ਨਵੀਂ ਦਿੱਲੀ: ਦਿੱਲੀ ਵਿੱਚ ਇੱਕ ਬਹੁਤ ਹੀ ਅਹਿਮ ਖ਼ਬਰ ਸਾਹਮਣੇ ਆਈ ਹੈ , ਪੌਸ਼ ਖੇਤਰ ਸਿਵਲ ਲਾਈਨਜ਼ ‘ਚ ਐਤਵਾਰ ਸਵੇਰੇ ਰੀਅਲ ਅਸਟੇਟ ਕਾਰੋਬਾਰੀ ਰਾਮ ਕਿਸ਼ੋਰ ਅਗਰਵਾਲ ਦੀ ਹੱਤਿਆ ਕਰ ਦਿੱਤੀ ਗਈ। ਹੁਣ ਇਸ ਘਟਨਾ ਦੀ ਵੀਡੀਓ ਸਾਹਮਣੇ ਆਈ ਹੈ। ਸਿਵਲ ਲਾਈਨ ਕਤਲ ਦੀ ਸੀਸੀਟੀਵੀ ਫੁਟੇਜ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਦੋ ਲੜਕੇ ਜਾਨੀਕਿ ਮੁਲਜ਼ਮ ਕੋਠੀ ਦੀ ਚਾਰਦੀਵਾਰੀ ਤੋਂ ਛਾਲ ਮਾਰਦੇ ਦਿਖਾਈ ਦੇ ਰਹੇ ਹਨ। ਇਨ੍ਹਾਂ ਵਿੱਚੋਂ ਇੱਕ ਲੜਕੇ ਨੇ ਬੈਗ ਪਿੱਛੇ ਲਟਕਾਇਆ ਹੋਇਆ ਹੈ। ਸੀਮਾ ਪਾਰ ਕਰਨ ਤੋਂ ਬਾਅਦ ਦੋਵੇਂ ਲੜਕੇ ਬਾਈਕ ‘ਤੇ ਸਵਾਰ ਹੋ ਕੇ ਭੱਜ ਗਏ।
दिल्ली के सिविल लाइन्स में बिल्डर रामकिशोर अग्रवाल की हत्या में शामिल लोगों का सीसीटीवी,2 संदिग्ध घर की बाउंड्री वाल कूदकर बाइक से फरार हो जाते हैं,एक शख्स ने पीछे बैग टांगा हुआ है pic.twitter.com/g644LYQYg3
— Mukesh singh sengar मुकेश सिंह सेंगर (@mukeshmukeshs) May 2, 2022
ਜਾਣਕਾਰੀ ਮੁਤਾਬਿਕ ਰਾਮ ਕਿਸ਼ੋਰ ਜ਼ਮੀਨੀ ਮੰਜ਼ਿਲ ‘ਤੇ ਸੌਂ ਰਿਹਾ ਸੀ, ਜਦੋਂ ਕਿ ਪਰਿਵਾਰ ਦੇ ਬਾਕੀ ਮੈਂਬਰ ਪਹਿਲੀ ਮੰਜ਼ਿਲ ‘ਤੇ ਸੌਂ ਰਹੇ ਸਨ। ਫਿਰ ਇਸ ਘਟਨਾ ਨੂੰ ਅੰਜਾਮ ਦਿੱਤਾ ਗਿਆ। ਘਟਨਾ ਤੋਂ ਬਾਅਦ ਬਦਮਾਸ਼ਾਂ ਨੂੰ ਭੱਜਦਾ ਦੇਖ ਕੇ ਸੁਰੱਖਿਆ ਗਾਰਡ ਨੇ ਅਲਾਰਮ ਵੱਜਿਆ, ਜਿਸ ਤੋਂ ਬਾਅਦ ਬਾਕੀ ਲੋਕ ਗਰਾਊਂਡ ਫਲੋਰ ‘ਤੇ ਆ ਗਏ। ਰਾਮ ਕਿਸ਼ੋਰ ਖੂਨ ਨਾਲ ਲਥਪਥ ਮੰਜੇ ‘ਤੇ ਪਿਆ ਸੀ। ਜਿਸ ਤੋਂ ਬਾਅਦ ਉਸ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ ।
ਰਾਮਕਿਸ਼ੋਰ ਦੀ ਲਾਸ਼ ਅਤੇ ਗਲਾ ਚਾਕੂ ਨਾਲ ਥਾਂ-ਥਾਂ ਤੋਂ ਕੱਟਿਆ ਗਿਆ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਜ਼ਿਲੇ ਦੀ ਪੁਲਿਸ ਅਤੇ ਉੱਚ ਅਧਿਕਾਰੀ ਮੌਕੇ ‘ਤੇ ਪਹੁੰਚ ਗਏ। ਮੌਕੇ ਤੋਂ ਸਬੂਤ ਇਕੱਠੇ ਕੀਤੇ ਗਏ। ਘਰ ‘ਚੋਂ ਨਕਦੀ ਤੇ ਕੀਮਤੀ ਸਾਮਾਨ ਗਾਇਬ ਸੀ। ਪੁਲਿਸ ਨੇ ਸੀਸੀਟੀਵੀ ਕੈਮਰਿਆਂ ਦੀ ਰਿਕਾਰਡਿੰਗ ਆਪਣੇ ਕਬਜ਼ੇ ਵਿੱਚ ਲੈ ਲਈ ਅਤੇ ਕੋਠੀ ਵਿੱਚ ਕੰਮ ਕਰਦੇ ਤਿੰਨ ਨੌਕਰਾਂ, ਇੱਕ ਸੁਰੱਖਿਆ ਗਾਰਡ ਅਤੇ ਇੱਕ ਨੌਕਰਾਣੀ ਤੋਂ ਵੱਖ-ਵੱਖ ਪੁੱਛਗਿੱਛ ਕੀਤੀ। ਪੁਲਿਸ ਨੂੰ ਇਸ ਘਟਨਾ ਪਿੱਛੇ ਕਿਸੇ ਅੰਦਰੂਨੀ ਸਬੰਧ ਦਾ ਸ਼ੱਕ ਹੈ। ਸੀਸੀਟੀਵੀ ਫੁਟੇਜ ਵਿੱਚ ਦੋ ਬਾਈਕ ਸਵਾਰ ਜਾਂਦੇ ਹੋਏ ਦਿਖਾਈ ਦੇ ਰਹੇ ਹਨ। ਇਸ ਮਾਮਲੇ ਦੀ ਜਾਂਚ ਵਿੱਚ ਜ਼ਿਲ੍ਹੇ ਦੇ ਸਾਈਬਰ ਸੈੱਲ, ਏ.ਏ.ਟੀ.ਐਸ., ਸਪੈਸ਼ਲ ਸਟਾਫ਼ ਤੋਂ ਇਲਾਵਾ ਕ੍ਰਾਈਮ ਬ੍ਰਾਂਚ ਵੀ ਆਪਣੇ ਪੱਧਰ ‘ਤੇ ਕੰਮ ਕਰ ਰਹੀ ਹੈ। ਰਾਮ ਕਿਸ਼ੋਰ ਅਗਰਵਾਲ ਅਤੇ ਉਨ੍ਹਾਂ ਦਾ ਪਰਿਵਾਰ ਸਿਵਲ ਲਾਈਨ ਇਲਾਕੇ ਦਾ ਮੰਨੇ-ਪ੍ਰਮੰਨੇ ਵਪਾਰੀ ਪਰਿਵਾਰ ਹੈ। ਰਾਮ ਕਿਸ਼ੋਰ ਅਗਰਵਾਲ ਆਪਣੇ ਪਰਿਵਾਰ ਨਾਲ ਕੋਠੀ ਨੰਬਰ-1, ਰਾਮ ਕਿਸ਼ੋਰ ਅਗਰਵਾਲ ਮਾਰਗ, ਸਿਵਲ ਲਾਈਨ ਇਲਾਕੇ ਵਿੱਚ ਰਹਿੰਦਾ ਸੀ।
