ਪੰਜਾਬ ਦੇ ਨਵੇਂ ਸੀਅੇੱਮ ਚਰਨਜੀਤ ਸਿੰਘ ਚੰਨੀ ਨੂੰ ਲੈ ਕੇ ਇੱਕ ਨਵਾਂ ਵਿਵਾਦ ਸ਼ੁਰੂ ਹੋ ਗਿਆ ਹੈ।ਉਨਾਂ੍ਹ ਨੇ ਸੋਮਵਾਰ ਨੂੰ ਮੁੱਖ ਮੰਤਰੀ ਅਹੁਦੇ ਦੀ ਸਹੁੰ ਚੁੱਕੀ ਸੀ।ਇਸ ਤੋਂ ਬਾਅਦ ਇੱਕ ਵੀਡੀਓ ਰਾਹੀਂ ਕਿਹਾ ਜਾ ਰਿਹਾ ਹੈ ਕਿ ਸੀਐੱਮ ਨੇ ਰਾਹੁਲ ਗਾਂਧੀ ਦੇ ਪੈਰ ਛੂਹੇ।ਇਸ ਨੂੰ ਲੈ ਕੇ ਚਰਚਾ ਹੋ ਰਹੀ ਹੈ ਕਿ ਚੰਨੀ ਹੁਣ ਸੰਵਿਧਾਨਿਕ ਅਹੁਦੇ ‘ਤੇ ਹੈ।ਉਨਾਂ੍ਹ ਨੇ ਉਸਦੀ ਮਰਿਆਦਾ ਤੋੜੀ ਹੈ, ਦੱਸਣਯੋਗ ਹੈ ਕਿ ਰਾਹੁਲ ਗਾਂਧੀ ਉਨ੍ਹਾਂ ਤੋਂ ਉਮਰ ‘ਚ ਛੋਟੇ ਹਨ।ਇਸ ਨੂੰ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਵੀ ਚਰਚਾ ਹੋ ਰਹੀ ਹੈ।ਇਹ ਵੀਡੀਓ ਉਸ ਦਿਨ ਸਾਰੇ ਸੋਸ਼ਲ ਮੀਡੀਆ ‘ਤੇ ਲਾਈਵ ਟੈਲੀਕਾਸਟ ਦੌਰਾਨ ਹੀ ਸਾਹਮਣੇ ਆਇਆ।
ਹਾਲਾਂਕਿ ਇਸ ਨੂੰ ਲੈ ਕੇ ਸੀਐੱਮ ਜਾਂ ਉਨ੍ਹਾਂ ਦੇ ਪੱਖ ਵਲੋਂ ਕੋਈ ਪ੍ਰਤੀਕਿਰਿਆ ਨਹੀਂ ਆਈ ਹੈ।ਪੰਜਾਬ ਦੇ ਗਵਰਨਰ ਬੀਐੱਲ ਪੁਰੋਹਿਤ ਨੇ ਚਰਨਜੀਤ ਚੰਨੀ ਨੂੰ ਪੰਜਾਬ ਦੇ ਮੁੱਖ ਮੰਤਰੀ ਦੀ ਸਹੁੰ ਦਿਵਾਈ।ਇਸ ਤੋਂ ਬਾਅਦ ਸਹੁੰ ਚੁੱਕ ਸਮਾਰੋਹ ਖਤਮ ਹੋ ਗਿਆ।ਰਾਹੁਲ ਗਾਂਧੀ ਕਰੀਬ 22 ਮਿੰਟ ਦੀ ਦੇਰੀ ਤੋਂ ਪਹੁੰਚੇ ਸਨ।ਜਦੋਂ ਚੰਨੀ ਦਾ ਬਤੌਰ ਮੁੱਖ ਮੰਤਰੀ ਸਨਮਾਨ ਹੋ ਰਿਹਾ ਸੀ ਤਾਂ ਰਾਹੁਲ ਗਾਂਧੀ ਵੀ ਪਹੁੰਚ ਗਏ।