CEO Parag Agrawal: ਟਵਿਟਰ ਨੂੰ ਖਰੀਦਣ ਤੋਂ ਬਾਅਦ, ਨਵੇਂ ਮਾਲਕ ਐਲੋਨ ਮਸਕ (Elon Musk) ਨੇ ਫੈਸਲੇ ਲੈਣੇ ਸ਼ੁਰੂ ਕਰ ਦਿੱਤੇ ਹਨ। ਉਨ੍ਹਾਂ ਨੇ ਟਵਿਟਰ ਦੇ ਸੀਈਓ ਪਰਾਗ ਅਗਰਵਾਲ (CEO Parag Agrawal) ਨੂੰ ਕੰਪਨੀ ਤੋਂ ਬਾਹਰ ਦਾ ਰਸਤਾ ਦਿਖਾ ਦਿੱਤਾ ਹੈ। ਹਾਲਾਂਕਿ ਇਸ ਪੂਰੇ ਮਾਮਲੇ ‘ਤੇ ਟਵਿਟਰ ਵੱਲੋਂ ਕੋਈ ਅਧਿਕਾਰਤ ਬਿਆਨ ਜਾਰੀ ਨਹੀਂ ਕੀਤਾ ਗਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਜੇਕਰ ਪਰਾਗ ਅਗਰਵਾਲ ਨੂੰ ਕੰਪਨੀ ਤੋਂ ਕੱਢਿਆ ਜਾਂਦਾ ਹੈ ਤਾਂ ਟਵਿਟਰ ਨੂੰ ਉਨ੍ਹਾਂ ਨੂੰ ਵੱਡੀ ਰਕਮ ਅਦਾ ਕਰਨੀ ਪਵੇਗੀ।
ਇਹ ਵੀ ਪੜ੍ਹੋ : Elon Musk: Twitter ਦੇ ਮਾਲਕ ਬਣਦੇ ਹੀ Elon Musk ਦਾ ਵੱਡਾ ਐਕਸ਼ਨ,CEO ਸਮੇਤ ਤਿੰਨ ਉੱਚ ਅਧਿਕਾਰੀਆਂ ਨੂੰ ਕੀਤਾ ਬਰਖ਼ਾਸਤ
ਪਰਾਗ ਨੂੰ ਕਰੀਬ 346 ਕਰੋੜ ਰੁਪਏ ਮਿਲਣਗੇ
ਦੱਸ ਦਈਏ ਕਿ ਟਵਿੱਟਰ ‘ਤੇ ਉੱਚ ਅਹੁਦਿਆਂ ‘ਤੇ ਬੈਠੇ ਅਧਿਕਾਰੀਆਂ ਨੂੰ ਅਹੁਦਾ ਸੰਭਾਲਣ ਦੇ ਨਾਲ ਹੀ ਉਨ੍ਹਾਂ ਨੂੰ ਕੰਪਨੀ ਦੇ ਕੁਝ ਸ਼ੇਅਰ ਵੀ ਦਿੱਤੇ ਜਾਂਦੇ ਹਨ। ਇਸੇ ਤਰ੍ਹਾਂ ਜਦੋਂ ਪਰਾਗ ਟਵਿਟਰ ਦੇ ਸੀਈਓ ਬਣੇ ਤਾਂ ਉਨ੍ਹਾਂ ਦੇ ਨਾਂ ਵੀ ਸ਼ੇਅਰ ਕੀਤੇ ਗਏ। ਹੁਣ ਜਦੋਂ ਉਸ ਨੂੰ ਟਵਿੱਟਰ ਤੋਂ ਹਟਾਇਆ ਜਾ ਰਿਹਾ ਹੈ ਤਾਂ ਐਲੋਨ ਮਸਕ ਨੂੰ ਉਸ ਨੂੰ ਵੱਡੀ ਰਕਮ ਅਦਾ ਕਰਨੀ ਪਵੇਗੀ। ਇਕ ਖਬਰ ਮੁਤਾਬਕ ਪਰਾਗ ਅਗਰਵਾਲ ਨੂੰ ਲਗਭਗ 42 ਮਿਲੀਅਨ ਡਾਲਰ (346 ਕਰੋੜ ਰੁਪਏ) ਦਾ ਭੁਗਤਾਨ ਕੀਤਾ ਜਾਵੇਗਾ।
