ਐਮੀ ਵਿਰਕ (Ammy Virk) ਅਤੇ ਤਾਨੀਆ (Tania ) ਦੀ ਲੀਡ ਰੋਲ ਵਾਲੀ ਆਉਣ ਵਾਲੀ ਪੰਜਾਬੀ ਫਿਲਮ ਓਏ ਮਖਨਾ (Oye Makhna) ਇੰਟਰਨੈੱਟ ‘ਤੇ ਲੋਕਾਂ ਦੇ ਜਿੱਤ ਰਹੀ ਹੈ। ਫਿਲਮ ਦਾ ਟ੍ਰੇਲਰ ਹਾਲ ਹੀ ‘ਚ ਰਿਲੀਜ਼ ਹੋਇਆ ਸੀ ਅਤੇ ਪ੍ਰਸ਼ੰਸਕਾਂ ਵਲੋਂ ਲਗਾਤਾਰ ਇਸ ਦੇ ਟ੍ਰੇਲਰ ਨੂੰ ਪਿਆਰ ਅਤੇ ਤਾਰੀਫਾਂ ਮਿਲ ਰਹੀਆਂ ਹੈ।
ਓਏ ਮਖਨਾ ਦੇ ਨਿਰਮਾਤਾਵਾਂ ਨੇ ਵੀ ਪ੍ਰਸ਼ੰਸਕਾਂ ਨੂੰ ਪਾਰਟੀ ਮਿਕਸ ਗੀਤ ‘Chad Gayi Chad Gayi’ ਨਾਲ ਝੁੰਮਣ ਲਈ ਮਜ਼ਬੂਰ ਕੀਤਾ ਤੇ ਇਹ ਗਾਣਾ ਵੱਖ-ਵੱਖ ਮਿਊਜ਼ਿਕ ਚਾਰਟਸ ‘ਤੇ ਰੂਲ ਕਰ ਰਿਹਾ ਹੈ। ਅਤੇ ਹੁਣ ਫਿਲਮ ਦੀ ਟੀਮ ਨੇ ਸਾਰੇਗਾਮਾ ਦੇ ਅਧਿਕਾਰਤ ਯੂਟਿਊਬ ਚੈਨਲ ‘ਤੇ ਓਏ ਮਖਨਾ ਦੀ ਪਲੇਲਿਸਟ ਦਾ ਦੂਜਾ ਗੀਤ ਰਿਲੀਜ਼ ਕੀਤਾ ਹੈ।
ਰਿਲੀਜ਼ ਹੋਏ ਗਾਣੇ ਦਾ ਟਾਈਟਲ ‘ਚੰਨ ਸਿਤਾਰੇ’ (Chann Sitare) ਹੈ, ਜੋ ਇੱਕ ਮਜ਼ੇਦਾਰ ਰੋਮਾਂਟਿਕ ਟ੍ਰੈਕ ਹੈ। ਇਸ ਵਿੱਚ ਐਮੀ ਵਿਰਕ ਅਤੇ ਤਾਨੀਆ ਵਿਚਕਾਰ ਜ਼ਬਰਦਸਤ ਕੈਮਿਸਟਰੀ ਵੇਖਣ ਨੂੰ ਮਿਲ ਰਹੀ ਹੈ। ਨਾਲ ਹੀ ਗਾਣੇ ਦੀ ਵੀਡੀਓ ਵੀ ਕਾਫੀ ਸ਼ਾਨਦਾਰ ਲੱਗ ਰਹੀ ਹੈ। ਗਾਣੇ ‘ਚ ਐਕਟਿੰਗ ਤੋਂ ਇਲਾਵਾ ਐਮੀ ਵਿਰਕ ਨੇ ਇਸ ਨੂੰ ਗਾਇਆ ਵੀ ਹੈ। ਹਰਮਨਜੀਤ ਸਿੰਘ ਨੇ ਇਸ ਦੇ ਬੋਲ ਲਿਖੇ ਹਨ ਅਤੇ ਸੰਗੀਤ ਅਵੀ ਸਰਾਂ ਨੇ ਦਿੱਤਾ ਹੈ।
ਇੱਥੇ ਸੁਣੋ ਇਹ ਗਾਣਾ:
ਨਾ ਸਿਰਫ ਪ੍ਰਸ਼ੰਸਕ ਬਲਕਿ ਫਿਲਮ ਦੀ ਲੀਡ ਜੋੜੀ ਤਾਨੀਆ ਅਤੇ ਐਮੀ ਵਿਰਕ ਵੀ ਇਸ ਦਿਲ ਨੂੰ ਛੂਹਣ ਵਾਲੇ ਗੀਤ ਦੇ ਨਾਲ ਦੀਵਾਨੇ ਹਨ। ਇਸ ਰੋਮਾਂਟਿਕ ਟ੍ਰੈਕ ਬਾਰੇ ਗੱਲ ਕਰਦੇ ਹੋਏ, ਐਕਟਰਸ ਤਾਨੀਆ ਨੇ ਇਸ ਨੂੰ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕਰਦਿਆਂ ਇੱਕ ਪੋਸਟ ਸ਼ੇਅਰ ਕੀਤੀ ਹੈ। ਸਿਰਫ ਤਾਨੀਆ ਹੀ ਨਹੀਂ ਐਮੀ ਵਿਰਕ ਨੇ ਵੀ ਇਸ ਬਾਰੇ ਪੋਸਟ ਕੀਤਾ ਹੈ।
ਵੇਖੋ ਐਮੀ ਅਤੇ ਤਾਨੀਆ ਦੀ ਪੋਸਟ
View this post on Instagram
View this post on Instagram
ਹੁਣ ਓਏ ਮੱਖਣ ਦੀ ਗੱਲ ਕਰੀਏ ਤਾਂ ਐਮੀ ਵਿਰਕ ਅਤੇ ਤਾਨੀਆ ਤੋਂ ਇਲਾਵਾ ਮੁੱਖ ਭੂਮਿਕਾਵਾਂ ਵਿੱਚ ਫਿਲਮ ਵਿੱਚ ਗੁੱਗੂ ਗਿੱਲ ਅਤੇ ਸਿੱਧਿਕਾ ਸ਼ਰਮਾ ਵੀ ਮੁੱਖ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੇ। ਫਿਲਮ ਦਾ ਨਿਰਦੇਸ਼ਨ ਸਿਮਰਜੀਤ ਸਿੰਘ ਨੇ ਕੀਤਾ ਹੈ ਅਤੇ ਇਸ ਦੀ ਕਹਾਣੀ ਰਾਕੇਸ਼ ਧਵਨ ਨੇ ਲਿਖੀ ਹੈ। ਇਹ ਫਿਲਮ 4 ਨਵੰਬਰ 2022 ਨੂੰ ਸਿਲਵਰ ਸਕ੍ਰੀਨਜ਼ ‘ਤੇ ਆ ਰਹੀ ਹੈ।
