Kevin Conroy Death: ਐਕਟਰ ਅਤੇ ਵਾਇਸ ਓਵਰ ਆਰਟਿਸਟ ਕੇਵਿਨ ਕੋਨਰੋਏ ਹੁਣ ਇਸ ਦੁਨੀਆ ‘ਚ ਨਹੀਂ ਰਹੇ। ਸ਼ੁੱਕਰਵਾਰ ਨੂੰ ਉਨ੍ਹਾਂ ਦਾ 66 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ। ਕੇਵਿਨ ਕਈ ਐਨੀਮੇਟਡ ਸੀਰੀਜ਼ ਅਤੇ ਬੈਟਮੈਨ ਐਨੀਮੇਟਡ ਸੀਰੀਜ਼ ਲਈ ਆਪਣੇ ਕੰਮ ਲਈ ਮਸ਼ਹੂਰ ਸੀ। ਬੈਟਮੈਨ ਦਾ ਕਿਰਦਾਰ ਉਸ ਦੀ ਆਵਾਜ਼ ਨਾਲ ਜ਼ਿੰਦਾ ਹੋ ਗਿਆ।
ਕੇਵਿਨ ਦੀ ਮੌਤ ਦੀ ਸੂਚਨਾ ‘ਬੈਟਮੈਨ: ਦ ਐਨੀਮੇਟਡ ਸੀਰੀਜ਼’ ਦੀ ਕੋ-ਆਰਰਟਿਸਟ ਡਾਇਨੇ ਪਰਸ਼ਿੰਗ ਨੇ ਦਿੱਤੀ। ਇਸ ਖ਼ਬਰ ਦੀ ਪੁਸ਼ਟੀ ਉਨ੍ਹਾਂ ਤੋਂ ਬਾਅਦ ਵਾਰਨਰ ਬ੍ਰੋਸ ਐਨੀਮੇਸ਼ਨ ਨੇ ਵੀ ਕੀਤੀ। ਕੇਵਿਨ ਕਥਿਤ ਤੌਰ ‘ਤੇ ਕੈਂਸਰ ਨਾਲ ਜ਼ਿੰਦਗੀ ਅਤੇ ਮੌਤ ਦੀ ਲੜਾਈ ਲੜ ਰਿਹਾ ਸੀ, ਪਰ ਉਹ ਬਚ ਨਹੀਂ ਸਕਿਆ।
ਵਾਰਨਰ ਬ੍ਰਦਰਜ਼ ਵਲੋਂ ਜਾਰੀ ਇੱਕ ਬਿਆਨ ਵਿੱਚ ਕਈ ਪ੍ਰੋਜੈਕਟਾਂ ‘ਚ ਖਲਨਾਇਕ ਜੋਕਰ ਨੂੰ ਆਵਾਜ਼ ਦੇਣ ਵਾਲੇ ਮਾਰਕ ਹੈਮਿਲ ਨੇ ਕਿਹਾ, “ਕੇਵਿਨ ਇੱਕ ਪ੍ਰਤਿਭਾਸ਼ਾਲੀ ਵਿਅਕਤੀ ਸੀ, ਇਸ ਧਰਤੀ ‘ਤੇ ਮੇਰੇ ਪਸੰਦੀਦਾ ਲੋਕਾਂ ਚੋਂ ਇੱਕ ਸੀ। ਮੈਂ ਉਸ ਨੂੰ ਭਰਾ ਵਾਂਗ ਪਿਆਰ ਕਰਦਾ ਸੀ। ਉਹ ਸੱਚਮੁੱਚ ਆਪਣੇ ਆਲੇ ਦੁਆਲੇ ਦੇ ਲੋਕਾਂ ਦੀ ਪਰਵਾਹ ਕਰਦਾ ਸੀ। ਉਸਦੀ ਸ਼ਿਸ਼ਟਾਚਾਰ ਉਸਦੇ ਹਰ ਕੰਮ ਵਿੱਚ ਝਲਕਦੀ ਸੀ। ਜਦੋਂ ਵੀ ਮੈਂ ਉਸ ਨੂੰ ਦੇਖਦਾ, ਉਸ ਨਾਲ ਗੱਲ ਕਰਦਾ, ਮੇਰਾ ਉਤਸ਼ਾਹ ਹੋਰ ਵੀ ਵੱਧ ਜਾਂਦਾ।’
ਬੈਟਮੈਨ: ਐਨੀਮੇਟਡ ਸੀਰੀਜ਼ ਦੇ ਲੇਖਕ ਪਾਲ ਡਿਨੀ ਨੇ ਕੇਵਿਨ ਨੂੰ ਸਟਾਰਡਮ ਤੱਕ ਪਹੁੰਚਾਇਆ। ਉਨ੍ਹਾਂ ਨੇ ਵੀ ਟਵਿੱਟਰ ‘ਤੇ ਸ਼ੋਅ ਤੋਂ ਬੈਟਮੈਨ ਦੀ ਤਸਵੀਰ ਸਾਂਝੀ ਕਰਕੇ ਮਰਹੂਮ ਅਦਾਕਾਰ ਨੂੰ ਸ਼ਰਧਾਂਜਲੀ ਦਿੱਤੀ। ਕੇਵਿਨ ਦੀ ਮੌਤ ਤੋਂ ਬਾਅਦ ਕਈ ਹੋਰ ਸਟਾਰਸ ਨੇ ਸ਼ਰਧਾਂਜਲੀ ਦਿੱਤੀ ਹੈ।
ਕੇਵਿਨ ਨੂੰ ਇੱਕ ਵਾਈਸ ਓਵਰ ਕਲਾਕਾਰ ਦੇ ਤੌਰ ‘ਤੇ ਵਧੇਰੇ ਜਾਣਿਆ ਜਾਂਦਾ ਸੀ। ਉਨ੍ਹਾਂ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 80 ਦੇ ਦਹਾਕੇ ‘ਚ ਇੱਕ ਲਾਈਵ-ਐਕਸ਼ਨ ਐਕਟਰ ਵਜੋਂ ਕੀਤੀ ਸੀ। 1992 ਵਿੱਚ ਉਨ੍ਹਾਂ ਨੇ ਉਸ ਰੋਲ ਨੂੰ ਆਵਾਜ਼ ਦਿੱਤੀ ਜਿਸਨੇ ਉਸਨੂੰ ਪਹਿਲੀ ਵਾਰ ‘ਚ ਹੀ ਸਟਾਰ ਬਣਾ ਦਿੱਤਾ। ਉਹ ਸੀ ‘ਬੈਟਮੈਨ’ ਉਰਫ ‘ਬੈਟਮੈਨ: ਦ ਐਨੀਮੇਟਡ ਸੀਰੀਜ਼’।