ਪਹਿਲਾਂ ਨਵਜੋਤ ਸਿੱਧੂ ਰਾਹੁਲ ਗਾਂਧੀ ਦੇ ਨੇੜੇ ਅਤੇ ਝੁਕ ਕੇ ਉਨ੍ਹਾਂ ਦਾ ਸਵਾਗਤ ਕੀਤਾ।ਇਸ ਤੋਂ ਬਾਅਦ ਚਰਨਜੀਤ ਚੰਨੀ ਆਏ ਅਤੇ ਰਾਹੁਲ ਗਾਂਧੀ ਦੇ ਅੱਗੇ ਝੁਕੇ।ਇਸ ਤੋਂ ਕਿਹਾ ਜਾ ਰਿਹਾ ਹੈ ਕਿ ਚੰਨੀ ਨੇ ਰਾਹੁਲ ਗਾਂਧੀ ਦੇ ਪੈਰ ਛੂਹੇ।
ਉਸ ਸਮੇਂ ਇਹ ਸਾਰਾ ਦ੍ਰਿਸ਼ ਜਦੋਂ ਹੋਇਆ, ਤਾਂ ਗਵਰਨਰ ਵੀ ਨਹੀਂ ਸਟੇਜ ‘ਤੇ ਖੜੇ ਸਨ।ਪੰਜਾਬ ਦੇ ਨਵੇਂ ਸੀਐੱਮ ਚਰਨਜੀਤ ਚੰਨੀ ਨਾਲ ਜੁੜੇ ਕਈ ਮਾਮਲੇ ਸਾਹਮਣੇ ਆ ਚੁੱਕੇ ਹਨ।ਇਨ੍ਹਾਂ ‘ਚ ਟਾਸ ਤੋਂ ਪੋਸਟਿੰਗ ਦਾ ਫੈਸਲਾ, ਮੁੱਖ ਮੰਤਰੀ ਬਣਨ ਲਈ ਹਾਥੀ ਦੀ ਸਵਾਰੀ, ਵਾਸਤੂ ਦੇ ਹਿਸਾਬ ਨਾਲ ਸਰਕਾਰੀ ਘਰ ਦੀ ਐਂਟਰੀ ਲਈ ਗ੍ਰੀਨ ਬੈਲਟ ਤੁੜਵਾਉਣਾ ਸ਼ਾਮਲ ਹੈ।
ਇਸ ਤੋਂ ਇਲਾਵਾ ਮਹਿਲਾ ਆਈਏਐਸ ਅਫਸਰ ਨੂੰ ਇਤਰਾਜ਼ਯੋਗ ਮੈਸੇਜ ਭੇਜਣ ਦੇ ਵੀ ਉਨ੍ਹਾਂ ‘ਤੇ ਦੋਸ਼ ਲੱਗੇ ਸਨ।ਕੈਪਟਨ ਅਮਰਿੰਦਰ ਸਿੰਘ ਦੇ ਤਖਤਾਪਲਟ ਤੋਂ ਬਾਅਦ ਸੁਨੀਲ ਜਾਖੜ ਕਾਂਗਰਸ ਹਾਈਕਮਾਨ ਦੀ ਪਹਿਲੀ ਪਸੰਦ ਸਨ।ਜਾਖੜ ਨੂੰ ਵੀ ਬੈਂਗਲੁਰੂ ਤੋਂ ਵਾਪਸ ਬੁਲਾਇਆ ਗਿਆ।ਕਾਂਗਰਸ ਪਾਰਟੀ ਪ੍ਰਧਾਨ ਸਿੱਖ ਅਤੇ ਸੀਐੱਮ ਹਿੰਦੂ ਬਣਾ ਸਿਆਸੀ ਸੰਤੁਲਨ ਸਾਧਨਾ ਚਾਹੁੰਦੀ ਸੀ।ਹਾਲਾਂਕਿ ਵਿਧਾਇਕ ਦਲ ਦੀ ਬੈਠਕ ‘ਚ ਵਿਰੋਧ ਸ਼ੁਰੂ ਹੋ ਗਿਆ।ਪੰਜਾਬ ਨੂੰ ਸਿੱਖ ਸਟੇਟ ਦੱਸ ਸਿੱਖ ਚਿਹਰੇ ਦੀ ਮੰਗ ਉਠਾਈ ਗਈ।
