‘Chal Jindiye’ To ‘Sheran Di Kaum Punjabi’ Release In April 2023: ਮਾਰਚ 2023 ਵਿੱਚ ਸਿਨੇਮਾਘਰਾਂ ਵਿੱਚ ਬਹੁਤ ਸਾਰੀਆਂ ਪੰਜਾਬੀ ਫਿਲਮਾਂ ਰਿਲੀਜ਼ ਹੋਈਆਂ। ਇਨ੍ਹਾਂ ਫਿਲਮਾਂ ਨੇ ਲੋਕਾਂ ਦਾ ਖੂਬ ਐਂਟਰਟੈਨਮੈਂਟ ਕੀਤਾ। ਇਸ ਦੇ ਨਾਲ ਹੀ ਹੁਣ ਕੁਝ ਹੀ ਦਿਨਾਂ ‘ਚ ਅਪ੍ਰੈਲ ਦਾ ਮਹੀਨਾ ਖ਼ਤਮ ਹੋਣ ਵਾਲਾ ਹੈ ਤੇ ਅਗਲੇ ਮਹੀਨੇ ਯਾਨੀ ਅਪ੍ਰੈਲ ‘ਚ ਲੋਕਾਂ ਨੂੰ ਕਿਹੜੀਆਂ ਫਿਲਮਾਂ ਥਿਏਟਰ ‘ਚ ਵੇਖਣ ਦਾ ਮੌਕਾ ਮਿਲੇਗਾ ਇਸ ਦੀ ਲਿਸਟ ਵੀ ਆ ਗਈ ਹੈ।
ਦੱਸ ਦਈਏ ਕਿ ਪੰਜਾਬੀ ਫਿਲਮਾਂ ਦੇ ਸ਼ੌਕਿਨਾਂ ਲਈ ਅਪ੍ਰੈਲ ਵੀ ਐਂਟਰਟੈਨਮੈਂਟ ਦੇ ਮਾਮਲੇ ‘ਚ ਪੂਰੀ ਤਰ੍ਹਾਂ ਤਿਆਰੀ ਹੈ ਕਿਉਂਕਿ ਆਉਣ ਵਾਲੇ ਮਹੀਨੇ ਕਈ ਫਿਲਮਾਂ ਰਿਲੀਜ਼ ਹੋਣਗੀਆਂ।
ਅਪ੍ਰੈਲ 2023 ‘ਚ ਕਿਹੜੀਆਂ ਪੰਜਾਬੀ ਫਿਲਮਾਂ ਰਿਲੀਜ਼ ਹੋਣ ਲਈ ਤਿਆਰ ਹਨ, ਵੇਖੋ ਪੂਰੀ ਲਿਸਟ
Es Jahano Door Kitte – Chal Jindiye: ਸਭ ਤੋਂ ਪਹਿਲਾਂ ਗੱਲ ਕਰਦੇ ਹਾਂ ਮਲਟੀ ਸਟਾਰਰ ਫਿਲਮ ‘ਚਲ ਜਿੰਦੀਏ’ ਦੀ। ਜਿਸ ‘ਚ ਨੀਰੂ ਬਾਜਵਾ, ਕੁਲਵਿੰਦਰ ਬਿੱਲਾ, ਜੱਸ ਬਾਜਵਾ, ਅਦਿਤੀ ਸ਼ਰਮਾ, ਗੁਰਪ੍ਰੀਤ ਘੁੱਗੀ, ਰੁਪਿੰਦਰ ਰੂਪੀ ਜਿਹੇ ਵੱਡੇ ਕਲਾਕਾਰ ਵੱਖ-ਵੱਖ ਕਿਰਦਾਰ ਨਿਭਾਉਂਦੇ ਨਜ਼ਰ ਆਉਣਗੇ। ਦੱਸ ਦਈਏ ਕਿ ਪੰਜਾਬੀ ਫਿਲਮਾਂ ਚੋਂ ਇੱਕ ਸਭ ਤੋਂ ਉਡੀਕੀ ਜਾ ਰਹੀ ਫਿਲਮ ਮਾਰਚ ਵਿੱਚ ਪਰਦੇ ‘ਤੇ ਆਉਣ ਵਾਲੀ ਸੀ। ਪਰ ਪੰਜਾਬ ਵਿੱਚ ਹੋ ਰਹੇ ਹੰਗਾਮੇ ਕਾਰਨ ਫਿਲਮ ‘ਏਸ ਜਹਾਨੋ ਦੂਰ ਕਿੱਤੇ ਚਲ ਜਿੰਦੀਆਂ’ ਅਪ੍ਰੈਲ ਦੇ ਪਹਿਲੇ ਹਫਤੇ ਯਾਨੀ ਕਿ 7 ਅਪ੍ਰੈਲ 2023 ਨੂੰ ਰਿਲੀਜ਼ ਹੋਵੇਗੀ।
View this post on Instagram
