MS Dhoni Production: ਟੀਮ ਇੰਡੀਆ ਦੇ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ (ਐੱਮ. ਐੱਸ. ਧੋਨੀ) ਕ੍ਰਿਕਟ ‘ਚ ਸਫਲ ਪਾਰੀ ਖੇਡਣ ਤੋਂ ਬਾਅਦ ਹੁਣ ਫਿਲਮ ਨਿਰਮਾਣ ਵੱਲ ਵਧ ਰਹੇ ਹਨ। ਧੋਨੀ ਨੇ ਆਪਣੀ ਪਹਿਲੀ ਤਾਮਿਲ ਫਿਲਮ LGM- ‘Let’s Get Married’ ਦਾ ਐਲਾਨ ਕੀਤਾ ਹੈ। ਇਸ ਕਾਰਨ ਧੋਨੀ ਦੇ ਪ੍ਰਸ਼ੰਸਕਾਂ ‘ਚ ਖੁਸ਼ੀ ਦੀ ਲਹਿਰ ਹੈ। ਪ੍ਰਸ਼ੰਸਕਾਂ ਨੇ ਉਸ ਦੇ ਨਵੇਂ ਤਮਿਲ ਉੱਦਮ ਲਈ ਉਸ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ ਹਨ। ਕ੍ਰਿਕਟਰ ਤੋਂ ਨਿਰਮਾਤਾ ਬਣੇ ਨੇ ਸ਼ੁੱਕਰਵਾਰ ਨੂੰ ਮੋਸ਼ਨ ਪੋਸਟਰ ਰਿਲੀਜ਼ ਕਰਦੇ ਹੋਏ ਫਿਲਮ ਦੇ ਟਾਈਟਲ ਅਤੇ ਕਾਸਟ ਦਾ ਐਲਾਨ ਕੀਤਾ।
ਧੋਨੀ ਐਂਟਰਟੇਨਮੈਂਟ ਪ੍ਰਾਇਵੇਟ ਲਿਮਿਟੇਡ(Dhoni Entertainment Pvt Ltd) ਦੇ ਅਧੀਨ ਬਣੀ ਉਸਦੀ ਪਹਿਲੀ ਤਾਮਿਲ ਫਿਲਮ ਦਾ ਨਾਂ ‘ਐਲਐਸਜੀ: ਲੈਟਸ ਗੇਟ ਮੈਰਿਡ’ (LSG: Lets Get Married) ਹੈ। ਇਸ ਫਿਲਮ ‘ਚ ਨਾਦੀਆ, ਹਰੀਸ਼ ਕਲਿਆਣ, ਇਵਾਨਾ ਅਤੇ ਯੋਗੀ ਬਾਬੂ ਖਾਸ ਭੂਮਿਕਾਵਾਂ ‘ਚ ਨਜ਼ਰ ਆਉਣਗੇ।
We're super excited to share, Dhoni Entertainment's first production titled #LGM – #LetsGetMarried!
Title look motion poster out now! @msdhoni @SaakshiSRawat @iamharishkalyan @i__ivana_ @HasijaVikas @Ramesharchi @o_viswajith @PradeepERagav pic.twitter.com/uG43T0dIfl
— Dhoni Entertainment Pvt Ltd (@DhoniLtd) January 27, 2023
ਧੋਨੀ ਦੀ ਪਹਿਲੀ ਤਾਮਿਲ ਫਿਲਮ ਹੈ
ਇਸ ਫਿਲਮ ਦਾ ਮੋਸ਼ਨ ਪੋਸਟਰ ਐਨੀਮੇਸ਼ਨ ਤੋਂ ਬਣਾਇਆ ਗਿਆ ਹੈ। ਧੋਨੀ ਐਂਟਰਟੇਨਮੈਂਟ ਦੇ ਤਹਿਤ ਬਣਾਈ ਗਈ ਇਸ ਫਿਲਮ ਦਾ ਨਿਰਦੇਸ਼ਨ ਰਮੇਸ਼ ਥਮਿਲਮਨੀ ਨੇ ਕੀਤਾ ਹੈ। ਇਹ ਵੀ ਰਮੇਸ਼ ਦੀ ਪਹਿਲੀ ਫਿਲਮ ਹੈ। ਇਸ ਫਿਲਮ ਦੀ ਨਿਰਮਾਤਾ ਧੋਨੀ ਦੀ ਪਤਨੀ ਸਾਕਸ਼ੀ ਸਿੰਘ ਧੋਨੀ ਹੈ। ਦੱਸਿਆ ਗਿਆ ਹੈ ਕਿ ਧੋਨੀ ਨੇ ਬਹੁਤ ਘੱਟ ਬਜਟ ਨਾਲ ਫਿਲਮ ਬਣਾਉਣਾ ਸ਼ੁਰੂ ਕੀਤਾ ਸੀ।
ਅਪਡੇਟ ਨੂੰ ਸਾਂਝਾ ਕਰਦੇ ਹੋਏ, ਐਮਐਸ ਧੋਨੀ ਦੀ ਟੀਮ ਨੇ ‘ਲੈਟਸ ਗੇਟ ਮੈਰਿਡ’ ਦਾ ਐਨੀਮੇਟਡ ਮੋਸ਼ਨ ਪੋਸਟਰ ਵੀ ਜਾਰੀ ਕੀਤਾ। ਪੋਸਟਰ ਦੀ ਸ਼ੁਰੂਆਤ ਜੰਗਲ ਦੀ ਸੜਕ ‘ਤੇ ਕਾਫ਼ਲੇ ਨਾਲ ਹੁੰਦੀ ਹੈ, ਜਿਸ ਤੋਂ ਫ਼ਿਲਮ ਦੀ ਕਾਸਟ ਦੀ ਝਲਕ ਵੀ ਮਿਲਦੀ ਹੈ। ਇਸ ਦੌਰਾਨ ਫਿਲਮ ਦੀ ਸਟਾਰ ਕਾਸਟ ਦੀ ਸੂਚੀ ਆਉਂਦੀ ਹੈ, ਜਿਸ ਵਿੱਚ ਹਰੀਸ਼ ਕਲਿਆਣ, ਇਵਾਨਾ, ਨਾਦੀਆ ਅਤੇ ਯੋਗੀ ਬਾਬੂ ਬਾਰੇ ਜਾਣਕਾਰੀ ਦਿੱਤੀ ਗਈ ਹੈ। ਉਮੀਦ ਹੈ ਕਿ ਯੋਗੀ ਬਾਬੂ ਦੀ ਮੌਜੂਦਗੀ ਐਮਡੀਐਸ ਦੀ ਪਹਿਲੀ ਫਿਲਮ ਨੂੰ ਮਜ਼ੇਦਾਰ ਬਣਾ ਦੇਵੇਗੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
