Why Momos Is Not Good For Health: ਮੋਮੋਜ਼ ਖਾਣਾ ਕਿਸ ਨੂੰ ਪਸੰਦ ਨਹੀਂ ਹੈ।ਸਕੂਲ,ਕਾਲਜ,ਦਫਤਰ ਤੋਂ ਵਾਪਸ ਆਉਂਦੇ ਸਮੇਂ ਤੁਸੀਂ ਇਹ ਕੰਮ ਜ਼ਰੂਰ ਕੀਤਾ ਹੋਵੇਗਾ ਕਿ ਤੁਸੀਂ ਸੜਕ ਦੇ ਕਿਨਾਰੇ ਖੜ੍ਹੇ ਮੋਮੋਜ਼ ਖਾਧੇ ਹੋਣਗੇ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਜੋ ਮੋਮੋਜ਼ ਤੁਸੀਂ ਜਲਦਬਾਜ਼ੀ ‘ਚ ਸੜਕ ਕਿਨਾਰੇ ਖਾਂਦੇ ਹੋ, ਉਹ ਤੁਹਾਡੇ ਸਰੀਰ ਲਈ ਬਹੁਤ ਖ਼ਤਰਨਾਕ ਸਾਬਤ ਹੋ ਸਕਦੇ ਹਨ।
ਅੱਜ ਅਸੀਂ ਮੋਮੋਜ਼ ਬਾਰੇ ਗੱਲ ਕਰਾਂਗੇ। ਜਿਸ ਨੂੰ ਦੇਖ ਕੇ ਸਾਨੂੰ ਲੱਗਦਾ ਹੈ ਕਿ ਇਸ ਵਿਚ ਕੋਈ ਤੇਲ ਜਾਂ ਮਸਾਲਾ ਨਹੀਂ ਹੈ ਤਾਂ ਇਹ ਸਰੀਰ ਲਈ ਨੁਕਸਾਨਦਾਇਕ ਨਹੀਂ ਹੈ, ਚਾਹੇ ਤੁਸੀਂ ਇਸ ਨੂੰ ਜਿੰਨਾ ਮਰਜ਼ੀ ਖਾ ਲਓ, ਪਰ ਤੁਹਾਡੀ ਜਾਣਕਾਰੀ ਲਈ ਅਸੀਂ ਤੁਹਾਨੂੰ ਦੱਸ ਦੇਈਏ ਕਿ ਅਜਿਹਾ ਬਿਲਕੁਲ ਵੀ ਨਹੀਂ ਹੈ। ਅੱਜ ਅਸੀਂ ਆਪਣੇ ਆਰਟੀਕਲ ਵਿੱਚ ਦੱਸਾਂਗੇ ਕਿ ਮੋਮੋਜ਼ ਤੁਹਾਡੇ ਸਰੀਰ ਨੂੰ ਕਿਵੇਂ ਨੁਕਸਾਨ ਪਹੁੰਚਾ ਸਕਦੇ ਹਨ।
ਮੋਮੋਜ਼ ਮੈਦੇ ਤੋਂ ਬਣੇ ਹੁੰਦੇ ਹਨ। ਮੈਦੇ ‘ਚ ਆਜ਼ੋਡੀਕਾਰਬੋਨਾ ਮਾਈਡ, ਬੈਂਜੋਇਲ ਪੇਰੋਕਸਾਈਡ ਵਰਗੇ ਪਦਾਰਥ ਵਿੱਚ ਮਿਲਾਏ ਜਾਂਦੇ ਹਨ। ਮੋਮੋਜ਼ ‘ਚ ਮੈਦੇ ਨੂੰ ਨਰਮ ਰੱਖਣ ਲਈ ਐਲੋਕਸਨ ਨਾਮ ਦਾ ਇਕ ਤੱਤ ਵੀ ਮਿਲਾਇਆ ਜਾਂਦਾ ਹੈ, ਜੋ ਸਿਹਤ ਲਈ ਨੁਕਸਾਨਦੇਹ ਹੈ। ਮੋਮੋਜ਼ ਨੂੰ ਬਣਾਉਣ ਲਈ ਮੈਦੇ ‘ਚ ਜੋ ਸਮੱਗਰੀ ਸ਼ਾਮਲ ਕੀਤੀ ਜਾਂਦੀ ਹੈ ਉਹ ਸਿਹਤ ਲਈ ਸਹੀ ਨਹੀਂ। ਇਹ ਤੱਤ ਸਰੀਰ ਦੇ ਪਾਚਕ ਨੂੰ ਨੁਕਸਾਨ ਪਹੁੰਚਾ ਸਕਦੇ ਹਨ. ਇਸ ਤੋਂ ਇਲਾਵਾ ਉਹ ਸ਼ੂਗਰ ਦਾ ਖ਼ਤਰਾ ਵੀ ਵਧਾਉਂਦੇ ਹਨ।
ਮੋਮੋਜ਼ ਵੇਜ ਅਤੇ ਨਾਨਵੇਜ ਦੋਵੇਂ ਤਰੀਕੇ ਨਾਲ ਬਣਾਏ ਜਾਂਦੇ ਹਨ। ਚਿਕਨ ਮੀਟ ਦੀ ਵਰਤੋਂ ਨਾਨਵੇਜ ਮੋਮੋ ਬਣਾਉਣ ਲਈ ਕੀਤੀ ਜਾਂਦੀ ਹੈ, ਪਰ ਇਸ ਦੀ ਕਵਾਲਿਟੀ ਬਹੁਤ ਚੰਗੀ ਨਹੀਂ ਹੁੰਦੀ। ਖਰਾਬ ਚਿਕਨ ਮਾਸ ਕਿਸੇ ਨੂੰ ਵੀ ਬਿਮਾਰ ਬਣਾ ਸਕਦਾ ਹੈ। ਇਸ ਦੀ ਚਟਨੀ ਵੀ ਕੁਝ ਜ਼ਿਆਦਾ ਖਾਸ ਨਹੀਂ ਹੁੰਦੀ।
