Bigg Boss 16 ਦੇ ਆਖਰੀ ਐਪੀਸੋਡ ਵਿੱਚ ਗਦਰ 2 ਦੇ ਤਾਰਾ ਸਿੰਘ (ਸਨੀ ਦਿਓਲ) ਅਤੇ ਸਕੀਨਾ (ਅਮੀਸ਼ਾ ਪਟੇਲ) ਨਜ਼ਰ ਆਏ। ਦੱਸ ਦਈਏ ਕਿ ਦੋਵੇਂ ਬਾਲੂਵੁੱਡ ਸਟਾਰ ਲੰਬੇ ਸਮੇਂ ਬਾਅਦ ਸਿਲਵਰ ਸਕਰੀਨ ‘ਤੇ ਨਜ਼ਰ ਆਉਣ ਵਾਲੇ ਹਨ।
ਲੰਬੇ ਸਮੇਂ ਬਾਅਦ ਇਹ ਜੋੜੀ ਪਰਦੇ ‘ਤੇ ਨਜ਼ਰ ਆ ਰਹੀ ਹੈ ਤੇ ਪ੍ਰਸ਼ੰਸਕ ਇਸ ਲਈ ਕਾਫੀ ਉਤਸ਼ਾਹਿਤ ਹਨ। ਇਹ ਦੋਵੇਂ ਕਲਾਕਾਰ ਬਿੱਗ ਬੌਸ ਦੇ ਸੈੱਟ ‘ਤੇ ਪਹੁੰਚ ਚੁੱਕੇ ਤੇ ਇਨ੍ਹਾਂ ਦਾ ਵੀਡੀਓ ਵੀ ਸਾਹਮਣੇ ਆਇਆ ਹੈ।
ਪੈਪਰਾਜੀ ਨੇ ਅਮੀਸ਼ਾ ਅਤੇ ਸੰਨੀ ਦਿਓਲ ਦੇ ਸੈੱਟ ‘ਤੇ ਪਹੁੰਚਣ ਦੀ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ‘ਚ ਸੰਨੀ ਦਿਓਲ ਸਫੈਦ ਟੀ-ਸ਼ਰਟ ਅਤੇ ਜੈਕੇਟ ਦੇ ਨਾਲ ਡੈਨੀਮ ‘ਚ ਸਿਰ ‘ਤੇ ਪੱਗ ਬੰਨ੍ਹੇ ਨਜ਼ਰ ਆ ਰਹੇ ਹਨ।
ਅਮੀਸ਼ਾ ਪਟੇਲ ਭਾਰਤੀ ਅਵਤਾਰ ‘ਚ ਫੁੱਲ ਪ੍ਰਿੰਟ ਸਾੜ੍ਹੀ ਪਹਿਨੀ ਨਜ਼ਰ ਆ ਰਹੀ ਹੈ। ਵੀਡੀਓ ਅਤੇ ਤਸਵੀਰਾਂ ਸ਼ੇਅਰ ਹੁੰਦੇ ਹੀ ਪ੍ਰਸ਼ੰਸਕਾਂ ਦੀ ਪ੍ਰਤੀਕਿਰਿਆ ਵੀ ਸਾਹਮਣੇ ਆਈ ਹੈ।
ਵੀਡੀਓ ‘ਤੇ ਟਿੱਪਣੀ ਕਰਦੇ ਹੋਏ ਯੂਜ਼ਰ ਨੇ ਲਿਖਿਆ, ਸ਼ੋਅ ‘ਚ ਉਸ ਨੂੰ ਦੇਖ ਕੇ ਬਹੁਤ ਉਤਸ਼ਾਹਿਤ ਹਾਂ। ਇੱਕ ਹੋਰ ਨੇ ਲਿਖਿਆ, ਉਹ ਦੋਵੇਂ ਇਸ ਪਹਿਰਾਵੇ ਵਿਚ ਕਿੰਨੇ ਖੂਬਸੂਰਤ ਲੱਗ ਰਹੇ ਹਨ। ਤੀਜੇ ਨੇ ਲਿਖਿਆ, ਗਦਰ 2 ਆਲ ਟਾਈਮ ਹਿੱਟ ਹੋਣ ਵਾਲੀ ਹੈ।
ਦੱਸ ਦੇਈਏ ਕਿ ਬਿੱਗ ਬੌਸ 16 ਦਾ ਗ੍ਰੈਂਡ ਫਿਨਾਲੇ ਸ਼ੁਰੂ ਹੋ ਗਿਆ ਹੈ, ਜਿਸ ਵਿੱਚ ਭਾਰਤੀ ਸਿੰਘ ਅਤੇ ਕ੍ਰਿਸ਼ਨਾ ਦੀ ਇੱਕ ਤੋਂ ਬਾਅਦ ਇੱਕ ਖੂਬਸੂਰਤ ਪਰਫਾਰਮੈਂਸ ਅਤੇ ਕਾਮੇਡੀ ਦੇਖਣ ਨੂੰ ਮਿਲੀ।
