Emma Morrison : ਓਨਟੇਰੀਓ ਦੇ ਚੈਪਲੇਉ ਕ੍ਰੀ ਫ਼ਸਟ ਨੇਸ਼ਨ ਭਾਈਚਾਰੇ ਦੀ ਐਮਾ ਮੌਰੀਸਨ ਮਿਸ ਵਰਲਡ ਕੈਨੇਡਾ ਦਾ ਖ਼ਿਤਾਬ ਜਿੱਤਣ ਵਾਲੀ ਮੂਲਨਿਵਾਸੀ ਭਾਈਚਾਰੇ ਦੀ ਪਹਿਲੀ ਔਰਤ ਬਣ ਗਈ ਹੈ।ਮੌਰੀਸਨ ਦਾ ਅਗਲਾ ਟੀਚਾ ਅਗਲੇ ਸਾਲ ਵੀਅਤਨਾਮ ‘ਚ ਹੋਣ ਵਾਲਾ ਅੰਤਰਰਾਸ਼ਟਰੀ ਮਿਸ ਵਰਲਡ ਮੁਕਾਬਲਾ ਹੈI
ਸੀਬੀਸੀ ਨਿਊਜ਼ ਨਾਲ ਗੱਲਬਾਤ ਦੌਰਾਨ ਮੌਰੀਸਨ ਨੇ ਕਿਹਾ ਇਹ ਖ਼ਿਤਾਬ ਪਹਿਲੀ ਮੂਲਨਿਵਾਸੀ ਔਰਤ ਹੋਣ ਬਾਰੇ ਨਹੀਂ ਸੀI ਮੈਂ ਹੋਰਨਾਂ ਮੂਲਨਿਵਾਸੀ ਲੋਕਾਂ ਲਈ ਦਰਵਾਜ਼ੇ ਖੋਲ੍ਹਣਾ ਚਾਹੁੰਦਾ ਸੀI ਮੌਰੀਸਨ ਦਾ ਪਹਿਲਾ ਮੁਕਾਬਲਾ ਮਿਸ ਨੌਰਥ ਓਨਟੇਰੀਓ ਮੁਕਾਬਲੇ ਵਿੱਚ ਸੀ, ਜਿੱਥੇ ਕੁੱਲ 39 ਚੋਂ ਸਿਰਫ਼ ਤਿੰਨ ਮੂਲਨਿਵਾਸੀ ਪ੍ਰਤੀਯੋਗੀ ਸੀI
ਮੌਰੀਸਨ ਮੁਤਾਬਿਕ ਕੈਨੇਡਾ ਦੇ ਸੁੰਦਰਤਾ ਮੁਕਾਬਲਿਆਂ ‘ਚ ਮੂਲਨਿਵਾਸੀ ਔਰਤਾਂ ਦੀ ਸਥਿਤੀ ਵਿੱਚ ਸੁਧਾਰ ਹੋਇਆ ਹੈI ਇਸ ਸਾਲ ਦੀ ਮਿਸ ਨੌਰਥ ਓਨਟੇਰੀਓ, ਗ੍ਰੇਸ ਵੈਬ, ਡੌਕਿਸ ਫ਼ਸਟ ਨੇਸ਼ਨ ਭਾਈਚਾਰੇ ਦੀ ਮੁਟਿਆਰ ਹੈ ਜੋ 10 ਮੂਲਨਿਵਾਸੀ ਪ੍ਰਤੀਯੋਗੀਆਂ ਵਿੱਚੋਂ ਇੱਕ ਸੀ।
ਉਸਨੇ ਕਿਹਾ ਮੈਂ ਇਹ ਸਭ ਕੁਝ ਇਨ੍ਹਾਂ ਮੂਲਨਿਵਾਸੀ ਭਾਈਚਾਰੇ ਦੀਆਂ ਹੋਰਨਾਂ ਛੋਟੀਆਂ ਕੁੜੀਆਂ ਲਈ ਕੀਤਾ ਕਿਉਂਕਿ ਮੈਂ ਵੀ ਕਦੇ ਇਹਨਾਂ ਦੀ ਸਥਿਤੀ ਵਿੱਚ ਸੀI ਮੌਰੀਸਨ ਨੇ ਕਿਹਾ ਕੁਝ ਕਰਨ ਦਾ ਮਤਲਬ ਸਿਰਫ਼ ਖ਼ਿਤਾਬ ਜਿੱਤਣਾ ਹੀ ਨਹੀਂ ਹੈ I ਤੁਸੀਂ ਕਿਸੇ ਯੂਨੀਵਰਸਿਟੀ ਲਈ ਅਪਲਾਈ ਕਰ ਸਕਦੇ ਹੋ ਜਾਂ ਕਿਸੇ ਹੋਰ ਖ਼ੇਤਰ ਵਿੱਚ ਅਪਲਾਈ ਕਰ ਸਕਦੇ ਹੋ I ਇਹ ਉਦਹਾਰਣ ਸਿੱਧ ਕਰਨੀ ਲਾਜ਼ਮੀ ਹੈ ਕਿ ਤੁਸੀਂ ਆਪਣੇ ਸੁਪਨੇ ਪੂਰੇ ਕਰ ਸਕਦੇ ਹੋ I
