ਮਾਛੀਵਾੜਾ ਸਾਹਿਬ ਦੇ ਨੇੜ੍ਹਲੇ ਪਿੰਡ ਗੜ੍ਹੀ ਬੇਟ ਦਾ ਲਾਪਤਾ ਹੋਇਆ ਨੌਜਵਾਨ ਜਸਵੀਰ ਸਿੰਘ (35) ਦੀ ਲਾਸ਼ ਅੱਜ ਥਾਣਾ ਰਾਹੋਂ ਦੇ ਪਿੰਡ ਕਾਹਲੋਂ ਨੇੜ੍ਹੇ ਸੜਕ ਕਿਨਾਰੇ ਖੂਹ ‘ਚੋਂ ਬਰਾਮਦ ਹੋਈ, ਇਸ ਮਾਮਲੇ ‘ਚ ਪੁਲਿਸ ਨੇ ਜੋ ਸਨਸਨੀਖੇਜ਼ ਖੁਲਾਸਾ ਕੀਤਾ, ਉਸ ਵਿਚ ਦਿਓਰ ਪਰਮਿੰਦਰ ਰਾਮ ਉਰਫ਼ ਪਿੰਦੂ ਨੇ ਆਪਣੇ ਰਿਸ਼ਤੇ ‘ਚ ਲੱਗਦੀ ਭਾਬੀ ਨਾਲ ਨਜ਼ਾਇਜ਼ ਸੰਬੰਧਾਂ ‘ਚ ਅੜਿੱਕਾ ਬਣਦੇ ਆਪਣੇ ਮਮੇਰੇ ਭਰਾ ਦਾ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ।
ਇਹ ਵੀ ਪੜ੍ਹੋ : ਅਮਰੀਕਾ ‘ਚ ਪੰਜਾਬੀ ਨੌਜਵਾਨ ਦਾ ਕਤਲ, CCTV ਵੀਡੀਓ ਆਈ ਸਾਹਮਣੇ
ਪੁਲਿਸ ਦੁਆਰਾ ਦਿੱਤੀ ਜਾਣਕਾਰੀ ਅਨੁਸਾਰ ਗੜ੍ਹੀ ਬੇਟ ਦਾ ਇਹ ਨੌਜਵਾਨ ਜਸਵੀਰ ਸਿੰਘ ਦੁਬਈ ਰੁਜ਼ਗਾਰ ਕਰਦਾ ਸੀ ਤੇ ਕੁਝ ਦਿਨ ਪਹਿਲਾਂ ਹੀ ਉਹ ਆਪਣੇ ਪਿੰਡ ਪਰਤਿਆ ਸੀ ਤੇ ਜਦੋਂ ਉਹ ਵਾਪਿਸ ਆਪਣੇ ਪਿੰਡ ਪਰਤਿਆ ਤਾਂ ਉਸ ਨੂੰ ਪਤਾ ਲੱਗਿਆ ਕਿ ਉਸ ਦੀ ਪਤਨੀ ਦੇ ਨਜ਼ਾਇਜ਼ ਸੰਬੰਧਾਂ ਉਸ ਦੇ ਰਿਸ਼ਤੇ ‘ਚ ਲੱਗਦੇ ਭਰਾ ਨਾਲ ਹਨ।ਪਤਨੀ ਦੇ ਨਜ਼ਾਇਜ਼ ਸੰਬੰਧਾਂ ਕਾਰਨ ਘਰ ਵਿਚ ਕਲੇਸ਼ ਰਹਿਣ ਲੱਗ ਪਿਆ|
ਦਿਓਰ ਪਰਮਿੰਦਰ ਰਾਮ ਅਤੇ ਉਸਦੀ ਭਾਬੀ ਮਮਤਾ ਨੇ ਆਪਣੇ ਨਜ਼ਾਇਜ਼ ਸੰਬੰਧਾਂ ਵਿਚ ਜਸਵੀਰ ਸਿੰਘ ਨੂੰ ਅੜਿੱਕਾ ਦੇਖਦੇ ਹੋਏ ਉਸ ਨੂੰ ਕਤਲ ਕਰ ਰਸਤੇ ‘ਚੋਂ ਹਟਾਉਣ ਦੀ ਯੋਜਨਾ ਬਣਾਈ। 