Sheran Di Kaum Punjabi: ਪੰਜਾਬੀ ਦੇਸੀ ਰੌਕਸਟਾਰ ਸਿੰਗਰ ਤੇ ਐਕਟਰ Gippy Grewal ਦੀ ਆਉਣ ਵਾਲੀ ਫਿਲਮ ‘ਸ਼ੇਰਾਂ ਦੀ ਕੌਮ ਪੰਜਾਬੀ’ ਵੀ ਅਪ੍ਰੈਲ ਮਹੀਨੇ ਹੀ ਰਿਲੀਜ਼ ਹੋਵੇਗੀ। ਦੱਸ ਦਈਏ ਕਿ ਇਸ ਫਿਲਮ ਦਾ ਐਲਾਨ ਗਿੱਪੀ ਨੇ ਆਪਣੇ ਜਨਮ ਦਿਨ ਮੌਕੇ ਕੀਤਾ ਸੀ। ਇਸ ਦੇ ਨਾਲ ਹੀ ਇਸ ਫਿਲਮ ਵਿੱਚ ਗਿੱਪੀ ਗਰੇਵਾਲ ਮੁੱਖ ਭੂਮਿਕਾ ਨਿਭਾਉਣਗੇ, ਜਿਸਦਾ ਉਸਨੇ ਨਿਰਦੇਸ਼ਨ ਵੀ ਕੀਤਾ। Gippy Grewal ਦੀ Sheran Di Kaum Punjabi ਸਿਨੇਮਾਘਰਾਂ ‘ਚ 12 ਅਪ੍ਰੈਲ 2023 ਨੂੰ ਰਿਲੀਜ਼ ਹੋਵੇਗੀ।
View this post on Instagram
Shinda Shinda No Papa: ਇਸੇ ਮਹੀਨੇ Gippy Grewal ਆਪਣੇ ਬੇਟੇ Shinda Grewal ਨਾਲ ਵੀ ਸਕਰੀਨ ਸ਼ੇਅਰ ਕਰਦੇ ਨਜ਼ਰ ਆਉਣਗੇ। ਦੱਸ ਦਈਏ ਕਿ ਪਿਓ-ਪੁੱਤ ਦੀ ਜੋੜੀ ਫਿਲਮ ਸ਼ਿੰਦਾ ਸ਼ਿੰਦਾ ਨੋ ਪਾਪਾ ਨਾਲ ਆ ਰਹੀ ਹੈ। ਸਭ ਤੋਂ ਉਡੀਕੀ ਜਾ ਰਹੀ ਗਿੱਪੀ ਗਰੇਵਾਲ ਤੇ ਸ਼ਿੰਦਾ ਗਰੇਵਾਲ 14 ਅਪ੍ਰੈਲ ਨੂੰ ਵੱਡੇ ਪਰਦੇ ‘ਤੇ ਇਕੱਠੇ ਨਜ਼ਰ ਆਉਣਗੇ। ਦੱਸ ਦਈਏ ਕਿ ਸੋਸ਼ਲ ਮੀਡੀਆ ਤੋਂ ਬਾਅਦ ਦੋਵਾਂ ਨੂੰ ਸਕਰੀਨ ‘ਤੇ ਵੇਖਣ ਲਈ ਫੈਨਸ ਕਾਫੀ ਐਕਸਾਈਟਿਡ ਹਨ।
Yaaran Da Rutbaa: ਗਿੱਪੀ ਤੇ ਸ਼ਿੰਦੇ ਨਾਲ ਬਾਕਸ ਆਫਿਸ ‘ਤੇ ਟਕਰਾਉਣ ਲਈ Dev Kharoud, Prince Kanwaljit Singh, Rahul Dev, Yesha Sagar ਦੀ ਫਿਲਮ ‘ਯਾਰਾਂ ਦਾ ਰੁਤਬਾ’ ਵੀ 14 ਅਪ੍ਰੈਲ ਨੂੰ ਹੀ ਰਿਲੀਜ਼ ਹੋ ਰਹੀ ਹੈ। ਦੱਸ ਦਈਏ ਕਿ ਇਸ ਫਿਲਮ ਨੂੰ ਮਨਦੀਪ ਬੈਨੀਪਾਲ ਨੇ ਡਾਇਰੈਕਟ ਤੇ ਸ਼੍ਰੀ ਬਰਾੜ ਨੇ ਲਿਖਿਆ ਹੈ। ਹਾਲਸ ਜਾਣਕਾਰੀ ਮੁਤਾਬਕ ਇਹ ਇੱਕ ਕਾਮੇਡੀ-ਡਰਾਮਾ ਫਿਲਮ ਲੱਗਦੀ ਹੈ।
View this post on Instagram
