ਦਿਲਜੀਤ ਦੋਸਾਂਝ (Diljit Dosanjh) ਨੇ ਫਿਲਮ ਬਾਬੇ ਭੰਗੜਾ ਪਾਂਦੇ ਨੇ ਨਾਲ ਦਰਸ਼ਕਾਂ ਨੂੰ ਹੈਰਾਨ ਅਤੇ ਖੂਬ ਐਂਟਰਟੇਨ ਕੀਤਾ ਹੈ। ਦਿਲਜੀਤ ਕਦੇ ਵੀ ਆਪਣੇ ਫੈਨਸ ਅਤੇ ਫੋਲੋਅਰਜ਼ ਨੂੰ ਖੁਸ਼ ਕਰਨ ਦਾ ਕੋਈ ਮੌਕਾ ਨਹੀਂ ਛੱਡਦੇ। ਹੁਣ ਇੱਕ ਵਾਰ ਫਿਰ ਤੋਂ ਉਸ ਨੇ ਇੰਸਟਾਗ੍ਰਾਮ ‘ਤੇ ਕੁਝ ਅਜਿਹਾ ਹੀ ਕੁਝ ਸ਼ੇਅਰ ਕੀਤਾ ਹੈ ਜਿਸ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ।
View this post on Instagram
ਦੱਸ ਦਈਏ ਕਿ ਦਿਲਜੀਤ ਨੇ ਕਿਸੇ ਹੋਰ ਨਾਲ ਨਹੀਂ ਸਗੋਂ ਲੈਜੇਂਡਰੀ ਸਟਾਰਸ ਇਮਤਿਆਜ਼ ਅਲੀ ਅਤੇ ਏਆਰ ਰਹਿਮਾਨ ਨਾਲ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਦੋਵਾਂ ਸਟਾਰਸ ਨਾਲ ਤਸਵੀਰਾਂ ਸ਼ੇਅਕਰ ਕਰਦਿਆਂ ਦਿਲਜੀਤ ਨੇ ਕੈਪਸ਼ਨ ‘ਚ ਲਿਖਿਆ “With LEGENDS 🤩 @arrahman @imtiazaliofficial”.
ਦਿਲਜੀਤ ਦੋਸਾਂਝ ਇੱਕ ਅਜਿਹਾ ਪੰਜਾਬੀ ਸਟਾਰ ਹੈ, ਜਿਸ ਨੇ ਬਾਲੀਵੁੱਡ ਵਿੱਚ ਆਪਣੇ ਲਈ ਇੱਕ ਖਾਸ ਥਾਂ ਬਣਾਈ ਹੈ। ਉਸਨੇ ਗੁੱਡ ਨਿਊਜ਼, ਉੜਤਾ ਪੰਜਾਬ, ਜੋਗੀ ਵਰਗੀਆਂ ਫਿਲਮਾਂ ‘ਚ ਕੰਮ ਕਰਕੇ ਆਪਣੀ ਐਕਟਿੰਗ ਦਾ ਲੋਹਾ ਮਨਵਾਇਆ। ਅਤੇ ਹੁਣ ਦਿਲਜੀਤ ਅਗਲੀ ਫਿਮਲ ਮਰਹੂਮ ਪੰਜਾਬੀ ਲੋਕ ਗਾਇਕ ਚਮਕੀਲਾ ਦੀ ਬਾਲੀਵੁੱਡ ਬਾਇਓਪਿਕ ਵਿੱਚ ਜਲਦੀ ਨਜ਼ਰ ਆਵੇਗਾ।
ਫਿਲਮ ਦਾ ਨਿਰਦੇਸ਼ਨ ਲੈਜੇਂਡ ਡਾਇਰੈਕਟਰ ਅਤੇ ਫਿਲਮ ਪ੍ਰੋਡਿਊਸਰ ਇਮਤਿਆਜ਼ ਅਲੀ ਵਲੋਂ ਕੀਤਾ ਜਾ ਰਿਹਾ ਹੈ। ਇਮਤਿਆਜ਼ ਅਲੀ ਨੇ ਹਿੰਦੀ ‘ਚ ਹਾਈਵੇਅ, ਲਵ ਆਜ ਕਲ, ਲੈਲਾ ਮਜਨੂੰ, ਤਮਾਸ਼ਾ ਵਰਗੇ ਖੂਬਸੂਰਤ ਪ੍ਰੋਜੈਕਟਾਂ ਦਾ ਨਿਰਦੇਸ਼ਨ ਕੀਤਾ ਹੈ। ਹਾਲਾਂਕਿ ਚਮਕੀਲਾ ਦੀ ਬਾਇਓਪਿਕ ਦਾ ਅਧਿਕਾਰਤ ਤੌਰ ‘ਤੇ ਐਲਾਨ ਨਹੀਂ ਕੀਤਾ ਗਿਆ, ਪਰ ਇਹ ਫਿਲਮ ਪਹਿਲਾਂ ਹੀ ਚਾਰੇ ਪਾਸੇ ਖੂਬ ਸੂਰਖੀਆਂ ‘ਚ ਹੈ। ਫਿਲਮ ਬਾਰੇ ਬਹੁਤ ਸਾਰੀ ਜਾਣਕਾਰੀ ਪਹਿਲਾਂ ਹੀ ਸਾਹਮਣੇ ਆ ਚੁੱਕੀ ਹੈ, ਤੇ ਦਿਲਜੀਤ ਦੋਸਾਂਝ ਦੀ ਨਵੀਂ ਪੋਸਟ ਨੇ ਇਸ ਵਿੱਚ ਹੋਰ ਮਸਾਲਾ ਜੋੜ ਦਿੱਤਾ ਹੈ।
ਇਸ ਦੇ ਨਾਲ ਹੀ ਦਿਲਜੀਤ ਦੀ ਪੋਸਟ ਸ਼ੋਸਲ ਮੀਡੀਆ ‘ਤੇ ਅੱਗ ਵਾਂਗ ਫੈਲ ਗਈ। ਜਿਸ ਤੋਂ ਬਾਅਦ ਲੋਕਾਂ ਨੇ ਇਸ ‘ਤੇ ਕੂਮੈਂਟ ਕਰਨੇ ਵੀ ਸ਼ੂਰੂ ਕਰ ਦਿੱਤੇ। ਲੋਕਾਂ ਦਾ ਕਹਿਣਾ ਹੈ ਕਿ ਦਿਲਜੀਤ ਹੁਣ ਚਮਕੀਲਾ ਦੀ ਬਾਈਓਪਿਕ ‘ਚ ਨਜ਼ਰ ਆਵੇਗਾ। ਪਰ ਇਸ ਬਾਰੇ ਐਲਾਨ ਕਦੋਂ ਹੁੰਦਾ ਹੈ ਇਹ ਤਾਂ ਦਿਲਜੀਤ ਵਲੋਂ ਸਾਂਝੀ ਹੋਣ ਵਾਲੀ ਅਗਲੀ ਪੋਸਟ ਤੋਂ ਹੀ ਤੋਂ ਲੱਗੇਗਾ।
