ਅਕਾਲੀ ਲੀਡਰ ਬੰਟੀ ਰੋਮਾਣਾ ਦੀ ਗ੍ਰਿਫਤਾਰੀ ਤੋਂ ਬਾਅਦ ਗਾਇਕ ਕੰਵਰ ਗਰੇਵਾਲ ਸੋਸ਼ਲ ਮੀਡੀਆ ‘ਤੇ ਲਾਈਵ ਹੋਏ ਉਨ੍ਹਾਂ ਨੇ ਵਾਇਰਲ ਵੀਡੀਓ ਬਾਰੇ ਸਪੱਸ਼ਟੀਕਰਨ ਦਿੱਤਾ ਹੈ।ਉਨ੍ਹਾਂ ਕਿਹਾ ਕਿ ਮੇਰੇ ਇੱਕ ਸ਼ੋਅ ਦੌਰਾਨ ਸਟੇਜ ਦੀ ਫੋਟੋ ਲੈ ਕੇ ਮੈਂ ਖੜ੍ਹਾ ਗਾ ਰਿਹਾ ਤੇ ਮੇਰੀ ਅਵਾਜ਼ ਦੇ ਪਿੱਛੇ ਕਿਸੇ ਨੇ ਅਵਾਜ਼ ਭਰ ਦਿੱਤੀ ਜੋ ਕਿ ਮਾੜੀ ਹਰਕਤ ਹੈ।
ਸੋਸ਼ਲ ਮੀਡੀਆ ਪਿਆਰ ਵੰਡਣ ਦਾ ਜ਼ਰੀਆ ਹੈ।ਉਨ੍ਹਾਂ ਕਿਹਾ ਕਿ ਸੋਹਣੇ ਮੁਲਕ ਪੰਜਾਬ ਦੇ ਅਸੀਂ ਸਾਰੇ ਰਲ ਮਿਲ ਕੇ ਸਹਿਯੋਗ ਦੇਈਏ।ਮਾੜੇ ਕੰਮ ਨਾ ਕਰੋ, ਕਦੇ ਕਿਸੇ ਦਾ ਦਿਲ ਨਾ ਦੁਖਾਓ।ਉਨ੍ਹਾਂ ਕਿਹਾ ਕਿ ਅਜਿਹੇ ਕੰਮ ਨਾ ਕਰੋ ਸਾਫ ਪਤਾ ਲੱਗ ਰਿਹਾ ਹੈ ਕਿ ਉਹ ਮੇਰੀ ਵੀਡੀਓ ਨਹੀਂ ਹੈ।ਸੋਸ਼ਲ ਮੀਡੀਆ ਬਹੁਤ ਪਲੇਟਫਾਰਮ ਹੈ ਇੱਥੇ ਆ ਕੇ ਅਜਿਹੀਆਂ ਹਰਕਤਾਂ ਕਰਨੀਆਂ ਸ਼ੋਭਾ ਨਹੀਂ ਦਿੰਦੀਆਂ ਇਸ ਲਈ ਕੋਈ ਵੀ ਅਜਿਹਾ ਕੰਮ ਨਾ ਕਰੋ।
