Jodi Trailer Creates History: ਇਨ੍ਹਾਂ ਦਿਨੀਂ ਪੰਜਾਬੀ ਫਿਲਮਾਂ ਦਾ ਹੜ੍ਹ ਆਇਆ ਹੋਇਆ ਹੈ। ਇਸ ਦੇ ਨਾਲ ਹੀ ਇੱਕ ਤੋਂ ਵੱਧ ਇੱਕ ਪੰਜਾਬੀ ਫਿਲਮ ਜਿੱਥੇ ਰਿਲੀਜ਼ ਹੋ ਰਹੀ ਹੈ। ਉੱਥੇ ਹੀ ਆਉਣ ਵਾਲੀਆਂ ਫਿਲਮਾਂ ਦੇ ਟ੍ਰੇਲਰ ਵੀ ਖੂਬ ਛਾਏ ਹੋਏ ਹਨ। ਇਸੇ ਤਰ੍ਹਾਂ ਹਾਲ ਹੀ ‘ਚ ਰਿਲੀਜ਼ ਹੋਏ Diljit Dosanjh ਤੇ Nimrat Khaira ਦੀ ਫਿਲਮ Jodi ਦੇ ਟ੍ਰੇਲਰ ਨੇ ਕਮਾਲ ਕਰ ਦਿੱਤਾ ਹੈ।
ਦੱਸ ਦਈਏ ਕਿ ਮਛ-ਅਵੇਟਿਡ ਇਸ ਮਿਊਜ਼ਕਲ ਡਰਾਮਾ ਫਿਲਮ ਨੇ ਹਾਲ ਹੀ ਵਿੱਚ ਆਪਣਾ ਟ੍ਰੇਲਰ ਰਿਲੀਜ਼ ਕੀਤਾ। ਜਿਸ ਨੇ ਫੈਨਸ ਵਿੱਚ ਉਤਸ਼ਾਹ ਨੂੰ ਦੁੱਗਣਾ ਕਰ ਦਿੱਤਾ। ਨਾਲ ਹੀ ਇਸ ਦੇ ਟ੍ਰੇਲਰ ਬਹੁਤ ਵੱਡੀ ਉਪਲਬਧੀ ਹਾਸਲ ਕੀਤੀ ਹੈ। ਜੋੜੀ ਦੇ ਮੇਕਰਸ ਲਈ ਇਹ ਬਹੁਤ ਵੱਡਾ ਦਿਨ ਹੈ ਕਿਉਂਕਿ ਫਿਲਮ ਦੇ ਟ੍ਰੇਲਰ ਨੇ 24 ਘੰਟਿਆਂ ਵਿੱਚ ਸਭ ਤੋਂ ਵੱਧ ਦੇਖਿਆ ਜਾਣ ਵਾਲਾ ਪੰਜਾਬੀ ਟ੍ਰੇਲਰ ਬਣ ਕੇ ਪੰਜਾਬੀ ਇੰਡਸਟਰੀ ਵਿੱਚ ਇਤਿਹਾਸ ਰਚ ਦਿੱਤਾ ਹੈ।
ਜੀ ਹਾਂ, ਤੁਸੀਂ ਠੀਕ ਸੁਣਿਆ ਹੈ, ਜਿੱਥੇ ਸ਼ਾਨਦਾਰ ਟ੍ਰੇਲਰ ਦੀ ਤਾਰੀਫ ਨਾਲ ਇਹ ਹਰ ਪਾਸੇ ਛਾਇਆ ਹੋਇਆ ਸੀ ਉੱਥੇ ਹੀ ਮੇਕਰਸ ਨੂੰ ਜਸ਼ਨ ਦਾ ਇੱਕ ਹੋਰ ਕਾਰਨ ਮਿਲ ਗਿਆ ਹੈ ਕਿਉਂਕਿ ਜੋੜੀ ਦਾ ਟ੍ਰੇਲਰ 24 ਘੰਟਿਆਂ ਵਿੱਚ ਯੂਟਿਊਬ ‘ਤੇ 12 ਮਿਲੀਅਨ ਤੋਂ ਵੱਧ ਵਿਊਜ਼ ਨੂੰ ਪਾਰ ਕਰਕੇ ਸਭ ਤੋਂ ਵੱਧ ਦੇਖਿਆ ਜਾਣ ਵਾਲਾ ਪੰਜਾਬੀ ਟ੍ਰੇਲਰ ਬਣ ਗਿਆ ਹੈ। ਜੋੜੀ ਦੀ ਟੀਮ ਲਈ ਇਹ ਵੱਡੀ ਜਿੱਤ ਹੈ।
ਇੱਥੇ ਟ੍ਰੇਲਰ ਦੇਖੋ:
ਫੈਨਸ ਉਨ੍ਹਾਂ ਨੂੰ ਸ਼ੁਭਕਾਮਨਾਵਾਂ ਦੇ ਰਹੇ ਹਨ ਤੇ ਉਨ੍ਹਾਂ ਨੂੰ ਵਧਾਈ ਦੇ ਰਹੇ ਹਨ ਕਿਉਂਕਿ ਇਹ ਬਹੁਤ ਵੱਡੀ ਕਾਮਯਾਬੀ ਹੈ। ਦੱਸ ਦਈਏ ਕਿ ਇਹ ਫਿਲਮ 5 ਮਈ 2023 ਨੂੰ ਸਿਨੇਮਾਘਰਾਂ ‘ਤੇ ਆਉਣ ਵਾਲੀ ਹੈ। ਫਿਲਮ ਜੋੜੀ ਵਿੱਚ ਦਿਲਜੀਤ ਦੋਸਾਂਝ ਅਤੇ ਨਿਮਰਤ ਖਹਿਰਾ ਹਨ ਅਤੇ ਉਹ ਆਪਣੀ ਖੂਬਸੂਰਤ ਪ੍ਰੇਮ ਕਹਾਣੀ ਨਾਲ ਤੁਹਾਨੂੰ ਮਿਊਜ਼ਿਕਲ ਸਵਾਰੀ ‘ਤੇ ਲੈ ਜਾਣ ਲਈ ਤਿਆਰ ਹਨ।
ਫਿਲਮ ਦੀ ਯੂਐਸਪੀ ਇਸਦੇ ਗੀਤ ਹਨ ਤੇ ਖ਼ਬਰਾਂ ਹਨ ਕਿ ਫਿਲਮ ‘ਚ ਲਗਪਗ 15 ਗੀਤ ਹਨ ਜੋ ਵੱਖ-ਵੱਖ ਵੱਡੇ ਗਾਇਕਾਂ ਵਲੋਂ ਗਾਏ ਤੇ ਕੰਪੋਜ਼ ਕੀਤੇ ਗਏ ਹਨ। ਫਿਲਮ ਦਾ ਨਿਰਮਾਣ ਕਾਰਜ ਗਿੱਲ ਤੇ ਦਲਜੀਤ ਥਿੰਦ ਵਲੋਂ ਰਿਦਮ ਬੁਆਏਜ਼ ਐਂਟਰਟੇਨਮੈਂਟ ਅਤੇ ਥਿੰਦ ਮੋਸ਼ਨ ਫਿਲਮਜ਼ ਵਲੋਂ ਕੀਤਾ ਗਿਆ ਹੈ। ਫਿਲਮ ਅੰਬਰਦੀਪ ਸਿੰਘ ਨੇ ਲਿਖੀ ਅਤੇ ਨਿਰਦੇਸ਼ਿਤ ਕੀਤੀ ਗਈ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
