Gippy Grewal ਅੱਜ ਕੱਲ੍ਹ ਦੇ ਸਭ ਤੋਂ ਜ਼ਿਆਦਾ ਸਟਾਰਸ ਚੋਂ ਇੱਕ ਹੈ। ਉਸ ਨੇ ਬੈਕ-ਟੂ-ਬੈਕ ਹਿੱਟ ਫਿਲਮਾਂ ਅਤੇ ਗਾਣੇ ਦਿੱਤੇ ਹਨ। ਇਸ ਤੋਂ ਇਲਾਵਾ, ਉਸ ਕੋਲ ਆਉਣ ਵਾਲੇ ਸਾਲ ਵਿੱਚ ਰਿਲੀਜ਼ ਹੋਣ ਵਾਲੀਆਂ ਕਈ ਫਿਲਮਾਂ ਦੀ ਵੀ ਲੰਬੀ ਲਿਸਟ ਹੈ। ਗਿੱਪੀ ਹਮੇਸ਼ਾ ਆਪਣੇ ਸੋਸ਼ਲ ਮੀਡੀਆ ਪ੍ਰੋਫਾਈਲ ‘ਤੇ ਕਾਫੀ ਐਕਟਿਵ ਰਹਿੰਦਾ ਹੈ। ਉਹ ਆਪਣੀ ਨਿੱਜੀ ਤੇ ਪ੍ਰਸਨਲ ਲਾਈਫ ਨਾਲ ਜੁੜੀਆਂ ਗੱਲਾਂ ਨੂੰ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕਰਦਾ ਰਹਿੰਦਾ ਹੈ। ਹੁਣ ਇੱਕ ਨਵੀਂ ਪੋਸਟ ‘ਚ ਉਸਨੇ ਆਪਣੀ ਫਿਲਮ ‘ਅਰਦਾਸ ਸਰਬੱਤ ਦੇ ਭਲੇ ਦੀ’ ( ‘Ardaas Sarbat De Bhalle Di’) ਬਾਰੇ ਵੱਡੀ ਹਿੰਟ ਦਿੱਤਾ ਹੈ।
ਗਿੱਪੀ ਗਰੇਵਾਲ ਨੇ ਆਪਣੀ ਆਉਣ ਵਾਲੀ ਫਿਲਮ ਅਰਦਾਸ ਸਰਬੱਤ ਦੇ ਭਲੇ ਦੀ ਕਾਸਟ ਦੀ ਇੱਕ ਫੋਟੋ ਪੋਸਟ ਕੀਤੀ ਹੈ। ਅਰਦਾਸ ਫਿਲਮ ਦੇ ਪਹਿਲਾਂ ਹੀ ਦੋ ਪਾਰਟ ਰਿਲੀਜ਼ ਹੋ ਚੁੱਕੇ ਹਨ ਅਤੇ ਇਨ੍ਹਾਂ ਨੂੰ ਲੋਕਾਂ ਨੇ ਖੂਬ ਪਸੰਦ ਕੀਤਾ ਸੀ। ਤੇ ਹੁਣ ਐਕਟਰ ਨੇ ਆਪਣੀ ਫਿਲਮ ਦੀ ਤੀਜੇ ਪਾਰਟ ਦਾ ਖੁਲਾਸਾ ਕੀਤਾ ਹੈ। ਪੰਜਾਬੀ ਗਾਇਕ ਤੇ ਐਕਟਰ ਨੇ ਆਪਣੇ ਅਧਿਕਾਰਤ ਸੋਸ਼ਲ ਮੀਡੀਆ ਅਕਾਉਂਟ ‘ਤੇ ਫੋਟੋਆਂ ਸ਼ੇਅਰ ਕੀਤੀਆਂ ਤੇ ਫੈਨਸ ਨੂੰ ਆਪਣੀ ਆਉਣ ਵਾਲੀ ਫਿਲਮ ਬਾਰੇ ਜਾਣਕਾਰੀ ਦਿੱਤੀ। ਤਸਵੀਰ ‘ਚ ਉਹ ਫਿਲਮ ‘ਚ ਆਪਣੀ ਟੀਮ ਨਾਲ ਨਜ਼ਰ ਆ ਰਹੇ ਹਨ।
