Athiya-KL Rahul’s Wedding Venue: Athiya Shetty ਤੇ KL ਰਾਹੁਲ ਇੱਕ ਅਜਿਹਾ ਜੋੜਾ ਬਣਨ ਜਾ ਰਹੇ ਹਨ ਜੋ ਇੱਕ ਵਾਰ ਫਿਰ ਕ੍ਰਿਕਟ ਤੇ ਬਾਲੀਵੁੱਡ ਦੇ ਮੇਲ ਨੂੰ ਦੋਹਰਾਉਣਗੇ। ਦੋਵਾਂ ਦੇ ਵਿਆਹ ਦੀਆਂ ਤਿਆਰੀਆਂ ਜ਼ੋਰਾਂ-ਸ਼ੋਰਾਂ ਨਾਲ ਸ਼ੁਰੂ ਹੋ ਗਈਆਂ ਹਨ। ਉਹ ਜਲਦੀ ਹੀ ਵਿਆਹ ਦੇ ਬੰਧਨ ‘ਚ ਬੱਝ ਜਾਣਗੇ।
ਆਥੀਆ ਅਤੇ ਰਾਹੁਲ ਬਹੁਤ ਹੀ ਸਾਦੇ ਵਿਆਹ ਦੀ ਯੋਜਨਾ ਬਣਾ ਰਹੇ ਹਨ। ਉਨ੍ਹਾਂ ਦੇ ਵਿਆਹ ਦੀਆਂ ਤਿਆਰੀਆਂ ਨੂੰ ਲੈ ਕੇ ਵੀ ਕਈ ਨੁਕਤੇ ਸਾਹਮਣੇ ਆ ਰਹੇ ਹਨ, ਖੰਡਾਲਾ ‘ਚ ਉਹ ਫਾਰਮ ਹਾਊਸ ਜਿੱਥੇ ਉਨ੍ਹਾਂ ਦਾ ਵਿਆਹ ਹੈ ਉੱਥੇ ਸਜਾਇਆ ਗਿਆ ਮੰਡਪ ਵੇਖਣ ਨੂੰ ਮਿਲ ਰਿਹਾ ਹੈ।
ਕੇਐਲ ਰਾਹੁਲ ਅਤੇ ਆਥੀਆ ਸ਼ੈੱਟੀ ਦੇ ਵਿਆਹ ਦੇ ਜਸ਼ਨ ਇਸ ਹਫ਼ਤੇ ਸ਼ੁਰੂ ਹੋਣਗੇ ਤੇ 23 ਜਨਵਰੀ ਨੂੰ ਸ਼ਾਨਦਾਰ ਵਿਆਹ ਤੋਂ ਪਹਿਲਾਂ ਮਹਿੰਦੀ, ਹਲਦੀ ਅਤੇ ਸੰਗੀਤ ਸਮਾਰੋਹ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ। ਸੁਨੀਲ ਤੇ ਮਾਨਾ ਸ਼ੈੱਟੀ ਦਾ ਆਲੀਸ਼ਾਨ ਖੰਡਾਲਾ ਬੰਗਲਾ ਵਿਆਹ ਦਾ ਸਥਾਨ ਹੈ ਤੇ ਇਸ ਨੂੰ ਪੂਰੀ ਤਰ੍ਹਾਂ ਸਜਾਇਆ ਗਿਆ ਹੈ।
View this post on Instagram
ਸੁਨੀਲ ਸ਼ੈੱਟੀ ਦੇ ਘਰ ਤੋਂ ਕਈ ਵੀਡੀਓਜ਼ ਤੇ ਫੋਟੋਆਂ ਵੀ ਸਾਹਮਣੇ ਆ ਰਹੀਆਂ ਹਨ, ਜਿਨ੍ਹਾਂ ‘ਚ ਵਿਆਹ ਦੀਆਂ ਝਲਕੀਆਂ ਸਾਫ ਨਜ਼ਰ ਆ ਰਹੀਆਂ ਹਨ। ਕੁਝ ਸਮਾਂ ਪਹਿਲਾਂ ਇੱਕ ਵੀਡੀਓ ਵੀ ਸਾਹਮਣੇ ਆਈ ਹੈ, ਜਿਸ ਨੂੰ ਦੇਖ ਕੇ ਲੱਗਦਾ ਹੈ ਕਿ ਵਿਆਹ ਦਾ ਥੀਮ ਗੋਲਡਨ ਹੋਣ ਵਾਲੀ ਹੈ ਤੇ ਫਾਰਮ ਹਾਉਸ ਨੂੰ ਇਸੇ ਮੁਤਾਬਕ ਸਜਾਇਆ ਗਿਆ ਹੈ।
23 ਜਨਵਰੀ ਨੂੰ ਆਥੀਆ ਅਤੇ ਰਾਹੁਲ ਸਿਰਫ 100 ਮਹਿਮਾਨਾਂ ਦੀ ਮੌਜੂਦਗੀ ਵਿੱਚ ਵਿਆਹ ਦੇ ਬੰਧਨ ਵਿੱਚ ਬੱਝਣਗੇ। ਸਾਰੇ ਮਹਿਮਾਨਾਂ ਨੂੰ ਹਦਾਇਤ ਕੀਤੀ ਗਈ ਹੈ ਕਿ ਉਹ ਤਸਵੀਰਾਂ ਪੋਸਟ ਨਾ ਕਰਨ ਤੇ ਉਨ੍ਹਾਂ ਦੇ ਫ਼ੋਨ ਬੰਦ ਰੱਖਣ। ਕੇਐੱਲ ਰਾਹੁਲ ਤੇ ਆਥੀਆ ਦਾ ਵਿਆਹ ਗ੍ਰੈਂਡ ਸਾਊਥ ਇੰਡੀਅਨ ਸਟਾਈਲ ਨਾਲ ਹੋਣ ਜਾ ਰਿਹਾ ਹੈ।
ਵਿਆਹ ਦੇ ਬਾਅਦ ਪਾਰਟੀ
ਸੂਤਰਾਂ ਨੇ ਦੱਸਿਆ ਕਿ, ‘ਵਿਆਹ ਬਹੁਤ ਸਾਦਾ ਹੋਵੇਗਾ, ਜਿਸ ‘ਚ ਸਿਰਫ ਜੋੜੇ ਦੇ ਕਰੀਬੀ ਦੋਸਤ ਅਤੇ ਪਰਿਵਾਰ ਵਾਲੇ ਹੀ ਸ਼ਾਮਲ ਹੋਣਗੇ। ਵਿਆਹ ਵਿੱਚ 100 ਦੇ ਕਰੀਬ ਮਹਿਮਾਨ ਆਉਣਗੇ। ਕ੍ਰਿਕਟ ਦੇ ਰੁਝੇਵਿਆਂ ਨੂੰ ਦੇਖਦੇ ਹੋਏ, ਮਈ ਵਿੱਚ ਆਈਪੀਐਲ ਖ਼ਤਮ ਹੋਣ ਤੋਂ ਬਾਅਦ ਫਿਲਮ ਤੇ ਕ੍ਰਿਕਟ ਦੇ ਦਿੱਗਜਾਂ ਲਈ ਇੱਕ ਪਾਰਟੀ ਕੀਤੀ ਜਾਵੇਗੀ। ਆਈਪੀਐਲ ਤੋਂ ਬਾਅਦ ਦੇ ਬੈਸ਼ ਵਿੱਚ 3000 ਤੋਂ ਵੱਧ ਮਹਿਮਾਨਾਂ ਦੇ ਆਉਣ ਦੀ ਉਮੀਦ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
