰਿਹਾ ਹੈ। ਆਈਪੀਸੀ ਦੀਆਂ ਧਾਰਾਵਾਂ 452, 323, 504 ਅਤੇ 506 ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ। ਜ਼ੈਨਬ ਨਵਾਜ਼ੂਦੀਨ ਦੀ ਦੂਜੀ ਪਤਨੀ ਹੈ।
2010 ਵਿੱਚ ਹੋਇਆ ਸੀ ਨਵਾਜ਼ੂਦੀਨ ਤੇ ਆਲੀਆ ਦਾ ਵਿਆਹ
ਨਵਾਜ਼ੂਦੀਨ ਤੇ ਆਲੀਆ ਦਾ ਵਿਆਹ 2010 ਵਿੱਚ ਹੋਇਆ ਸੀ ਅਤੇ ਦੋਵਾਂ ਦੇ ਦੋ ਬੱਚੇ ਹਨ। ਆਲੀਆ ਨੇ ਮਈ 2020 ਵਿੱਚ ਅਦਾਕਾਰ ਤੋਂ ਤਲਾਕ ਲਈ ਅਰਜ਼ੀ ਦਿੱਤੀ ਸੀ ਤੇ ਉਸ ‘ਤੇ ਗੰਭੀਰ ਦੋਸ਼ ਵੀ ਲਾਏ ਸੀ।
ਜੁਲਾਈ 2020 ਵਿੱਚ, ਆਲੀਆ ਨੇ ਮੁੰਬਈ ਦੇ ਇੱਕ ਪੁਲਿਸ ਸਟੇਸ਼ਨ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਸੀ। ਫਿਰ ਉਹ ਉਸ ਸਾਲ ਸਤੰਬਰ ਵਿੱਚ ਐਕਟਰ ਅਤੇ ਉਸਦੇ ਪਰਿਵਾਰਕ ਮੈਂਬਰਾਂ ਦੇ ਖਿਲਾਫ ਘਰੇਲੂ ਹਿੰਸਾ ਦੇ ਦੋਸ਼ ਵਿੱਚ ਆਪਣਾ ਬਿਆਨ ਦਰਜ ਕਰਨ ਲਈ ਮੁੰਬਈ ਤੋਂ ਬੁਢਾਨਾ, ਮੁਜ਼ੱਫਰਨਗਰ ਆਈ ਸੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