ਕੈਮੀਕਲ ਦਾ ਬਣਿਆ ਆਟਾ:- ਮੋਮੋਸ ਵਿੱਚ ਵਰਤਿਆ ਜਾਣ ਵਾਲਾ ਆਟਾ ਅਸਲ ਵਿੱਚ ਰਿਫਾਇੰਡ ਆਟੇ ਤੋਂ ਬਣਾਇਆ ਜਾਂਦਾ ਹੈ, ਜਿਸ ਨੂੰ ਬੈਂਜੋਇਲ ਪਰਆਕਸਾਈਡ, ਅਜ਼ੋਡੀਕਾਰਬੋਨਾਮਾਈਡ ਅਤੇ ਹੋਰ ਬਲੀਚਾਂ ਦੀ ਵਰਤੋਂ ਕਰਕੇ ਤਿਆਰ ਕੀਤਾ ਜਾਂਦਾ ਹੈ। ਇਹ ਰਸਾਇਣ ਬਾਅਦ ਵਿੱਚ ਤੁਹਾਡੇ ਪੈਨਕ੍ਰੀਅਸ ਨੂੰ ਪ੍ਰਭਾਵਿਤ ਕਰ ਸਕਦੇ ਹਨ।
ਵਰਤਿਆ ਜਾਂਦਾ ਘਟੀਆ ਕੁਆਲਿਟੀ ਦਾ ਮੀਟ :- ਕੁਝ ਰਿਪੋਰਟਾਂ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਪਹਿਲਾਂ ਹੀ ਮਰੇ ਹੋਏ ਜਾਨਵਰਾਂ ਦੇ ਮੀਟ ਦੀ ਵਰਤੋਂ ਨਾਨ-ਵੈਜ ਮੋਮੋਜ਼ ਬਣਾਉਣ ਲਈ ਕੀਤੀ ਜਾਂਦੀ ਹੈ, ਜਿਸ ਨੂੰ ਘੱਟ ਕੀਮਤ ‘ਤੇ ਖਰੀਦਿਆ ਜਾਂਦਾ ਹੈ।
ਘੱਟ ਪਕੀਆਂ ਅਤੇ ਖਰਾਬ ਸਬਜ਼ੀਆਂ ਦੀ ਵਰਤੋਂ:- ਜੋ ਸਬਜ਼ੀਆਂ ਮੋਮੋਜ਼ ਵਿੱਚ ਭਰੀਆਂ ਜਾਂਦੀਆਂ ਹਨ, ਉਨ੍ਹਾਂ ਵਿੱਚ ਘਟੀਆ ਕੁਆਲਿਟੀ ਦੀਆਂ ਸਬਜ਼ੀਆਂ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਜੋ ਨਾ ਤਾਂ ਚੰਗੀ ਤਰ੍ਹਾਂ ਧੋਤੇ ਜਾਂਦੇ ਹਨ ਤੇ ਨਾ ਹੀ ਸਹੀ ਗੁਣਵੱਤਾ ਦੇ ਹੁੰਦੇ ਹਨ। ਉਹਨਾਂ ਵਿੱਚ ਈ-ਕੋਲੀ ਬੈਕਟੀਰੀਆ ਵੀ ਹੁੰਦੇ ਹਨ ਜੋ ਗੰਭੀਰ ਲਾਗਾਂ ਦਾ ਕਾਰਨ ਬਣ ਸਕਦੇ ਹਨ।
ਬਹੁਤ ਮਸਾਲੇਦਾਰ ਹੁੰਦੀ ਚਟਨੀ :- ਮੋਮੋਜ਼ ਨਾਲ ਪਰੋਸੀ ਜਾਣ ਵਾਲੀ ਸ਼ੈਜ਼ਵਾਨ ਚਟਨੀ ਲਾਲ ਮਿਰਚਾਂ ਦੀ ਵਰਤੋਂ ਕਰਕੇ ਬਣਾਈ ਜਾਂਦੀ ਹੈ, ਜੋ ਸਿਹਤ ਲਈ ਹਾਨੀਕਾਰਕ ਹੋ ਸਕਦੀ ਹੈ। ਜੇਕਰ ਇਸ ਮਿਰਚ ਨੂੰ ਪ੍ਰੋਸੈਸ ਕੀਤਾ ਜਾਵੇ ਤਾਂ ਇਹ ਕਈ ਸਿਹਤ ਸੰਬੰਧੀ ਸਮੱਸਿਆਵਾਂ ਪੈਦਾ ਕਰ ਸਕਦੀ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