ਇਸ ਸਾਲ ਅਪ੍ਰੈਲ ‘ਚ ਜਦੋਂ ਪਹਿਲੀ ਵਾਰ ਇਹ ਖੁਲਾਸਾ ਹੋਇਆ ਸੀ ਕਿ ਐਲੋਨ ਮਸਕ ਟਵਿੱਟਰ ਖਰੀਦਣਗੇ ਤਾਂ ਕਿਹਾ ਜਾ ਰਿਹਾ ਸੀ ਕਿ ਮਸਕ ਪਹਿਲਾਂ ਪਰਾਗ ਅਗਰਵਾਲ ਨੂੰ ਛੱਡਣਗੇ। ਇਸ ਬਾਰੇ ਕਈ ਰਿਪੋਰਟਾਂ ਵੀ ਲਿਖੀਆਂ ਗਈਆਂ ਹਨ। ਹੁਣ ਜਦੋਂ ਐਲੋਨ ਮਸਕ ਟਵਿੱਟਰ ਦੇ ਬੌਸ ਬਣ ਗਏ ਹਨ ਅਤੇ ਸੀਈਓ ਪਰਾਗ ਅਗਰਵਾਲ ਨੂੰ ਅਹੁਦੇ ਤੋਂ ਹਟਾ ਦਿੱਤਾ ਹੈ, ਇੱਕ ਰਿਸਰਚ ਫਰਮ ਈਕੁਲਰ ਨੇ ਇਹ ਹਿਸਾਬ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਹੈ ਕਿ ਅਗਰਵਾਲ ਨੂੰ ਕਿੰਨਾ ਪੈਸਾ ਮਿਲੇਗਾ।
3 ਅਰਬ ਤੋਂ ਵੱਧ ਦਾ ਮੁਆਵਜ਼ਾ
ਫਰਮ ਨੇ ਕਿਹਾ ਹੈ ਕਿ ਜੇਕਰ ਪਰਾਗ ਅਗਰਵਾਲ ਨੂੰ ਸੋਸ਼ਲ ਮੀਡੀਆ ਕੰਪਨੀ ਦੇ ਕੰਟਰੋਲ ‘ਚ ਬਦਲਾਅ ਦੇ 12 ਮਹੀਨਿਆਂ ਦੇ ਅੰਦਰ ਖਤਮ ਕਰ ਦਿੱਤਾ ਜਾਂਦਾ ਹੈ ਤਾਂ ਉਸ ਨੂੰ ਲਗਭਗ 42 ਮਿਲੀਅਨ ਡਾਲਰ ਜਾਂ 3,457,145,328 ਰੁਪਏ (ਸਾਢੇ 3 ਅਰਬ) ਮਿਲਣਗੇ। ਨਿਊਜ਼ ਏਜੰਸੀ ਰਾਇਟਰਜ਼ ਮੁਤਾਬਕ ਇਸ ਰਿਸਰਚ ਫਰਮ ਨੇ ਪਰਾਗ ਅਗਰਵਾਲ ਦੀ ਬੇਸ ਸੈਲਰੀ, ਇਕ ਸਾਲ ਦੀ ਕਮਾਈ ਅਤੇ ਸਾਰੇ ਇਕੁਇਟੀ ਅਵਾਰਡ ਦੇ ਆਧਾਰ ‘ਤੇ ਇਸ ਰਕਮ ਦਾ ਅੰਦਾਜ਼ਾ ਲਗਾਇਆ ਹੈ। ਇਹ ਅਨੁਮਾਨ ਐਲੋਨ ਮਸਕ ਦੁਆਰਾ ਟਵਿੱਟਰ ਦੇ ਪ੍ਰਤੀ ਸ਼ੇਅਰ ਦੀ ਪੇਸ਼ਕਸ਼ ਕੀਤੀ $54.20 ਕੀਮਤ ‘ਤੇ ਅਧਾਰਤ ਹੈ।
ਇਹ ਵੀ ਪੜ੍ਹੋ : Ram Rahim: ਪੈਰੋਲ ‘ਤੇ ਆਇਆ ਰਾਮ ਰਹੀਮ ਕਿਵੇਂ ਕਰ ਸਕਦਾ ਗਾਣਾ ਰਿਲੀਜ਼ ਤੇ ਸਤਿਸੰਗ ? ਸਵਾਲ ‘ਤੇ ਘਿਰੇ ਭਾਜਪਾ ਮੰਤਰੀ …