ਦੱਸਿਆ ਜਾ ਰਿਹਾ ਹੈ ਕਿ ਇਸ ਫਿਲਮ ਦੀਆਂ ਪਿਛਲੀਆਂ ਦੋ ਪਾਰਟਸ ਨੇ ਸਕਸੈਸਫੁਲੀ ਦਰਸ਼ਕਾਂ ਦੇ ਦਿਲਾਂ ਵਿੱਚ ਥਾਂ ਬਣਾਈ ਹੈ। ਗਿੱਪੀ ਗਰੇਵਾਲ ਨੇ ਇਨ੍ਹਾਂ ਦਾ ਡਾਇਰੈਕਸ਼ਨ ਕੀਤਾ। ਇਸ ਫਿਲਮ ਨਾਲ ਇਹ ਉਸ ਦਾ ਨਿਰਦੇਸ਼ਨ ਵਜੋਂ ਡੈਬਿਊ ਸੀ।
ਤੁਸੀਂ ਦੇਖੋ ਐਲਾਨ:
ਇਸ ਦੇ ਨਾਲ ਹੀ ਉਮੀਦ ਹੈ ਕਿ ਫਿਲਮ ਦੇ ਪਹਿਲੇ ਦੋ ਪਾਰਟਸ ਵਾਂਗ ਤੀਜੇ ਪਾਰਟ ਨੂੰ ਵੀ ਲੋਕ ਖੂਬ ਪਸੰਦ ਕਰਨਗੇ। ਪ੍ਰਸ਼ੰਸਕ ਇਸ ਫਿਲਮ ਦੇ ਅਗਲੇ ਭਾਗ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਇਸ ਤੋਂ ਇਲਾਵਾ ਐਕਟਰ ਨੇ ਫਿਲਮ ਬਾਰੇ ਕੁਝ ਵੀ ਖੁਲਾਸਾ ਨਹੀਂ ਕੀਤਾ ਹੈ ਅਤੇ ਸਿਰਫ ਕੈਪਸ਼ਨ ਦੇ ਨਾਲ ਤਸਵੀਰ ਸਾਂਝੀ ਕੀਤੀ ਹੈ ““Next Chapter Soon 🙏 ArdaasKaraan”।
ਕੌਨ ਕੌਨ ਇੰਤਜ਼ਾਰ ਕਰਦਾ…?” ਸਾਰੀ ਕਾਸਟ ਟੀਮ ਤਸਵੀਰ ਵਿੱਚ ਹੈ। ਤਸਵੀਰ ‘ਚ ਉਹ ਸੈਲਫੀ ਲੈਂਦੇ ਨਜ਼ਰ ਆ ਰਹੇ ਹਨ। ਉੱਥੇ ਹੀ ਕਮੈਂਟ ਸੈਕਸ਼ਨ ‘ਚ ਫੈਨਸ ਉਨ੍ਹਾਂ ‘ਤੇ ਪਿਆਰ ਦੀ ਵਰਖਾ ਕਰ ਰਹੇ ਹਨ।
ਫਿਲਮ ਦਾ ਪਹਿਲਾ ਭਾਗ ਸਾਲ 2016 ਵਿੱਚ ਰਿਲੀਜ਼ ਹੋਇਆ ਸੀ, ਤੇ ਇਸਦਾ ਦੂਜਾ ਭਾਗ 2019 ਵਿੱਚ ਰਿਲੀਜ਼ ਹੋਇਆ ਸੀ। ਇਸ ਤੋਂ ਇਲਾਵਾ ਦੱਸ ਦਈਏ ਕਿ ਫਿਲਮ ਦੇ ਟਾਈਟਲ ਦਾ ਐਲਾਨ ਉਨ੍ਹਾਂ ਵਲੋਂ ਦੋ ਸਾਲਾਂ ਪਹਿਲਾਂ ਹੀ ਕਰ ਦਿੱਤਾ ਗਿਆ ਸੀ।
