ਪੱਛਮੀ ਆਸਟ੍ਰੇਲੀਆ ਵਿੱਚ ਲੇਬਰ ਪਾਰਟੀ ਦੀ ਸਰਕਾਰ ਲਗਾਤਾਰ ਤੀਜੀ ਵਾਰ ਬਣੀ ਹੈ ਅਤੇ ਉਸ ਦੌਰਾਨ ਲੇਬਰ ਪਾਰਟੀ ਵੱਲੋਂ ‘ਅਪਰ ਹਾਊਸ’ ਵਿੱਚ ਅਵਾਰਡ ਜੇਤੂ ਪੰਜਾਬੀ ਸਾਇੰਸਦਾਨ ਡਾ. ਪਰਵਿੰਦਰ ਕੌਰ ਨੂੰ ਸੰਸਦ ਮੈਂਬਰ ਬਣਨ ਦਾ ਮੌਕਾ ਦਿੱਤਾ ਗਿਆ ਹੈ।
ਜਾਣਕਾਰੀ ਅਨੁਸਾਰ ਦੱਸ ਦੇਈਏ ਕਿ ਹੁਣ ਤੱਕ ਹੋਈ ਵੋਟਾਂ ਦੀ ਗਿਣਤੀ ਤਹਿਤ ਲੇਬਰ ਪਾਰਟੀ ਨੂੰ ਉਪਰਲੇ ਸਦਨ ਵਿੱਚ 15-16 ਸੰਸਦ ਮੈਂਬਰ ਚੁਣੇ ਜਾਣ ਦੀ ਉਮੀਦ ਹੈ।
ਅਜਿਹੇ ਵਿੱਚ ਡਾ. ਪਰਮਿੰਦਰ ਕੌਰ ਦਾ ਨਾਮ ਸੂਚੀ 13ਵੇਂ ਨੰਬਰ ‘ਤੇ ਹੋਣ ਕਰਕੇ ਇਹ ਇੱਕ ਇਤਿਹਾਸਕ ਪਲ ਬਣ ਸਕਦਾ ਹੈ ਜਦੋਂ ਭਾਰਤੀ ਮੂਲ ਦੀ ਸਾਇੰਸਦਾਨ ਡਾ. ਪਰਮਿੰਦਰ ਕੌਰ ਪਹਿਲੀ ਸਿੱਖ ਸੰਸਦ ਮੈਂਬਰ ਬਣਨਗੇ। ਹੁਣ ਇਹਨਾਂ ਪਲਾਂ ਦਾ ਹਾਣੀ ਬਣਨਾ ਹੁਣ ਲੱਗਭੱਗ ਤਹਿ ਹੋ ਗਿਆ ਹੈ।
ਦੱਸ ਦੇਈਏ ਕਿ ਪਰਵਿੰਦਰ ਕੌਰ ਇੱਕ ਭਾਰਤੀ ਮੂਲ ਦੀ Biotechnologist ਹੈ ਜੋ ਕਿ DNA ZOO AUSTRALIA ਦੀ ਡਾਇਰੈਕਟਰ ਹੈ, ਅਤੇ ਪੱਛਮੀ ਆਸਟ੍ਰੇਲੀਆ ਯੂਨੀਵਰਸਿਟੀ ਵਿੱਚ ਐਸੋਸੀਏਟ ਪ੍ਰੋਫੈਸਰ ਹੈ।
ਉਸਦੀ ਖੋਜ ਵਿੱਚ ਜੀਨੋਮਿਕ ਤਕਨੀਕਾਂ ਸ਼ਾਮਲ ਹਨ ਜੋ ਖ਼ਤਰੇ ਵਿੱਚ ਪਈਆਂ ਪ੍ਰਜਾਤੀਆਂ ਲਈ ਸੰਭਾਲ ਦੇ ਯਤਨਾਂ ਵਿੱਚ ਮਦਦ ਕਰਦੀਆਂ ਹਨ। ਇਸ ਦੇ ਨਾਲ ਹੀ 2023 ਵਿੱਚ ਅੰਤਰਰਾਸ਼ਟਰੀ ਮਹਿਲਾ ਦਿਵਸ ‘ਤੇ, ਡਾ. ਪਰਵਿੰਦਰ ਕੌਰ ਨੂੰ ਡਬਲਯੂਏ ਮਹਿਲਾ ਹਾਲ ਆਫ਼ ਫੇਮ ਵਿੱਚ ਸ਼ਾਮਲ ਕੀਤਾ ਗਿਆ ਸੀ।
