US Attack: ਅਮਰੀਕਾ ਵਿੱਚ ਲਗਾਤਾਰ ਹਮਲੇ ਹੋ ਰਹੇ ਹਨ ਹੁਣ ਇਸੇ ਲੜੀ ਦੇ ਤਹਿਤ ਇੱਕ ਹੋਰ ਖਬਰ ਸਾਹਮਣੇ ਆ ਰਹੀ ਹੈ ਕਿ ਅਮਰੀਕਾ ਦੇ ਕੋਲੋਰਾਡੋ ਰਾਜ ਦੇ ਬੋਲਡਰ ਸ਼ਹਿਰ ਵਿੱਚ ਐਤਵਾਰ ਨੂੰ ਇੱਕ ਵਿਅਕਤੀ ਨੇ ਲੋਕਾਂ ‘ਤੇ ਹਮਲਾ ਕੀਤਾ।
ਜਾਣਕਾਰੀ ਅਨੁਸਾਰ ਵਿਅਕਤੀ ਨੇ ਲੋਕਾਂ ‘ਤੇ ਮੋਲੋਟੋਵ ਕਾਕਟੇਲ ਨਾਲ ਹਮਲਾ ਕਰ ਦਿੱਤਾ ਉਸਨੇ ਭੀੜ ਵਿੱਚ ਇਹ ਪਦਾਰਥ ਸੁੱਟਿਆ, ਜਿਸ ਨਾਲ ਮੌਕੇ ‘ਤੇ ਅੱਗ ਲੱਗ ਗਈ। ਇਸ ਅੱਗ ਕਾਰਨ ਕਈ ਲੋਕ ਝੁਲਸ ਗਏ।
ਦੱਸ ਦੇਈਏ ਕਿ ਘਟਨਾ ਦਾ ਇੱਕ ਵੀਡੀਓ ਵੀ ਸਾਹਮਣੇ ਆਇਆ ਹੈ ਜਿਸ ਵਿੱਚ ਇੱਕ ਵਿਅਕਤੀ ਮੋਲੋਟੋਵ ਕਾਕਟੇਲ (ਪੈਟਰੋਲ ਬੰਬ) ਸੁੱਟਦਾ ਦਿਖਾਈ ਦੇ ਰਿਹਾ ਹੈ।
ਇਹ ਹਮਲਾ ਰਨ ਫਾਰ ਦੇਅਰ ਲਾਈਵਜ਼ ਨਾਮਕ ਇੱਕ ਸਮੂਹ ਦੇ ਇਕੱਠ ਦੌਰਾਨ ਹੋਇਆ। ਇਹ ਸਮੂਹ ਗਾਜ਼ਾ ਵਿੱਚ ਹਮਾਸ ਦੁਆਰਾ ਬੰਧਕ ਬਣਾਏ ਗਏ ਇਜ਼ਰਾਈਲੀ ਨਾਗਰਿਕਾਂ ਦੀ ਰਿਹਾਈ ਦੀ ਮੰਗ ਕਰ ਰਿਹਾ ਸੀ।
ਪੁਲਿਸ ਨੇ ਮੌਕੇ ਤੋਂ ਇੱਕ ਸ਼ੱਕੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਦੋਸ਼ੀ ਦੀ ਪਛਾਣ 45 ਸਾਲਾ ਮੁਹੰਮਦ ਸਾਬਰੀ ਸੋਲੀਮਾਨ ਵਜੋਂ ਹੋਈ ਹੈ। ਰਿਪੋਰਟ ਦਿੱਤੀ ਕਿ ਸੋਲੀਮਾਨ ਨੇ ਪਹਿਲਾਂ ਅਮਰੀਕਾ ਵਿੱਚ ਸ਼ਰਣ ਲਈ ਅਰਜ਼ੀ ਦਿੱਤੀ ਸੀ।
2005 ਵਿੱਚ, ਸੋਲੀਮਾਨ ਨੂੰ ਅਮਰੀਕਾ ਵਿੱਚ ਦਾਖਲ ਹੋਣ ਲਈ ਵੀਜ਼ਾ ਦੇਣ ਤੋਂ ਇਨਕਾਰ ਕਰ ਦਿੱਤਾ ਗਿਆ ਸੀ। ਹਾਲਾਂਕਿ, ਇਹ ਅਜੇ ਸਪੱਸ਼ਟ ਨਹੀਂ ਹੈ ਕਿ ਉਹ ਕਦੋਂ ਅਤੇ ਕਿਵੇਂ ਅਮਰੀਕਾ ਆਇਆ ਸੀ।
