ਆਸਟ੍ਰੇਲੀਆ ‘ਚ ਖੇਡੇ ਜਾ ਰਹੇ ਟੀ-20 ਵਿਸ਼ਵ ਕੱਪ 2022 ਦੇ ਫਾਈਨਲ ‘ਚ 13 ਨਵੰਬਰ ਨੂੰ ਪਾਕਿਸਤਾਨ ਅਤੇ ਇੰਗਲੈਂਡ ਦੀਆਂ ਟੀਮਾਂ ਆਹਮੋ-ਸਾਹਮਣੇ ਹੋਣਗੀਆਂ। ਦੋਵੇਂ ਟੀਮਾਂ ਆਪਣਾ ਦੂਜਾ ਖਿਤਾਬ ਜਿੱਤਣ ਦੇ ਇਰਾਦੇ ਨਾਲ ਮੈਦਾਨ ‘ਚ ਉਤਰਨਗੀਆਂ। ਪਾਕਿਸਤਾਨ ਨੇ 2009 ਦਾ ਵਿਸ਼ਵ ਕੱਪ ਜਿੱਤਿਆ ਸੀ ਅਤੇ ਇੰਗਲੈਂਡ ਨੇ 2010 ਦਾ ਵਿਸ਼ਵ ਕੱਪ ਜਿੱਤਿਆ ਸੀ। ਇਸ ਦੌਰਾਨ ਫਾਈਨਲ ਮੈਚ ਤੋਂ ਪਹਿਲਾਂ ਹੋਈ ਪ੍ਰੈੱਸ ਕਾਨਫਰੰਸ ‘ਚ ਪੱਤਰਕਾਰ ਨੇ ਪਾਕਿਸਤਾਨੀ ਕਪਤਾਨ ਬਾਬਰ ਆਜ਼ਮ ਤੋਂ ਆਈ.ਪੀ.ਐੱਲ.’ਤੇ ਸਵਾਲ ਪੁੱਛੇ। ਜਿਸ ‘ਤੇ ਬਾਬਰ ਆਜ਼ਮ ਦੀ ਬੋਲਤੀ ਬੰਦ ਹੋ ਗਈ। ਖੈਰ ਬਾਬਰ ਇਸ ਸਵਾਲ ਦਾ ਜਵਾਬ ਨਾ ਦੇ ਸਕੇ ਅਤੇ ਟੀਮ ਦੇ ਮੀਡੀਆ ਮੈਨੇਜਰ ਵੱਲ ਦੇਖਣ ਲੱਗੇ ਤਾਂ ਹੀ ਮੈਨੇਜਰ ਨੇ ਇਹ ਕਹਿ ਕੇ ਮਾਮਲਾ ਸੰਭਾਲ ਲਿਆ ਕਿ ਇਸ ਸਮੇਂ ਸਿਰਫ ਵਿਸ਼ਵ ਕੱਪ ਨਾਲ ਜੁੜੇ ਸਵਾਲ ਪੁੱਛੇ ਜਾਣੇ ਹਨ।
— Guess Karo (@KuchNahiUkhada) November 12, 2022
ਤੁਹਾਨੂੰ ਦੱਸ ਦੇਈਏ ਕਿ ਪਾਕਿਸਤਾਨੀ ਖਿਡਾਰੀ IPL ‘ਚ ਖੇਡਦੇ ਨਜ਼ਰ ਨਹੀਂ ਆ ਰਹੇ ਹਨ। ਪਾਕਿਸਤਾਨੀ ਖਿਡਾਰੀਆਂ ਨੇ 2009 ਤੋਂ ਬਾਅਦ IPL ਨਹੀਂ ਖੇਡਿਆ ਹੈ।
ਸਵਾਲ ਕੀ ਸੀ?
ਰਿਪੋਰਟਰ ਨੇ ਪੁੱਛਿਆ, “ਆਈਪੀਐਲ ਖੇਡਣ ਦੇ ਫਾਇਦਿਆਂ ਬਾਰੇ ਗੱਲ ਕਰਦੇ ਹੋਏ, ਕੀ ਅਜਿਹਾ ਕੁਝ ਹੈ ਜੋ ਤੁਹਾਨੂੰ ਲੱਗਦਾ ਹੈ ਕਿ ਤੁਹਾਡੀ ਅਤੇ ਤੁਹਾਡੀ ਟੀਮ ਦੀ ਮਦਦ ਕਰੇਗਾ ਅਤੇ ਕੀ ਤੁਹਾਨੂੰ ਭਵਿੱਖ ਵਿੱਚ ਕੋਈ ਉਮੀਦ ਹੈ?”
ਇਸ ‘ਤੇ ਬਾਬਰ ਆਜ਼ਮ ਕੁਝ ਨਾ ਕਹਿ ਸਕੇ ਅਤੇ ਕੋਲ ਖੜ੍ਹੇ ਮੀਡੀਆ ਮੈਨੇਜਰ ਵੱਲ ਦੇਖਣ ਲੱਗੇ। ਇਸੇ ਲਈ ਉਨ੍ਹਾਂ ਕਿਹਾ ਕਿ ਇੱਥੇ ਸਿਰਫ਼ ਵਿਸ਼ਵ ਕੱਪ ਨਾਲ ਸਬੰਧਤ ਸਵਾਲ ਪੁੱਛੇ ਜਾਣੇ ਚਾਹੀਦੇ ਹਨ। ਦੱਸ ਦੇਈਏ ਕਿ ਭਾਰਤ ਤੋਂ ਹਾਰਨ ਤੋਂ ਬਾਅਦ ਜ਼ਿੰਬਾਬਵੇ ਤੋਂ ਇਕ ਹੋਰ ਹਾਰ ਕਾਰਨ ਪਾਕਿਸਤਾਨ ਦਾ ਸੈਮੀਫਾਈਨਲ ਦੀ ਦੌੜ ਤੋਂ ਬਾਹਰ ਹੋਣਾ ਲਗਭਗ ਮੰਨਿਆ ਜਾ ਰਿਹਾ ਸੀ। ਪਰ ਦੱਖਣੀ ਅਫਰੀਕਾ ਦੀ ਹਾਰ ਤੇ ਟੂਰਨਾਮੈਂਟ ਤੋਂ ਬਾਹਰ ਹੋਣ ਦਾ ਫਾਇਦਾ ਪਾਕਿ ਨੂੰ ਮਿਲਿਆ। ਜਿਸ ਤੋਂ ਬਾਅਦ ਟੀਮ ਨੇ ਸੈਮੀਫਾਈਨਲ ‘ਚ ਨਿਊਜ਼ੀਲੈਂਡ ਨੂੰ ਹਰਾ ਕੇ ਫਾਈਨਲ ‘ਚ ਜਗ੍ਹਾ ਬਣਾਈ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
