ਅਦਾਕਾਰਾ ਦੇਬੀਨਾ ਬੈਨਰਜੀ ਨੇ ਹਾਲ ਹੀ ਵਿੱਚ ਆਪਣੀ ਦੂਜੀ ਗਰਭ ਅਵਸਥਾ ਦਾ ਐਲਾਨ ਕੀਤਾ ਹੈ। ਇਸ ਖਬਰ ਦੀ ਪੁਸ਼ਟੀ ਕਰਦੇ ਹੋਏ ਦੇਬੀਨਾ ਬੈਨਰਜੀ ਨੇ ਆਪਣੀ ਸੋਨੋਗ੍ਰਾਫੀ ਦੀ ਫੋਟੋ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤੀ ਹੈ। ਦੇਬੀਨਾ ਬੈਨਰਜੀ ਪਤੀ ਗੁਰਮੀਤ ਚੌਧਰੀ ਦੇ ਨਾਲ ਇੱਕ ਵਾਰ ਫਿਰ ਘਰ ਵਿੱਚ ਛੋਟੇ ਮਹਿਮਾਨ ਦਾ ਸਵਾਗਤ ਕਰਨ ਲਈ ਤਿਆਰ ਹੈ, ਪਰ ਦੇਬੀਨਾ ਬੈਨਰਜੀ ਦੀ ਦੂਜੀ ਪ੍ਰੈਗਨੈਂਸੀ ਦੀ ਖਬਰ ਕੁਝ ਲੋਕਾਂ ਨੂੰ ਚੰਗੀ ਨਹੀਂ ਲੱਗੀ।ਹਾਲ ਹੀ ਵਿੱਚ ਦੇਬੀਨਾ ਬੈਨਰਜੀ ਨੇ ਇੰਸਟਾਗ੍ਰਾਮ ਉੱਤੇ ਇੱਕ ਆਸਕ ਮੀ ਐਨੀਥਿੰਗ ਸੈਸ਼ਨ ਕੀਤਾ। ਜਿਸ ਬਾਰੇ ਬਹੁਤ ਸਾਰੇ ਲੋਕਾਂ ਨੇ ਉਸ ਨੂੰ ਸਵਾਲ ਕੀਤਾ ਕਿ ਕੀ ਇਹ ਸਭ ਬਹੁਤ ਜਲਦੀ ਨਹੀਂ ਹੈ। ਤੁਹਾਨੂੰ ਦੂਜੀ ਗਰਭ ਅਵਸਥਾ ਵਿੱਚ ਘੱਟੋ-ਘੱਟ ਇੱਕ ਸਾਲ ਦਾ ਅੰਤਰ ਰੱਖਣਾ ਚਾਹੀਦਾ ਸੀ।
ਦੇਬੀਨਾ ਦਾ ਯੂਜ਼ਰਸ ਨੂੰ ਜਵਾਬ
ਯੂਜ਼ਰਸ ਦੇ ਇਹ ਸਵਾਲ ਪੜ੍ਹ ਕੇ ਦੇਬੀਨਾ ਬੈਨਰਜੀ ਕਾਫੀ ਗੁੱਸੇ ‘ਚ ਆ ਗਈ। ਲੋਕਾਂ ਨੂੰ ਉਸੇ ਲਹਿਜੇ ਵਿੱਚ ਜਵਾਬ ਦਿੰਦੇ ਹੋਏ ਉਸਨੇ ਲਿਖਿਆ, “ਮੈਂ ਤੁਹਾਨੂੰ ਇਹ ਪੁੱਛਦੀ ਹਾਂ ਕਿ ਜਦੋਂ ਲੋਕਾਂ ਜੁੜਵਾਂ ਬੱਚੇ ਹੁੰਦੇ ਹਨ ਤਾਂ ਉਹ ਕੀ ਕਰਦੇ ਹਨ”। ਯੂਜ਼ਰ ਨੇ ਲਿਖਿਆ ਸੀ ਕਿ “ਤੁਹਾਨੂੰ ਦੂਜਾ ਬੱਚਾ ਪਲੈਨ ਕਰਨ ਦੀ ਬਜਾਏ ਲਿਆਨਾ ਨੂੰ ਸਮਾਂ ਦੇਣਾ ਚਾਹੀਦਾ ਸੀ, ਫਿਰ ਵੀ ਵਧਾਈਆਂ।” ਇੱਕ ਹੋਰ ਯੂਜ਼ਰ ਨੇ ਲਿਖਿਆ, “ਮੈਡਮ, ਤੁਹਾਨੂੰ ਆਪਣੀ ਪਹਿਲੀ ਪ੍ਰੈਗਨੈਂਸੀ ਵਿੱਚ ਬਹੁਤ ਸਾਰੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪਿਆ ਹੈ, ਕੀ ਤੁਹਾਨੂੰ ਨਹੀਂ ਲੱਗਦਾ ਕਿ ਤੁਹਾਨੂੰ ਆਪਣੀ ਦੂਜੀ ਪ੍ਰੈਗਨੈਂਸੀ ਵਿੱਚ ਇੱਕ ਸਾਲ ਦਾ ਗੈਪ ਰੱਖਣਾ ਚਾਹੀਦਾ ਸੀ?” ਇਸ ‘ਤੇ ਦੇਬੀਨਾ ਬੈਨਰਜੀ ਨੇ ਗੁੱਸੇ ਨਾਲ ਜਵਾਬ ਦਿੱਤਾ ਕਿ ਇਸ ਸਥਿਤੀ ‘ਚ ਤੁਹਾਡੀ ਕੀ ਸਲਾਹ ਹੈ। ਕੀ ਮੈਨੂੰ ਇਸ ਨੂੰ ਚਮਤਕਾਰ ਕਹਿਣਾ ਚਾਹੀਦਾ ਹੈ ਜਾਂ ਗਰਭਪਾਤ?
