ਬ੍ਰਿਟੇਨ ਦੀ ਰਿਸ਼ੀ ਸੁਨਕ ਸਰਕਾਰ ਭਾਰਤੀ ਵਿਦਿਆਰਥੀਆਂ ਨੂੰ ਵੱਡਾ ਝਟਕਾ ਦੇਣ ਦੀ ਤਿਆਰੀ ‘ਚ ਹੈ।ਸਰਕਾਰ ਦੀ ਮਾਈਗ੍ਰੇਸ਼ਨ ਕਮੇਟੀ ਨੇ ਕੰਜਰਵੇਟਿਵ ਪਾਰਟੀ ਦੇ ਥਿੰਕ ਟੈਂਕ ਆਨਵਰਡ ਦੇ ਨਾਲ ਗ੍ਰੈਜੁਏਟ ਵੀਜ਼ਾ ਰੂਟ ਨੂੰ ਬੰਦ ਕਰਨ ਦ ਰਿਪੋਰਟ ਤਿਆਰ ਕੀਤੀ ਹੈ।ਜਾਣਕਾਰੀ ਮੁਤਾਬਕ ਮੰਗਲਵਾਰ ਨੂੰ ਸੁਨਕ ਕੈਬਿਨੇਟ ‘ਚ ਰਿਪੋਰਟ ਪੇਸ਼ ਹੋਵੇਗੀ।ਹਰ ਸਾਲ 91 ਹਜ਼ਾਰ ਭਾਰਤੀ ਵਿਦਿਆਰਥੀਆਂ ਨੂੰ ਗ੍ਰੈਜੂਏਸ਼ਨ ਰੂਟ ‘ਤੇ ਵੀਜ਼ਾ ਐਂਟਰੀ ਨਹੀਂ ਮਿਲ ਪਾਏਗੀ।ਅਜੇ ਹਰ ਸਾਲ ਬ੍ਰਿਟੇਨ ‘ਚ 1 ਲੱਖ 30 ਹਜ਼ਾਰ ਭਾਰਤੀ ਵਿਦਿਆਰਥੀਆਂ ਨੂੰ ਗ੍ਰੈਜੂਏਸ਼ਨ ਵੀਜ਼ਾ ਰੂਟ ਤੋਂ ਐਂਟਰੀ ਮਿਲਦੀ ਹੈ।
ਕਟੌਤੀ ਦੇ ਬਾਅਦ 39 ਹਜ਼ਾਰ ਭਾਰਤੀ ਵਿਦਿਆਰਥੀ ਨੂੰ ਹੀ ਵੀਜ਼ਾ ਜਾਰੀ ਹੋਵੇਗਾ।2021 ‘ਚ ਸ਼ੁਰੂ ਹੋਏ ਗ੍ਰੈਜੂਏਸ਼ਨ ਵੀਜ਼ਾ ਰੂਟ ਤੋਂ ਐਂਟਰੀ ਮਿਲਦੀ ਹੈ।ਹੋਰ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਨੂੰ ਮਾਸਟਰਸ ਦੀ ਪੜ੍ਹਾਈ ਪੂਰੀ ਹੋਣ ਦੇ ਦੋ ਸਾਲ ਬਾਅਦ ਤਕ ਬ੍ਰਿਟੇਨ ‘ਚ ਰਹਿਣ ਤੇ ਜਾਬ ਕਰਨ ਦੀ ਆਗਿਆ ਮਿਲਦੀ ਹੈ।ਦੂਜੇ ਪਾਸੇ ਵਿਰੋਧੀ ਲੇਬਟ ਪਾਰਟੀ ਦੇ ਪ੍ਰਧਾਨ ਕੀਥ ਸਟ੍ਰੇਮਰ ਨੇ ਕਿਹਾ, ਸਰਕਾਰ ਦਾ ਫੈਸਲਾ ਚੋਣਾਵੀ ਸਾਲ ‘ਚ ਭਾਰੀ ਪੈਣ ਵਾਲਾ ਹੈ।ਬ੍ਰਿਟੇਨ ‘ਚ ਰਹਿਣ ਵਾਲੇ 25 ਲੱਖ ਭਾਰਤੀ ਵੋਟਰ ਇਸ ਤੋਂ ਨਾਰਾਜ ਹਨ।
