Harley Davidson X440 Bookings: ਹਾਰਲੇ ਡੇਵਿਡਸਨ ਨੇ Hero MotoCorp ਦੇ ਸਹਿਯੋਗ ਨਾਲ ਬਣਾਏ ਗਏ ਆਪਣੇ ਬਹੁਤ-ਉਡੀਕ ਮੋਟਰਸਾਈਕਲ ਦੀ ਬੁਕਿੰਗ ਸ਼ੁਰੂ ਕਰ ਦਿੱਤੀ ਹੈ। ਕੰਪਨੀ ਨੇ ਹਾਲ ਹੀ ਵਿੱਚ ਆਪਣੀ ਪਹਿਲੀ ਮੇਡ-ਇਨ-ਇੰਡੀਆ ਬਾਈਕ, ਹਾਰਲੇ ਡੇਵਿਡਸਨ X440 ਤੋਂ ਪਰਦਾ ਚੁੱਕਿਆ।
ਬਾਈਕ ਨੂੰ ਕੰਪਨੀ ਦੀ ਅਧਿਕਾਰਤ ਡੀਲਰਸ਼ਿਪ ਰਾਹੀਂ ਬੁੱਕ ਕੀਤਾ ਜਾ ਸਕਦਾ ਹੈ, ਜਿਸ ਲਈ 25,000 ਰੁਪਏ ਦੀ ਬੁਕਿੰਗ ਰਕਮ ਜਮ੍ਹਾ ਕਰਵਾਉਣੀ ਹੋਵੇਗੀ। ਭਾਰਤੀ ਬਾਜ਼ਾਰ ‘ਚ ਹਾਰਲੇ ਵੱਲੋਂ ਪੇਸ਼ ਕੀਤੀ ਜਾਣ ਵਾਲੀ ਇਹ ਸਭ ਤੋਂ ਸਸਤੀ ਬਾਈਕ ਹੋਵੇਗੀ ਤੇ ਇਸ ਨੂੰ ਅਧਿਕਾਰਤ ਤੌਰ ‘ਤੇ 3 ਜੁਲਾਈ ਨੂੰ ਲਾਂਚ ਕੀਤਾ ਜਾਵੇਗਾ।
ਡੀਲਰਸ਼ਿਪ ਸਰੋਤ ਤੋਂ ਮਿਲੀ ਜਾਣਕਾਰੀ ਮੁਤਾਬਕ, ਇਸਦੀ ਕੀਮਤ ਦਾ ਖੁਲਾਸਾ 3 ਜੁਲਾਈ ਨੂੰ ਇਸ ਬਾਈਕ ਦੇ ਲਾਂਚ ਹੋਣ ਤੋਂ ਬਾਅਦ ਹੀ ਹੋਵੇਗਾ। ਸੰਭਾਵਨਾ ਹੈ ਕਿ ਕੰਪਨੀ ਇਸ ਨੂੰ 2.5 ਲੱਖ ਤੋਂ 3 ਲੱਖ ਰੁਪਏ ਦੇ ਵਿਚਕਾਰ ਵਿਕਰੀ ਲਈ ਲਾਂਚ ਕਰੇਗੀ। ਇਸ ਦੀ ਡਿਲੀਵਰੀ ਇਸ ਸਾਲ ਸਤੰਬਰ ਮਹੀਨੇ ਤੋਂ ਸ਼ੁਰੂ ਹੋ ਸਕਦੀ ਹੈ, ਹਾਲਾਂਕਿ ਇਸ ਬਾਰੇ ਜ਼ਿਆਦਾ ਜਾਣਕਾਰੀ ਬਾਈਕ ਦੇ ਲਾਂਚ ਦੇ ਸਮੇਂ ਹੀ ਦਿੱਤੀ ਜਾਵੇਗੀ।
ਜਾਣੋ ਹਾਰਲੇ ਡੇਵਿਡਸਨ X440 ਬਾਰੇ