Annhi Dea Mazaak Ae: Ammy Virk ਤੇ Pari Pandher ਦੀ ਫਿਲਮ ‘ਅੰਨੀ ਦੇਆ ਮਜ਼ਾਕ ਐ’ ਵੀ ਲੋਕਾਂ ਦਾ ਮਨੋਰੰਜਨ ਕਰਨ ਲਈ ਤਿਆਰ ਹੈ। ਦੱਸ ਦਈਏ ਕਿ ਇਸ ਕਾਮੇਡੀ ਫਿਲਮ ‘ਚ ਇੱਕ ਵਾਰ ਫਿਰ ਤੋਂ ਪਾਕਿ ਹਾਸਲ ਕਲਾਕਾਰ Nasir Chinyoti ਤੇ Iftikhar Thakur ਨਜ਼ਰ ਆਉਣਗੇ। ਐਮੀ ਪਹਿਲਾਂ ਵੀ ਪਾਕਿ ਕਲਾਕਾਰਾਂ ਨਾਲ ਸਕਰੀਨ ਸ਼ੇਅਰ ਕਰ ਚੁੱਕਿਆ ਹੈ। ਇਹ ਫਿਲਮ 21 ਅਪ੍ਰੈਲ ਨੂੰ ਰਿਲੀਜ਼ ਹੋ ਰਹੀ ਹੈ।
Booo Main Dargi: ਪੰਜਾਬੀ ਫਿਲਮਾਂ ਹਮੇਸ਼ਾ ਨਵੀਆਂ ਚੀਜ਼ਾਂ ਦੀ ਕੋਸ਼ਿਸ਼ ਕਰਦੀਆਂ ਹਨ ਤੇ ਆਪਣੇ ਦਰਸ਼ਕਾਂ ਸਾਹਮਣੇ ਪੇਸ਼ ਕਰਦੀਆਂ ਹਨ। ਫਿਲਮ ਬੂ ਮੈਂ ਦਰਗੀ ਦੇ ਨਾਲ ਵੀ ਕੁਝ ਅਜਿਹਾ ਹੀ ਲੈ ਕੇ ਆਉਣ ਲਈ ਤਿਆਰ ਹੈ। ਫਿਲਮ ਹੌਰਰ-ਕਾਮੇਡੀ ਜੌਨਰ ਦੀ ਹੈ ਜਿਸ ਵਿੱਚ Roshan Prince, Isha Riki, BN Sharma, Yograj Singh, Anita Devgan, Sukhwinder Chahal ਵਰਗੇ ਸਟਾਰਸ ਨਜ਼ਰ ਆਉਣਗੇ। ਫਿਲਮ 28 ਅਪ੍ਰੈਲ 2023 ਨੂੰ ਪਰਦੇ ‘ਤੇ ਆਉਣ ਵਾਲੀ ਹੈ।
View this post on Instagram
Mining – Rethey Te Kabzaa: ਪੰਜਾਬੀ ਕਲਾਕਾਰ Singga, Ranjha Vikram Singh, Sara Gurpal, Sweetaj Brar, Pradeep Rawat ਦੀ ਫਿਲਮ ਮਾਈਨਿੰਗ – ਰੇਤੇ ਤੇ ਕਬਜ਼ਾ, 28 ਅਪ੍ਰੈਲ ਨੂੰ ਚਾਰ ਵੱਖ-ਵੱਖ ਭਾਸ਼ਾਵਾਂ ਪੰਜਾਬੀ, ਹਿੰਦੀ, ਤਾਮਿਲ ਅਤੇ ਤੇਲਗੂ ‘ਚ ਰਿਲੀਜ਼ ਹੋਵੇਗੀ। ਇਸ ਨੂੰ ਸਿਮਰਨਜੀਤ ਹੁੰਦਲ ਵਲੋਂ ਨਿਰਦੇਸ਼ਿਤ ਤੇ ਲਿਖਿਆ ਗਿਆ ਹੈ।
View this post on Instagram
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