10 ਸਤੰਬਰ ਨੂੰ ਜਸਵੀਰ ਸਿੰਘ ਪੀਲੀਏ ਦੀ ਬਿਮਾਰੀ ਦੇ ਇਲਾਜ ਲਈ ਨਵਾਂਸ਼ਹਿਰ ਗਿਆ ਤੇ ਰਸਤੇ ਵਿੱਚ ਰਾਹੋਂ ਆਪਣੇ ਰਿਸ਼ਤੇਦਾਰ ਪਰਮਿੰਦਰ ਰਾਮ ਤੇ ਉਸ ਦੇ ਇੱਕ ਦੋਸਤ ਬਲਜਿੰਦਰ ਸਿੰਘ ਨਾਲ ਮਿਲ ਕੇ ਸ਼ਰਾਬ ਪੀਣ ਲੱਗ ਗਿਆ ਤੇ ਫਿਰ ਪਰਮਿੰਦਰ ਅਤੇ ਬਲਜਿੰਦਰ ਨੇ ਉਸ ਦਾ ਗਲਾ ਘੁੱਟ ਕੇ ਬੇਰਹਿਮੀ ਨਾਲ ਹੱਤਿਆ ਕਰ ਦਿੱਤੀ | ਉਸ ਤੋਂ ਬਾਅਦ ਜਸਵੀਰ ਸਿੰਘ ਦੀ ਲਾਸ਼ ਨੂੰ ਬੋਰੀ ਵਿਚ ਬੰਦ ਕਰ ਕਾਹਲੋਂ ਨੇੜ੍ਹੇ ਸੜਕ ਕਿਨਾਰੇ ਖੂਹ ‘ਚ ਸੁੱਟ ਦਿੱਤਾ |
ਡੀ.ਐਸ.ਪੀ ਵਰਿਆਮ ਸਿੰਘ ਨੇ ਦੱਸਿਆ ਕਿ ਮੁੱਢਲੀ ਜਾਂਚ ਵਿਚ ਇਹ ਸਾਹਮਣੇ ਆਇਆ ਹੈ ਕਿ ਜਸਵੀਰ ਸਿੰਘ ਦਾ ਕਾਤਲ ਉਸ ਦੇ ਰਿਸ਼ਤੇਦਾਰ ਪਰਮਿੰਦਰ ਰਾਮ ਤੇ ਪਰਮਿੰਦਰ ਰਾਮ ਦੇ ਦੋਸਤ ਬਲਜਿੰਦਰ ਸਿੰਘ ਨੇ ਗਲਾ ਘੁੱਟ ਕੇ ਕੀਤਾ ਹੈ ਤੇ ਇਸ ਸਾਜਿਸ਼ ਵਿਚ ਮ੍ਰਿਤਕ ਜਸਵੀਰ ਸਿੰਘ ਦੀ ਪਤਨੀ ਮਮਤਾ ਵੀ ਸ਼ਾਮਿਲ ਹੈ | ਮਾਛੀਵਾੜਾ ਪੁਲਿਸ ਵਲੋਂ ਤਿੰਨ ਵਿਅਕਤੀਆਂ ਖਿਲਾਫ਼ ਕਤਲ ਦੇ ਕਥਿਤ ਦੋਸ਼ ਹੇਠ ਮਾਮਲਾ ਦਰਜ ਕਰ ਲਿਆ ਗਿਆ ਹੈ, ਜਿਸ ਵਿਚ ਪਰਮਿੰਦਰ ਰਾਮ, ਬਲਜਿੰਦਰ ਸਿੰਘ ਤੇ ਮਮਤਾ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ ਬਲਜਿੰਦਰ ਸਿੰਘ ਨੂੰ ਨਬਾਲਗ ਹੋਣ ਕਰਕੇ ਜੇਲ੍ਹ ਵਿੱਚ ਭੇਜ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ : ਕੇਂਦਰੀ ਜੇਲ੍ਹ ਗੁਰਦਾਸਪੁਰ ਵਿਖੇ ਆਪਸ ‘ਚ ਭਿੜੇ ਕੈਦੀ, 7 ਜਖਮੀ