ਦੇਬੀਨਾ ਬੈਨਰਜੀ ਅਤੇ ਗੁਰਮੀਤ ਚੌਧਰੀ ਦੀ ਬੇਟੀ ਲਿਆਨਾ ਦਾ ਜਨਮ ਅਪ੍ਰੈਲ ਮਹੀਨੇ ‘ਚ ਹੋਇਆ ਸੀ। ਮੰਗਲਵਾਰ ਨੂੰ ਇੰਸਟਾਗ੍ਰਾਮ ‘ਤੇ ਪੋਸਟ ਸ਼ੇਅਰ ਕਰਦੇ ਹੋਏ ਦੇਬੀਨਾ ਬੈਨਰਜੀ ਨੇ ਕੈਪਸ਼ਨ ‘ਚ ਲਿਖਿਆ, “ਕੁਝ ਫੈਸਲੇ ਕਿਸਮਤ ਲੈਂਦੀ ਹੈ, ਇਸ ਨੂੰ ਕੋਈ ਨਹੀਂ ਬਦਲ ਸਕਦਾ। ਇਹ ਇਕ ਆਸ਼ੀਰਵਾਦ ਵਾਂਗ ਹੈ ਤੇ ਸਾਨੂੰ ਜਲਦ ਪੂਰਾ ਕਰਨ ਲਈ ਆ ਰਿਹਾ ਜਾਂ ਆ ਰਹੀ ਹੈ। ” ਦੇਬੀਨਾ ਨੇ ਜੋ ਫੋਟੋ ਸ਼ੇਅਰ ਕੀਤੀ ਹੈ, ਉਸ ‘ਚ ਗੁਰਮੀਤ ਆਪਣੀ ਬੇਟੀ ਨੂੰ ਗੋਦ ‘ਚ ਫੜੀ ਨਜ਼ਰ ਆ ਰਿਹਾ ਹੈ। ਦੇਬੀਨਾ ਸੋਨੋਗ੍ਰਾਫੀ ਫੋਟੋ ਦਿਖਾਉਂਦੀ ਨਜ਼ਰ ਆ ਰਹੀ ਹੈ।
ਮਸ਼ਹੂਰ ਟੀਵੀ ਅਦਾਕਾਰਾ ਦੇਬਿਨੀ ਬੈਨਰਜੀ ਕਈ ਸਾਲਾਂ ਤੋਂ ਪ੍ਰੈਗਨੈਂਸੀ ਲਈ ਕੋਸ਼ਿਸ਼ ਕਰ ਰਹੀ ਸੀ ਪਰ ਉਸ ਨੂੰ ਕਾਮਯਾਬੀ ਨਹੀਂ ਮਿਲੀ। ਦੇਬੀਨਾ ਨੂੰ ਪਹਿਲੇ ਬੱਚੇ ਲਈ ਵੀ ਕਾਫੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ। ਕਈ ਪੇਚੀਦਗੀਆਂ ਵੀ ਸਨ। ਪੰਜ ਵਾਰ ਉਹ ਗਰਭ ਅਵਸਥਾ ਦੀ ਪ੍ਰਕਿਰਿਆ ਵਿੱਚ ਵੀ ਅਸਫਲ ਰਹੀ। ਦੇਬੀਨਾ ਨੇ 2 IVF ਅਤੇ 3 IUI ਟ੍ਰਾਈ ਕੀਤੇ, ਜਿਸ ਤੋਂ ਬਾਅਦ ਉਸ ਨੂੰ ਸਫਲਤਾ ਮਿਲੀ। ਹੁਣ ਪਹਿਲੇ ਬੱਚੇ ਨੂੰ ਜਨਮ ਦੇਣ ਤੋਂ ਚਾਰ ਮਹੀਨੇ ਬਾਅਦ ਉਹ ਦੁਬਾਰਾ ਗਰਭਵਤੀ ਹੋ ਗਈ ਹੈ, ਜੋ ਕਿ ਖੁਸ਼ੀ ਦੀ ਗੱਲ ਹੈ।