Harley-Davidson X440 ਨੂੰ ਆਧੁਨਿਕ-ਰੇਟਰੋ ਲੁੱਕ ਦਿੱਤਾ ਗਿਆ ਹੈ ਤੇ ਕੰਪਨੀ ਨੇ ਇਸ ਬਾਈਕ ਵਿੱਚ ਨਵਾਂ 440cc ਸਮਰੱਥਾ ਵਾਲਾ ਸਿੰਗਲ-ਸਿਲੰਡਰ ਇੰਜਣ ਵਰਤਿਆ ਹੈ ਜੋ 30-35 bhp ਦੀ ਪਾਵਰ ਜਨਰੇਟ ਕਰੇਗਾ। ਇਸ ਨੂੰ 6-ਸਪੀਡ ਟਰਾਂਸਮਿਸ਼ਨ ਨਾਲ ਜੋੜਿਆ ਜਾਵੇਗਾ ਅਤੇ ਇਸ ਨੂੰ ਸਟੈਂਡਰਡ ਦੇ ਤੌਰ ‘ਤੇ ਸਲਿੱਪਰ ਕਲਚ ਮਿਲਣ ਦੀ ਉਮੀਦ ਹੈ।
ਪਾਵਰ ਆਉਟਪੁੱਟ ਨੂੰ ਲੈ ਕੇ ਮੀਡੀਆ ਰਿਪੋਰਟਾਂ ‘ਚ ਕੀਤੇ ਜਾ ਰਹੇ ਦਾਅਵਿਆਂ ਨੂੰ ਦੇਖਦੇ ਹੋਏ ਕਿਹਾ ਜਾ ਸਕਦਾ ਹੈ ਕਿ ਇਹ ਇੰਜਣ ਮੌਜੂਦਾ ਰਾਇਲ ਐਨਫੀਲਡ ਦੇ ਸਭ ਤੋਂ ਜ਼ਿਆਦਾ ਵਿਕਣ ਵਾਲੇ ਮਾਡਲ ਕਲਾਸਿਕ 350 ‘ਚ ਵਰਤੇ ਜਾਣ ਵਾਲੇ ਇੰਜਣ ਤੋਂ ਜ਼ਿਆਦਾ ਪਾਵਰਫੁੱਲ ਹੋਵੇਗਾ। ਜੋ 20hp ਦੀ ਪਾਵਰ ਅਤੇ 27Nm ਦਾ ਟਾਰਕ ਜਨਰੇਟ ਕਰਦਾ ਹੈ।
ਬਾਈਕ ਦੇ ਅਗਲੇ ਹਿੱਸੇ ਨੂੰ ਟੈਲੀਸਕੋਪਿਕ ਫੋਰਕਸ ਦੀ ਬਜਾਏ USD ਫੋਰਕਸ ਮਿਲਦਾ ਹੈ, ਜਦਕਿ ਪਿਛਲਾ ਹਿੱਸਾ ਇਸ ਨੂੰ ਹੋਰ ਵੀ ਰਵਾਇਤੀ ਬਣਾਉਂਦਾ ਹੈ। ਬਾਈਕ ਦੇ ਪਿਛਲੇ ਹਿੱਸੇ ‘ਚ ਟਵਿਨ ਸ਼ੌਕ ਐਬਜ਼ਾਰਬਰਸ ਦਿੱਤੇ ਗਏ ਹਨ। ਬਾਈਕ ਦੇ ਦੋਨਾਂ ਸਿਰਿਆਂ ‘ਤੇ ਬਾਈਬਰ ਡਿਸਕ ਬ੍ਰੇਕ ਅਤੇ ਡਿਊਲ-ਚੈਨਲ ABS ਵੀ ਹਨ। ਇਸ ‘ਚ ਕੰਪਨੀ ਡਿਜੀਟਲ ਇੰਸਟਰੂਮੈਂਟ ਕਲੱਸਟਰ ਦੀ ਵਰਤੋਂ ਕਰ ਰਹੀ ਹੈ, ਹਾਲਾਂਕਿ ਇਹ LCD ਯੂਨਿਟ ਹੋ ਸਕਦਾ ਹੈ। ਕੰਪਨੀ ਨੇ ਪਿਛਲੇ CEAT ਟਾਇਰਾਂ ਦੀ ਬਜਾਏ MRF ਟਾਇਰਾਂ ਦੀ ਵਰਤੋਂ ਕੀਤੀ ਹੈ। ਇਸ ਦੇ ਅੱਗੇ 18-ਇੰਚ ਦਾ ਟਾਇਰ ਅਤੇ ਪਿਛਲੇ ਪਾਸੇ 17-ਇੰਚ ਦਾ ਟਾਇਰ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