ਮੌਰੀਸਨ ਭਾਵੇਂ ਕਿ ਮੂਲਨਿਵਾਸੀ ਭਾਈਚਾਰੇ ਦੀ ਪਹਿਲੀ ਮਿਸ ਵਰਲਡ ਕੈਨੇਡਾ ਹੈ ਪਰ ਸੁੰਦਰਤਾ ਮੁਕਾਬਲੇ ਵਿੱਚ ਸਿਖ਼ਰ ਛੂਹਨ ਵਾਲੀ ਉਹ ਪਹਿਲੀ ਔਰਤ ਨਹੀਂ ਹੈI 2015 ਦੌਰਾਨ ਐਸ਼ਲੇ ਕਾਲਿੰਗਬੁੱਲ-ਰੈਬਿਟ ਮਿਸਿਜ਼ ਯੂਨੀਵਰਸ ਬਣਨ ਵਾਲੀ ਪਹਿਲੀ ਔਰਤ ਸੀ ਜੋ ਮੂਲਨਿਵਾਸੀ ਭਾਈਚਾਰੇ ਨਾਲ ਸੰਬੰਧਿਤ ਸੀI
ਮੌਰੀਸਨ ਨੇ ਐਸ਼ਲੇ ਦੀ ਤੁਲਨਾ ਇਕ ਵੱਡੀ ਭੈਣ ਨਾਲ ਕਰਦੇ ਹੋਏ ਕਿਹਾ ਕਿ ਉਹ ਐਸ਼ਲੇ ਦੇ ਮਾਰਗਦਰਸ਼ਨ ਨਾਲ ਇਸ ਖ਼ੇਤਰ ਵਿੱਚ ਅੱਗੇ ਵਧੀ ਹੈ। ਮੌਰੀਸਨ ਨੇ ਕਿਹਾ ਉਹ ਵੀ ਮੇਰੇ ਵਾਂਗ ਮੂਲਨਿਵਾਸੀ ਭਾਈਚਾਰੇ ਤੋਂ ਹੈ ਅਤੇ ਸਭ ਲਈ ਇੱਕ ਉਦਾਹਰਣ ਹੈ ਕਿ ਤੁਸੀਂ ਕੁਝ ਵੀ ਹਾਸਿਲ ਕਰ ਸਕਦੇ ਹੋ।
ਐਸ਼ਲੇ, ਮੌਰੀਸਨ ਤੋਂ ਇਲਾਵਾ, ਕੈਨੇਡਾ ਅਤੇ ਯੂਐਸ ‘ਚ ਮੂਲਨਿਵਾਸੀ ਲੜਕੀਆਂ ਨੂੰ ਸੁੰਦਰਤਾ ਮੁਕਾਬਲਿਆਂ ਲਈ ਸਿਖ਼ਲਾਈ ਦਿੰਦੀ ਹੈI ਐਸ਼ਲੇ ਨੇ ਸੀਬੀਸੀ ਨਿਊਜ਼ ਨਾਲ ਗੱਲਬਾਤ ਦੌਰਾਨ ਕਿਹਾ ਤੁਸੀਂ ਕਿਸੇ ਨੂੰ ਅੱਗੇ ਵਧਣ ਲਈ ਸੇਧ ਅਤੇ ਸਾਧਨ ਦੇ ਸਕਦੇ ਹੋ ਪਰ ਸੁਪਨਿਆਂ ਨੂੰ ਸਾਕਾਰ ਕਰਨਾ ਅਸਲ ਵਿੱਚ ਵਿਅਕਤੀ ਦੇ ਆਪਣੇ ਉੱਪਰ ਨਿਰਭਰ ਕਰਦਾ ਹੈI
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
Android: https://bit.ly/3VMis0h