ਜੂਨ ਦੇ ਅੰਤ ਤੱਕ ਜਿੱਥੇ ਕੜਾਕੇ ਦੀ ਗਰਮੀ ਨੇ ਸਭ ਨੂੰ ਪਰੇਸ਼ਾਨ ਕਰ ਦਿੱਤਾ ਸੀ। ਹਰ ਕੋਈ ਗਰਮੀ ਤੋਂ ਬਚਣ ਦੀ ਕੋਸ਼ਿਸ਼ ਵਿੱਚ ਲੱਗਾ ਹੋਇਆ ਸੀ। ਇੰਨਾ ਹੀ ਨਹੀਂ ਗਰਮੀ ਕਾਰਨ ਝੀਲਾਂ ਅਤੇ ਛੱਪੜ ਵੀ ਸੁੱਕ ਰਹੇ ਸਨ। ਚੰਡੀਗੜ੍ਹ ਦੀ ਜੀਵਨ ਰੇਖਾ ਸੁਖਨਾ ਝੀਲ ਦੀ ਹਾਲਤ ਸਾਲ 2016 ਵਰਗੀ ਹੋਣ ਲੱਗੀ ਸੀ ਜਦੋਂ ਪਾਣੀ ਸੁੱਕਣ ਕਾਰਨ ਝੀਲ ਵਿੱਚ ਸਾਰੀਆਂ ਬੋਟਿੰਗ ਵਾਟਰ ਸਪੋਰਟਸ ਨੂੰ ਬੰਦ ਕਰਨਾ ਪਿਆ ਸੀ ਪਰ ਕਿਸੇ ਨੇ ਇਹ ਨਹੀਂ ਸੋਚਿਆ ਸੀ ਕਿ ਸਾਵਨ ਦੇ ਇੱਕ ਹਫ਼ਤੇ ‘ਚ ਹੀ ਝੀਲ ਉਸੇ ਤਰ੍ਹਾਂ ਭਰ ਜਾਵੇਗੀ।
ਚੰਡੀਗੜ੍ਹ ਵਿੱਚ ਮਾਨਸੂਨ ਸ਼ੁਰੂ ਹੋਣ ਤੋਂ ਬਾਅਦ ਜ਼ੋਰਦਾਰ ਮੀਂਹ ਪੈ ਰਿਹਾ ਹੈ। ਸੁਖਨਾ ਝੀਲ ਬਰਸਾਤ ਦੇ ਪਾਣੀ ਨਾਲ ਭਰ ਗਈ ਹੈ। ਹੁਣ ਝੀਲ ਦੇ ਫਲੱਡ ਗੇਟ ਖੋਲ੍ਹਣ ਦਾ ਸਮਾਂ ਆ ਗਿਆ ਹੈ। ਝੀਲ ਦੇ ਪਾਣੀ ਦਾ ਪੱਧਰ ਖਤਰੇ ਦੇ ਨਿਸ਼ਾਨ ਦੇ ਨੇੜੇ ਪਹੁੰਚ ਗਿਆ ਹੈ। ਐਤਵਾਰ ਸਵੇਰੇ ਭਾਰੀ ਮੀਂਹ ਤੋਂ ਬਾਅਦ ਝੀਲ ਦੇ ਪਾਣੀ ਦਾ ਪੱਧਰ 1161.5 ਫੁੱਟ ਦੇ ਨੇੜੇ ਪਹੁੰਚ ਗਿਆ। ਪਾਣੀ ਦਾ ਪੱਧਰ 1162 ਫੁੱਟ ਦੇ ਨੇੜੇ ਨੂੰ ਖਤਰੇ ਦੇ ਨਿਸ਼ਾਨ ਤੋਂ ਉਪਰ ਮੰਨਿਆ ਜਾ ਜਾਂਦਾ ਹੈ। 1163 ਫੁੱਟ ‘ਤੇ ਪਹੁੰਚਦੇ ਹੀ ਫਲੱਡ ਗੇਟ ਖੋਲ੍ਹਣੇ ਪੈਂਦੇ ਹਨ। ਹੁਣ ਝੀਲ ਦੇ ਫਲੱਡ ਗੇਟ ਕਿਸੇ ਵੀ ਸਮੇਂ ਖੋਲ੍ਹੇ ਜਾ ਸਕਦੇ ਹਨ।
24 ਘੰਟੇ ਨਿਗਰਾਨੀ
ਸੁਖਨਾ ਝੀਲ ਦੇ ਪਾਣੀ ਦਾ ਪੱਧਰ ਖਤਰੇ ਦੇ ਨਿਸ਼ਾਨ ‘ਤੇ ਪਹੁੰਚਣ ਕਾਰਨ ਯੂਟੀ ਪ੍ਰਸ਼ਾਸਨ ਅਲਰਟ ‘ਤੇ ਹੈ। ਪ੍ਰਸ਼ਾਸਨ ਦੇ ਇੰਜੀਨੀਅਰਿੰਗ ਵਿਭਾਗ ਦੀ ਟੀਮ 24 ਘੰਟੇ ਝੀਲ ਦੀ ਨਿਗਰਾਨੀ ਕਰ ਰਹੀ ਹੈ। ਹੁਣ ਝੀਲ ਦੇ ਫਲੱਡ ਗੇਟ ਕਿਸੇ ਵੀ ਸਮੇਂ ਖੋਲ੍ਹੇ ਜਾ ਸਕਦੇ ਹਨ। ਇਸ ਤੋਂ ਪਹਿਲਾਂ ਪ੍ਰਸ਼ਾਸਨ ਨੇ ਪੰਚਕੂਲਾ ਅਤੇ ਮੁਹਾਲੀ ਪ੍ਰਸ਼ਾਸਨ ਨੂੰ ਸੂਚਨਾ ਦੇ ਕੇ ਅਲਰਟ ਭੇਜਿਆ ਹੈ। ਅਜਿਹਾ ਇਸ ਲਈ ਕਿਉਂਕਿ ਝੀਲ ਦਾ ਪਾਣੀ ਸੁਖਨਾ ਚੋਅ ਤੋਂ ਹੋ ਕੇ ਲੇਕ ਦਾ ਪਾਣੀ ਘੱਗਰ ਤੱਕ ਪਹੁੰਚਦਾ ਹੈ। ਸੁਖਨਾ ਚੋਅ ਚੰਡੀਗੜ੍ਹ ਇੰਡਸਟਰੀਅਲ ਏਰੀਆ ਰਾਹੀਂ ਬਲਟਾਣਾ ਰਾਹੀਂ ਘੱਗਰ ਤੱਕ ਪਹੁੰਚਾਉਂਦੀ ਹੈ। ਚੋਅ ਦੇ ਰਸਤੇ ‘ਤੇ ਬਾਪੂ ਧਾਮ, ਇੰਡਸਟਰੀਅਲ ਏਰੀਆ ਦੀ ਕਲੋਨੀ ਸਮੇਤ ਕਈ ਰਿਹਾਇਸ਼ੀ ਇਲਾਕੇ ਪੈਂਦੇ ਹਨ। ਇਸ ਕਾਰਨ ਪ੍ਰਸ਼ਾਸਨ ਫਲੱਡ ਗੇਟ ਖੋਲ੍ਹਣ ਤੋਂ ਪਹਿਲਾਂ ਸਾਰੇ ਸੁਖਨਾ ਚੋਅ ਕਰਾਸਿੰਗਾਂ ‘ਤੇ ਪੁਲਸ ਤਾਇਨਾਤ ਕਰ ਅਲਰਟ ਕਰੇਗਾ।
