Adnan Sami on Pakistan: ਸਿਗੰਰ ਤੇ ਮਿਊਜ਼ਿਸ਼ੀਅਨ ਅਦਨਾਨ ਸਾਮੀ ਨੇ ਸਾਲ 2016 ਵਿੱਚ ਭਾਰਤੀ ਨਾਗਰਿਕਤਾ ਹਾਸਲ ਕੀਤੀ। ਅਦਨਾਨ ਨੇ ਪਾਕਿਸਤਾਨੀ ਪ੍ਰਸ਼ਾਸਨ ਤੋਂ ਨਾਰਾਜ਼ ਹੋ ਕੇ ਇਹ ਫੈਸਲਾ ਲਿਆ ਸੀ। ਹੁਣ ਅਦਨਾਨ ਭਾਰਤੀ ਨਾਗਰਿਕ ਹੈ। ਅਦਨਾਨ ਸਾਮੀ ਨੇ ਹਾਲ ਹੀ ‘ਚ ਆਪਣੇ ਟਵਿਟਰ ‘ਤੇ ਪਾਕਿਸਤਾਨੀ ਪ੍ਰਸ਼ਾਸਨ ਦੀਆਂ ਕਮੀਆਂ ਨੂੰ ਉਜਾਗਰ ਕਰਦੇ ਹੋਏ ਪਾਕਿਸਤਾਨ ਛੱਡਣ ਦਾ ਕਾਰਨ ਦੱਸਿਆ ਹੈ।
‘ਤੇਰਾ ਚੇਹਰਾ’ ਫੇਮ ਸਿੰਗਰ ਨੇ ਆਪਣੇ ਨੋਟ ‘ਚ ਖੁਲਾਸਾ ਕੀਤਾ ਹੈ ਕਿ ਪਾਕਿਸਤਾਨੀ ਸਰਕਾਰ ਨੇ ਸਾਲਾਂ ਤੱਕ ਉਸ ਨਾਲ ਜਿਸ ਤਰ੍ਹਾਂ ਦਾ ਸਲੂਕ ਕੀਤਾ, ਉਹ ਉਸ ਦੇ ਦੇਸ਼ ਛੱਡਣ ਦਾ ਵੱਡਾ ਕਾਰਨ ਸੀ। ਉਨ੍ਹਾਂ ਨੇ ਅੱਗੇ ਲਿਖਿਆ ਕਿ ਉਹ ਜਲਦੀ ਹੀ ਇਸ ਬਾਰੇ ਵੱਡੇ ਖੁਲਾਸੇ ਕਰਨ ਜਾ ਰਹੇ ਹਨ ਜੋ ਲੋਕਾਂ ਨੂੰ ਹੈਰਾਨ ਕਰ ਦਵੇਗਾ।
ਅਦਨਾਨ ਨੇ ਟਵੀਟ ਕਰਕੇ ਪਾਕਿਸਤਾਨੀ ਅਧਿਕਾਰੀਆਂ ‘ਤੇ ਆਪਣਾ ਗੁੱਸਾ ਜ਼ਾਹਰ ਕੀਤਾ ਹੈ। ਟਵਿੱਟਰ ‘ਤੇ ਇੱਕ ਲੰਬਾ ਨੋਟ ਲਿਖਦਿਆਂ ਅਦਨਾਨ ਨੇ ਕਿਹਾ ਕਿ ਉਹ ਜਲਦੀ ਹੀ ਇਸ ਬਾਰੇ ਪੂਰੀ ਸੱਚਾਈ ਦਾ ਖੁਲਾਸਾ ਕਰੇਗਾ ਕਿ ਕਿਸ ਤਰ੍ਹਾਂ ਲੰਬੇ ਸਮੇਂ ਤੋਂ ਉਥੇ ਉਸ ਨਾਲ ਬਦਸਲੂਕੀ ਕੀਤੀ ਗਈ, ਜੋ ਉਸ ਦੇ ਪਾਕਿਸਤਾਨ ਛੱਡਣ ਦਾ ਇੱਕ ਵੱਡਾ ਕਾਰਨ ਬਣਿਆ।
ਅਦਨਾਨ ਸਾਮੀ ਨੇ 14 ਨਵੰਬਰ ਨੂੰ ਆਪਣੇ ਟਵਿੱਟਰ ਹੈਂਡਲ ‘ਤੇ ਲਿਖਿਆ- “ਬਹੁਤ ਸਾਰੇ ਲੋਕ ਮੈਨੂੰ ਪੁੱਛਦੇ ਹਨ ਕਿ ਮੈਨੂੰ ਪਾਕਿਸਤਾਨ ਪ੍ਰਤੀ ਇੰਨੀ ਨਫ਼ਰਤ ਕਿਉਂ ਹੈ। ਕੌੜੀ ਸਚਾਈ ਇਹ ਹੈ ਕਿ ਮੇਰੇ ਨਾਲ ਪਾਕਿਸਤਾਨ ਦੇ ਲੋਕਾਂ ਦਾ ਭਲਾ ਕਰਨ ਵਾਲੇ ਲੋਕਾਂ ਪ੍ਰਤੀ ਮੈਨੂੰ ਕੋਈ ਨਫ਼ਰਤ ਨਹੀਂ। ਮੈਂ ਹਰ ਉਸ ਵਿਅਕਤੀ ਨੂੰ ਪਿਆਰ ਕਰਦਾ ਹਾਂ ਜੋ ਮੈਨੂੰ ਪਿਆਰ ਕਰਦਾ ਹੈ – ਗੱਲ ਖ਼ਤਮ।”