ਵਿਦਿਆਰਥੀਆਂ ਨੂੰ ਇਮੀਗ੍ਰੇਸ਼ਨ ਸਿਕਲਡ ਵਰਕਰ ਸ਼੍ਰੇਣੀ ‘ਤੇ ਰੋਕ ਲੱਗੇਗੀ: ਵਿਦਿਆਰਥੀਆਂ ਨੂੰ ਗ੍ਰੈਜੂਏਸ਼ਨ ਵੀਜ਼ਾ ਮਿਲਣ ਨਾਲ ਉਨ੍ਹਾਂ ਦਾ ਇਮੀਗ੍ਰੇਸ਼ਨ ਦਾ ਦਾਅਵਾ ਮਜ਼ਬੂਤ ਹੁੰਦਾ ਹੈ।ਕਿਉਂਕਿ ਪੜ੍ਹਾਈ ਦੇ ਬਾਅਦ ਦੋ ਸਾਲ ਦੇ ਸਟੇ ਦੀ ਛੋਟ ਮਿਲਣ ਨਾਲ ਇਨ੍ਹਾਂ ਵਿਦਿਆਰਥੀਆਂ ਨੂੰ ਸਕਿਲਡ ਵਰਕਰ ਦੀ ਕੈਟੇਗਰੀ ਮਿਲ ਜਾਂਦੀ ਹੈ।ਭਾਰਤੀ ਵਿਦਿਆਰਥੀਆਂ ‘ਚ ਕਰੀਬ 80 ਫੀਸਦੀ ਇਥੋਂ ਮੈਡੀਕਲ, ਇੰਜੀਨੀਅਰਿੰਗ ਤੇ ਲਾਅ ਦੀ ਪੜ੍ਹਾਈ ਦੇ ਲਈ ਆਉਂਦੇ ਹਨ।ਪੜ੍ਹਾਈ ਦੇ ਬਾਅਦ ਇਨ੍ਹਾਂ ਨੂੰ ਐਕਸਟੇਂਡੇਡ ਸਟੇ ਦੇ ਦੌਰਾਨ ਸਕਿਲਡ ਵਰਕਰ ਦੇ ਸਮਾਨ ਸੈਲਰੀ ਮਿਲਦੀ ਹੈ।ਬ੍ਰਿਟੇਨ ਦੇ ਗ੍ਰਹਿ ਮੰਤਰੀ ਜੇਮਸ ਕਲੈਵਰਲੀ ਦਾ ਕਹਿਣਾ ਹੈ ਕਿ ਦੇਖਣ ‘ਚ ਆਇਆ ਕਿ ਇਸ ਵੀਜ਼ਾ ਦੀ ਵਰਤੋਂ ਵਿਦਿਆਰਥੀ ਇਮੀਗ੍ਰੇਸ਼ਨ ਪਾਉਣ ਦੇ ਲਈ ਕਰਦੇ ਹਨ।
ਵਿਰੋਧ ਕਿਉਂ: ਫੀਸ ਦੇ 2 ਲੱਖ ਕਰੋੜ ਰੁ. ਮਿਲਣੇ ਬੰਦ ਹੋਣਗੇ, ਇਕਾਨਮੀ ‘ਤੇ ਅਸਰ
ਤਿੰਨ ਸਾਲਾਂ ‘ਚ 6 ਲੱਖ ਵਿਦਿਆਰਥੀਆਂ ਨੂੰ ਐਂਟਰੀ ਮਿਲੀ ਸੀ।ਸਾਬਕਾ ਸਿੱਖਿਆ ਮੰਤਰੀ ਨਿੱਕੀ ਮੋਰਗਨ ਦਾ ਕਹਿਣਾ ਹੈ ਕਿ ਹਰ ਸਾਲ ਫੀਸ ਦੇ ਦੋ ਲੱਖ ਕਰੋੜ ਰੁ, ਮਿਲਣੇ ਬੰਦ ਹੋਣਗੇ।ਇਕਾਨਮੀ ‘ਤੇ ਵੀ ਅਸਰ ਪਏਗਾ।ਸੇਂਟ ਐਂਡਰੂਜ ਯੂਨੀਵਰਸਿਟੀ ਦੀ ਚਾਂਸਲਰ ਸੈਲੀ ਮੈਪਸਟੋਨ ਦਾ ਕਹਿਣਾ ਹੈ ਕਿ ਭਾਰਤੀ ਵਿਦਿਆਰਥੀ ਮੈਡੀਕਲ-ਇੰਜੀਨੀਅਰਿੰਗ ਜਾਬਸ ‘ਚ ਵੱਡਾ ਯੋਗਦਾਨ ਦਿੰਦੇ ਹਨ।
ਬ੍ਰਿਟੇਨ: ਗ੍ਰੈਜੂਏਟ ਰੂਟ ਵੀਜ਼ਾ ਬੰਦ ਹੋਵੇਗਾ, 91 ਹਜ਼ਾਰ ਭਾਰਤੀ ਵਿਦਿਆਰਥੀਆਂ ਦੀ ਨੋ ਐਂਟਰੀ
