ਪੰਜਾਬ ਦੇ ਟਰਾਂਸਪੋਰਟ ਮੰਤਰੀ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਅੱਜ ਪ੍ਰੈਸ ਕਾਨਫ੍ਰੰਸ ਕਰ ਕੇ ਕੈਪਟਨ ਅਮਰਿੰਦਰ ਸਿੰਘ ‘ਤੇ ਵੱਡਾ ਹਮਲਾ ਬੋਲਿਆ।ਉਨ੍ਹਾਂ ਨੇ ਕੈਪਟਨ ਨੂੰ ਕਾਮਪ੍ਰੋਮਾਈਜ਼ ਮੁੱਖ ਮੰਤਰੀ ਦੱਸਦੇ ਹੋਏ ਕਿਹਾ ਕਿ ਉਨ੍ਹਾਂ ਦਾ ਵੱਖਰੀ ਪਾਰਟੀ ਬਣਾਉਣਾ ਸਮਝੌਤਾ ਦਾ ਹਿੱਸਾ ਹੈ।
ਦਰਅਸਲ ਅੱਜ ਰਾਜਾ ਵੜਿੰਗ ਨੇ ਆਪਣਾ ਰਿਪੋਰਟ ਕਾਰਡ ਪੇਸ਼ ਕੀਤਾ।ਉਨ੍ਹਾਂ ਨੇ ਕਿਹਾ ਕਿ ਅੱਜ ਤੋਂ 20 ਸਾਲ ਪਹਿਲਾਂ ਪੰਜਾਬ ‘ਚ ਮਾਫੀਆ ਨਾਮ ਦਾ ਸ਼ਬਦ ਨਹੀਂ ਸੀ।ਪਿਛਲੇ 15-20 ਸਾਲਾਂ ‘ਚ ਕਈ ਮਾਫੀਆ ਪੈਦਾ ਹੋਏ।ਟਰਾਂਸਪੋਰਟ ਮਾਫੀਆ ਦਾ ਕਿੰਗਪਿੰਨ ਬਾਦਲ ਪਰਿਵਾਰ ਹੈ।
ਉਨ੍ਹਾਂ ਨੇ ਕਿਹਾ ਕਿ ਮੈਂ ਪੰਜਾਬ ਦੇ ਲੋਕਾਂ ਤੋਂ ਮਾਫੀ ਮੰਗਣਾ ਚਾਹੁੰਦਾ ਹਾਂ ਕਿ ਸਾਢੇ 4 ਸਾਲਾਂ ‘ਚ ਅਸੀਂ ਕੁਝ ਨਹੀਂ ਸਕੇ।ਮੈਂਨੂੰ ਪਛਤਾਵਾ ਹੈ ਕਿ ਅਸੀਂ ਲੋਕਾਂ ਨਾਲ ਕੀਤੇ ਵਾਅਦੇ ਪੂਰੇ ਨਹੀਂ ਕਰ ਸਕੇ।ਉਨਾਂ੍ਹ ਨੇ ਦੋਸ਼ ਲਗਾਇਆ ਕਿ ਜੋ ਮਾਫੀਆ ਪਹਿਲਾਂ ਤੋਂ ਚੱਲ ਰਿਹਾ ਸੀ ਕੈਪਟਨ ਉਨ੍ਹਾਂ ਨਾਲ ਮਿਲ ਗਏ।