— Adnan Sami (@AdnanSamiLive) November 14, 2022
ਉਸ ਨੇ ਅੱਗੇ ਕਿਹਾ, “ਅਸਲ ‘ਚ ਮੈਨੂੰ ਉਥੋਂ ਦੀਆਂ ਸੰਸਥਾਵਾਂ ਨਾਲ ਸਮੱਸਿਆ ਹੈ। ਜੋ ਲੋਕ ਮੈਨੂੰ ਸੱਚਮੁੱਚ ਜਾਣਦੇ ਹਨ, ਉਨ੍ਹਾਂ ਨੂੰ ਇਹ ਵੀ ਪਤਾ ਹੋਵੇਗਾ ਕਿ ਉਸ ਸੰਸਥਾ ਨੇ ਕਈ ਸਾਲਾਂ ਤੱਕ ਮੇਰੇ ਨਾਲ ਕੀ ਕੀਤਾ ਜਿਸ ਕਾਰਨ ਮੈਂ ਪਾਕਿਸਤਾਨ ਛੱਡ ਦਿੱਤਾ। ਸਾਮੀ ਨੇ ਅੱਗੇ ਕਿਹਾ- “ਇੱਕ ਦਿਨ ਜਲਦੀ ਹੀ ਮੈਂ ਇਸ ਸੱਚਾਈ ਦਾ ਪਰਦਾਫਾਸ਼ ਕਰਾਂਗਾ ਕਿ ਉਨ੍ਹਾਂ ਨੇ ਮੇਰੇ ਨਾਲ ਕਿਵੇਂ ਦਾ ਵਿਵਹਾਰ ਕੀਤਾ, ਜਿਸ ਬਾਰੇ ਬਹੁਤ ਸਾਰੇ ਲੋਕ ਨਹੀਂ ਜਾਣਦੇ। ਇਹ ਸੱਚਾਈ ਲੋਕਾਂ ਨੂੰ ਹੈਰਾਨ ਕਰ ਦੇਵੇਗੀ। ਮੈਂ ਕਈ ਸਾਲਾਂ ਤੋਂ ਇਸ ਸਭ ਬਾਰੇ ਚੁੱਪ ਹਾਂ ਪਰ ਦੁਨੀਆ ਨੂੰ ਦੱਸਣ ਲਈ ਸਹੀ ਸਮਾਂ ਚੁਣਾਂਗਾ।”
ਕ੍ਰਿਕਟ ਮੈਚ ਨੂੰ ਲੈ ਕੇ ਸ਼ੁਰੂ ਹੋਇਆ ਹੰਗਾਮਾ :
ਦਰਅਸਲ ਟੀ-20 ਵਿਸ਼ਵ ਕੱਪ ਦੇ ਫਾਈਨਲ ਮੈਚ ‘ਚ ਇੰਗਲੈਂਡ ਨੇ ਪਾਕਿਸਤਾਨ ਨੂੰ ਹਰਾ ਕੇ ਜਿੱਤ ਦਰਜ ਕੀਤੀ ਹੈ। ਇਸ ਬਾਰੇ ਅਦਨਾਨ ਸਾਮੀ ਨੇ ਟਵੀਟ ਕੀਤਾ ਹੈ। ਅਦਨਾਨ ਨੇ ਲਿਖਿਆ, ‘ਬਿਹਤਰ ਟੀਮ ਦੀ ਜਿੱਤ, ਇੰਗਲੈਂਡ ਨੂੰ ਵਧਾਈ। ਇਹ ਸਿਰਫ਼ ਇੱਕ ਖੇਡ ਹੈ, ਦੂਜਿਆਂ ਦੀ ਹਾਰ ਲਈ ਬਿਆਨਬਾਜ਼ੀ ਕਰਨ ਵਾਲਿਆਂ ਲਈ ਇਹ ਸਬਕ ਹੈ।’ ਇਸ ਦੇ ਨਾਲ ਹੀ ਅਦਨਾਨ ਨੇ ਬੱਪੀ ਲਹਿਰੀ ਦੇ ਗੀਤ ਦਾ ਕਲਿੱਪ ਵੀ ਸਾਂਝਾ ਕੀਤਾ ਹੈ।
