Mumtaz Workout Video: 60-70 ਦੇ ਦਹਾਕੇ ਦੀ ਐਕਟਰਸ ਮੁਮਤਾਜ਼ ਦੇ ਫੈਨਸ ਦੀ ਅੱਜ ਵੀ ਕੋਈ ਕਮੀ ਨਹੀਂ ਹੈ। ਐਕਟਰਸ ਨੇ ਮੁਮਤਾਜ਼ ਨੇ ਅੱਜ ਆਪਣੇ ਆਪ ਨੂੰ ਫਿਲਮੀ ਪਰਦੇ ਤੋਂ ਦੂਰ ਕਰ ਲਿਆ ਹੈ, ਪਰ ਉਸ ਦੇ ਫੈਨਸ ਅਜੇ ਵੀ ਉਸ ਦੀ ਇੱਕ ਝਲਕ ਦੇਖਣ ਲਈ ਤਰਸਦੇ ਹਨ। ਹਾਲ ਹੀ ਵਿੱਚ ਉ੍ਹਾਂ ਨੇ ਆਪਣਾ ਇੰਸਟਾਗ੍ਰਾਮ ਡੈਬਿਊ ਕੀਤਾ ਹੈ ਤੇ ਸੋਸ਼ਲ ਮੀਡੀਆ ‘ਤੇ ਵੀ ਲਗਾਤਾਰ ਐਕਟਿਵ ਹੈ।
ਫਿਲਹਾਲ ਸੋਸ਼ਲ ਮੀਡੀਆ ‘ਤੇ ਮੁਮਤਾਜ਼ ਦਾ ਵਰਕਆਊਟ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ‘ਚ ਉਨ੍ਹਾਂ ਦੀ ਫਿਟਨੈੱਸ ਦੇਖ ਕੇ ਫੈਨਸ ਹੈਰਾਨ ਹਨ। 75 ਸਾਲ ਦੀ ਉਮਰ ‘ਚ ਮੁਮਤਾਜ਼ ਜਿਮ ‘ਚ ਪਸੀਨਾ ਵਹਾ ਰਹੀ ਹੈ। ਇਸ ਤੋਂ ਇਲਾਵਾ ਤੁਹਾਨੂੰ ਮੁਮਤਾਜ਼ ਦੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਉਸ ਦੀਆਂ ਸਾਰੀਆਂ ਨਵੀਆਂ ਪੁਰਾਣੀਆਂ ਫੋਟੋਆਂ-ਵੀਡੀਓ ਦੇਖਣ ਨੂੰ ਮਿਲਣਗੀਆਂ।
ਦੱਸ ਦਈਏ ਕਿ ਮੁਮਤਾਜ਼ 75 ਸਾਲ ਦੀ ਹੋ ਚੁੱਕੀ ਹੈ ਪਰ ਉਸ ਦੇ ਚਿਹਰੇ ਦੀ ਖੂਬਸੂਰਤੀ ਤੇ ਨੂਰ ਅਜੇ ਵੀ ਪੂਰੀ ਤਰ੍ਹਾਂ ਬਰਕਰਾਰ ਹੈ। ਐਕਟਰਸ ਆਪਣੇ ਸਮੇਂ ਦੀਆਂ ਖੂਬਸੂਰਤ ਅਤੇ ਮੰਗਣ ਵਾਲੀਆਂ ਸਟਾਰਸ ਚੋਂ ਇੱਕ ਸੀ। ਮੁਮਤਾਜ਼ ਨੇ ਦਾਰਾ ਸਿੰਘ ਅਤੇ ਧਰਮਿੰਦਰ ਨਾਲ ਕਈ ਫਿਲਮਾਂ ‘ਚ ਕੰਮ ਕੀਤਾ ਤੇ ਫਿਲਮੀ ਪਰਦੇ ‘ਤੇ ਵੀ ਉਨ੍ਹਾਂ ਦੀ ਜੋੜੀ ਨੂੰ ਖੂਬ ਪਸੰਦ ਕੀਤਾ ਗਿਆ।
View this post on Instagram
ਦੱਸ ਦੇਈਏ ਕਿ ਮੁਮਤਾਜ਼ ਨੇ 11 ਸਾਲ ਦੀ ਉਮਰ ਵਿੱਚ ਬਾਲ ਕਲਾਕਾਰ ਦੇ ਰੂਪ ਵਿੱਚ ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਇਸ ਦੇ ਨਾਲ ਹੀ 60 ਦੇ ਦਹਾਕੇ ‘ਚ ਉਹ ਲੀਡ ਐਕਟਰਸ ਦੇ ਤੌਰ ‘ਤੇ ਫਿਲਮਾਂ ‘ਚ ਨਜ਼ਰ ਆਉਣ ਲੱਗੀ। ਮੁਮਤਾਜ਼ ‘ਫੌਲਾਦ’, ‘ਡਾਕੂ ਮੰਗਲ ਸਿੰਘ’ ਵਰਗੀਆਂ ਕਈ ਐਕਸ਼ਨ ਫਿਲਮਾਂ ‘ਚ ਨਜ਼ਰ ਆਈ।
ਕਈ ਸ਼ਾਨਦਾਰ ਫਿਲਮਾਂ ‘ਚ ਕੰਮ ਕਰਨ ਤੋਂ ਬਾਅਦ ਮੁਮਤਾਜ਼ ਨੇ 13 ਸਾਲ ਦਾ ਬ੍ਰੇਕ ਲਿਆ ਤੇ 1990 ‘ਚ ਫਿਲਮ ‘ਆਂਧੀਆਂ’ ਨਾਲ ਵਾਪਸੀ ਕੀਤੀ। ਸਫਲ ਵਾਪਸੀ ਦੇ ਬਾਵਜੂਦ ਮੁਮਤਾਜ਼ ਨੇ ਸ਼ੋਅਬਿਜ਼ ਤੋਂ ਪੂਰੀ ਤਰ੍ਹਾਂ ਦੂਰੀ ਬਣਾ ਲਈ। ਹਾਲਾਂਕਿ ਕੁਝ ਸਮਾਂ ਪਹਿਲਾਂ ਮੁਮਤਾਜ਼ ਧਰਮਿੰਦਰ ਨਾਲ ‘ਇੰਡੀਅਨ ਆਈਡਲ 13’ ‘ਚ ਨਜ਼ਰ ਆਈ ਸੀ। ਇਸ ਰਿਐਲਿਟੀ ਸ਼ੋਅ ਵਿੱਚ ਉਸ ਦੇ ਡਾਂਸ ਅਤੇ ਲੁੱਕ ਨੇ ਇੱਕ ਵਾਰ ਫਿਰ ਸਾਰਿਆਂ ਨੂੰ ਕਾਇਲ ਕਰ ਦਿੱਤਾ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
